السلام عليكم ورحمه الله وبركاته ..
كيف حالكم ي شباب ..
جزاكم الله خيير انا انقبلت قبول مبدئي بسلاح المدرعاات لكن متخوف من حاجتين :
الحاجه الاولى: هي ان طولي اتوقع اقل من 160 يعني هل يدققون ع الطوول ولا ان شاء الله سهالات ويمشون
الحاجه الثانيه: طبيعه الدوره ؟ و45 يوم هي كامله 45 يوم ؟ .. وكم مده الدوره ..؟ ومتى يصرفون المستحقات بعد 45 يوم ولا الفرد الاساس ..؟
ابي جميع التفاصيل عن الدوره و عن طبيعه سلاح الدرعات بشكل كامل والراتب مع البدلات وهل اقدر اختار تبوك لو انقبلت ان شاء الله قبول نهائي يعني مثلا تخصص او اي حاجه تخليني بتبوك ؟
استحملوني شوي مع الاسئله ذي
وشكرا ..

رفع

الطول ان شاء الله يمشون باذن ربي في اقل من 160 قبلوه حسب العسكري اللي يقيس الطول
اما الدوره فرد اساس خلوها 4 شهور 45 يوم ما تطلع من المركز وبعدها تطلع اسبوع كامل وترجع وتدخل التخصص 3 شهور تقريبا وتعتبر طالب تاخذ مكافاه والتعيين على حسب الاحتياج اغلب سلاح المدرعات تعيينهم تبوك

لي صديق فيها يمدحها توه مخلص 45 واموره زينه الحمد لله ومسموح زياره الطالب اثناء الدوره يوم جمعه وسبت العصر الى المغرب


والتعيين جندي اول الراتب فوق 7 الاف وشوي والله يوفقك

الدوره 7 شهور اغلب المعاهد العسكريه كذا 4 شهور فرد اساس 3 شهور تخصص مع بعض

الله يوفقك اخوي وحيد الشمال وش تخصصك في الثانويه علمي ولاشرعي وكم نسبتك وشكرا

يا اخوان احد يفيدني لاهنتم
انا انقبلت في تقديم المضليات السابق قبول مبدئي ولارحت
والحين انقبلت مبدئي في المدرعات
ولا ادري اروح او لا ..
السبب ان عمري 33 وهم طالبين اقل
واستغربت يرسلون لي قبول مبدئي يعني ماقروا عمري!
فما ادري احد عنده علم ويخبرني بدون ما اتعب.

ي رجال روح وتوكل على الله سبحانه .. صدقني رزق من الله سبحانه

روح وخلك واثق ب رب العالمين لـ ان الرزق ب يد الله سبحانه .. ربي يرزقك ب واحد ولد حلال .. مايقولك وما يبشرك الا بكل خير


استغفر الله العظيم الذي لا اله الا هو الحي القيوم واتوب اليه عدد خلقه ورضا نفسه وزنة عرشته ومداد كلماته .. ولا حول ولا قوة الا بالله العلي العظيم .. انا جاني قبول ف المدرعات وبسلم امري لله سبحانه وبتوكل على الله وبروح