السلام عليكم
حبيت اسالكم عن ابناء المطلقه اذا سجلت ابنائها بالضمان وصارت تاخذ معاش من الضمان هي وابنائها
هل يحق لها ان ترفع قضيه بالمحكمه على طليقها قضية نفقه على ابنائه بالاضافه الى معاش الضمان
وهل واجب انه ينفق عليهم حتى لوكانت ماديته ضعيفه وعنده زوجه ثانيه بدون اطفال يصرف عليها
وشكرا لكم

في المحكمه لما تطلعي صك الاعاله من دون علم الاب يحلفوك ِ ويحلفو الشهود والمزكيين انو والدهم د مايصرف عليهم ريال واحد
فااظن صك الاعاله يسقط بنفقة الاب
لانو لو قلتيلهم ايوا الاب يصرف بس مبلغ قليل ماراح يطلعو صك اعاله
والله اعلم

اللي فهمته من كلام أختنا ان ماينفق للعياله عشان كدا قالت ترفع له قضية نفقة
كان اذا ينفق ولوقليل ماكان ذكرت رفع دعوى قضية نفقة وبعض الشيوخ يتصل والطليق يقول ان ينفق والمراة تقول ماينفق وفي الاخير الشيخ بيصدرقراربااستخراج صك اعالة وهذا حصل مع وحدة من الاخوات وبعض الشيوخ مايسألوا اذا الاب ينفق ولاماينفق فقط يسأل هل الام تهتم بهم من رعاية وعلاج وووالخ يعني كل وحدة حسب الشيخ اللي تروحله

والله صك الاعاله مو زي زمان طلوعو سهل
دحين صعب بذات انو الشيوخ سارو يخافو يعطو صك الاعاله للام من دون علم الاب ويجي الاب يحاسبهم لما يعرف انهم طلعو صك الاعاله ويسويلهم مشاكل ويقول انا اصرف الشيخ قالو هذا ليا بنفسو
قال وصلنا تعميم وجميع الشيوخ وقعو عليه
فالي تطلع صك الاعاله بهذا الوقت من دون حضور الاب هذي سوت انجاز وانجاز كبير وربي كان معاها
ودحين كمان بالمحاكم غير انو الاب الموظف يتحول نفقة ابنائو على حساب الام على طول اجباري
حتى الاب العاطل مايعطي الام النفقه بيدها لازم يحولها هوا على الحساب عشان يكون عندو
هو شهود و عندها شهود اذا ماحول تجيب برنت
اما اذا هيا ماعندها رقم حساب فهذا شي ثاني
فالي تحصل على صك الاعاله لازم تحافظ عليه الين تتوظف حكومي 😀😃😄

اي والله صدقتي بموضوع صك الاعالة وحضورالاب هذا صار دحين خلال الشهورالماضية لان أستغربت لمازميلتي جات تطلع صك قالوا لازم الاب يحضر وحاولت مع موظف اخر قال نفس الكلام لازم حضورالاب
ولكن أختنا فتاة خجولة تجرب حظها وان شاءالله ربي ييسرأمرها مثل مايسر لي أختنابكالوريوس وعاطلة ماشاءالله تبارك الله قبل شهر طلعت صك والحمدلله ماأستدعى طليقهاولاشي سهالة من ربي العباد
والحمدلله على كل حال