الســلام عليكم ورحمه الله وبركاته



كيف حالكم ان شاء الله طيـبين

كـلي ثـقه في أعضاء المنتدى بـمساعدتي في استفسـاراتي ,

انـا عنـدي مشروع محـل ديكـور و اعمال جـبس وبستـقدم عمالة جديده ومـثل ما انتو عارفين ان العـمال يحـتاج

لـهم تعـليم في البداية وهذي هي مشكـلتي بالظبط

خصوصآ ان خلفيتي في طريقه آعمال الجبس و الاسقف المستعارة بسيطة جدا ولآ كـان دربتـهم انا

الي عنده حـل ولآ طريقة معينـه يفيدنـي فيهآ آكون له من الشـاكرين وكـمان خطر فـي بالـي انـي اتفـق مـع معلم

ديكور على اني اتـرك عمـالي عنده لمدة شـهر تقريبآ عشان يتعلمون و أتـفق معه علـى سعر مقابل التدريب

لآكـن مثل ما انتم عارفـين اغلـبهم يـشتغل لحـسابه الخاص اخاف يخرب العمال علي ويطيح من عينهم الراتب ,

عطونـي أرائكم فـمنكم نـستفيد

وسؤالي الثاني وش ارخـص عمـالة رواتب ووش تنصحوني فيه , هل بنقالي , هندي , نيبالي , باكستاني


وتـحياتي لكـم .

انحش من البنقالي و باكستاني

شوف اذا الهندي احيانا نصيبك بواحد كويس واحيانا يجيك من واحد بلاوي
نيبالي ماسمع الا كل خير بس ما يدبر نفسه بالشغل تشغله فوقه واحد يديره
وعندك اللي يدينه اللي تنلف بالحرير بس راتبه عالي فلبيني مايعلى عليه
بخصوص المعلم لزم تشوف واحد تكفله فتره وبعد مايعلم الطاقم تسهل المعلم يشوف رزقه

ماعندي خلفيه عن العمال
لكن عندي افكار للاجباص والاسقف المستعارة
يوم بنينا بيتنا اخذت صور من النت واالمشكله المنطقة الي انا فيها كبيرة
لاني ماوجدت عندهم نماذج حلوه المهم يوم سلمتهم الصور راحوا يعملون قوالب من جديد
وصار شغلهم متميز وملفت للانتباه لانه جديد على النا س الي هنا
الصور النماذج الي فيها بسيطه لكن بنفس الوقت راقيه ومتميزة
والصور اخترتها من بيوت اوربيه
لان التصاميم المتعارف عليها هنا سيئة للغايه مكلفه والاجباص بزياده وغير انهاتجمع الحشرات وحدث ولاحرج
انشاءالله بعد مايصبح مشروعك على ارض الواقع اعمل اجباص من افكار اوربيه لان الافكار القديمه قليل من الناس يطلبها لانهم يبون التجديد
لو عندي خلفية عن تنزيل الصور نزلتها الحين مثل الاجباص الي على الابواب والنوافذ والاسقف
وبالتوفيق

مشكور يادبلوم اعلام شكلها بتصفى على الهندي كثير الي مدحونهم
زرقا اليمامه الله يعطيك العافيه على الفكرة

احسن شي شوفلك معلم وخلهم ينزلو معه على الشغل وترى يتعلمو منه

من واقع تجربه البنقالي والباكستاني مالهم خاطر في الفن والشغل المرتب الطابوق يمشي معاهم
الهندي يده خفيفه ويحب شغل الفن والجبس