السلام عليكم ..




انا طالب متخرج من كلية التقنيه تخصص "دبلوم الكترونيات صناعه وتحكم" والأن ادرس في برنامج الأنجليزي المكثف واحس ان الوقت ضايقني .. لأن التسجيل في بكالوريوس التقنيه وبرنامج اعداد المدربين يطلبون درجة توفل وايتلس وانا اشوف برنامج الانجليزي المكثف غير كافي انه يساعدني في تحقيق الدرجه المطلوبه في اختبار التوفل والايتلس .. يحتاج لغه خارج المملكه ..




السؤال وش تنصحوني اسوي ودلوني على طرق اكمل فيها بكالوريوس لو غير تخصصي في كلية التقنيه .. لأن اصلا من الاساس دخلت التقنيه وانا ما اعرف عنها شي ولا اعرف مستقبلها وهذا اللي وهقني الأن .. عطوني حلول وساعدوني باللي تقدرون عليه .. مثلاً وش افضل الجامعات اللي اكمل فيها ووش افضل التخصصات المرغوبه واللي لها مستقبل .. كل واحد يشارك لو ب معلومه وحده .. للعلم تخصصي الكترونيات بتقدير جيد جدا المعدل 4:20 من 5 ..



تحياتي لكم

يا اخوان محتاج فزعتكم 😢

هلا اخوي
تبي نصيحتى حرام تبدء من جديد 4 سنين في مرحلة جامعيه جديده
الان الفرصه بيدك وما شاء الله تقدير طيب حاول تجتهد انت في اللغه ادخل معهد او مع مدرس وصدقني ماراح تتفوق الا اذا رفعت همتك شوي واجتهدت انا كنت مثلك اختبرت الاستيب طبعا مو مثلك دخلت المكثف لا دخلت واختبرت اول مره جبت 30 في الاختبار بعدها بشهر تقريبا اختبرت الان وجبت 49 باقي درجه واحده فقط . شفت الفرق كيف الاول دخلت الاختبار ميح ولا فهمت ايش الاسئلة الثاني دخلت وكنت متوقع القبول ولكن الحمدلله على كل شي بس الثالثه ثابته باذن الله .
العبره فيك انت ارفع همتك وشد حيلك واجتهد الان المستقبل واضح لك والحمدلله متوفر لك اكمال البكالوريوس مو مثلي تخرجت وما لقيت فرصه ليش ترجع تغير تخصص وتبدء من جديد !! تخصصك ممتاز اذا كملت الهندسه ام بالدبلوم صعب .
واسال الله لنا ولك التوفيق .

انا اقول افضل انت تشوف المجال الوظيفي لتخصصك بكالريوس قبل لاتكمل اذاء كان مستقبل وظيفي ممتاز حول تكمل جرب قدم جامعه منت خسران شيء ممكن يجيك تخصص حلوو مرغوب توظيف قبل لايطوف على شهادتك ثانوي ثلاث سنين انتظام
ادخل معهد انجليزي او تاخذ دورات او تدرس الخارج كم شهر لان تتعلم ترجع تختبر توفل او الاستيب
انصحك لاتدخل الاختبار انت مو فاهم شي غير تعب نفسك على الفاضي لاتعتمد على الحظ
كليه التقنيه ابد الكل تخرجو منها اعرفهم محد ينصحني فيها
بتوفيق

اخوي تقدر تكمل بجامعة الامير فهد بن سلطان بتبوك ويعادلونها لك سنتين يعني تروح هناك تدرس ثلاث سنين عرفت

والله يوفق انا ان شااء الله رايح على شهر ثلاثة بقدم الترم الثاني

سهله يالغالي

خليك مستمر في برنامج اللغة الإنجليزية
مكتوب في شروط بكالوريوس كلية المدربين التقنيين (أن يكون متحصلا على الدرجة المطلوبة في اللغة الانجليزية (اجتياز برنامج اللغة الانجليزية المكثف في المؤسسة العامة للتدريب التقني والمهني أو الحصول على درجة 4.00 في اختبار (IELTS) أو أي شهادة في اللغة الإنجليزية تعادل ما سبق).

اجتاز برنامج اللغة الإنجليزية وراح تنقبل بأذن الله

او في حل آخر يالغالي لاتيأس وحاول تتفائل

برنامج الابتعاث خارج المملكة ع حساب المؤسسة العامة للتدريب التقني والمهني

حاول انك تشد ع نفسك في فترة البرنامج بحيث انك تختبر توفل او ايلتس او ستيب وتجيب الدرجة المطلوبة وهمه راح يعطوك سنة لغة وسنتين دراسة لو تحسبها يالغالي راح تكون عليك سنة وستة شهور انجليزي يعني باذن الله مستواك راح يكون ممتاز في اللغة الإنجليزية


انا اشوف أفضل حل لك بكالوريوس كلية المدربين التقنيين بالرياض لانه مميزة ومنتهي بالتوظيف سواء كامدرب في المؤسسة العامة للتدريب التقني والمهني او كا مهندس في شركات كبيرة مثل أرامكو - سابك

بكالوريوس كلية المدربين التقنيين يعطيك شهادتين ( مدرب و مهندس ) وبعد تخرجك منها باذن الله راح تلاقي الشركات كلهم قدامك وخصتا المؤسسة اتوقع راح تعطيك مميزات افضل منهم كا مدرب


وان شاء الله أكون افدتك يالغالي بالتوفيق
^_^

سهله يالغالي

خليك مستمر في برنامج اللغة الإنجليزية
مكتوب في شروط بكالوريوس كلية المدربين التقنيين (أن يكون متحصلا على الدرجة المطلوبة في اللغة الانجليزية (اجتياز برنامج اللغة الانجليزية المكثف في المؤسسة العامة للتدريب التقني والمهني

لا يالغالي غلطان
انا متخرج دبلوم مكثف من كلية ماقبلوني لازم تختبر step او اي اختبار ثاني

السلام عليكم


عندي استفسار بسيط يا شباب الحين برنامج اللغة ضروري وإلا كيف

لأَنِّي ممتاز في اللغة مايحتاج ادرس افيدوني

يعني لو اختبر باجبب درجات كويسه ف التوفل والاستيب

انا مثلك خلصت برنامج اللغة المكثف عساس اخش كلية المدربين او الابتعاث وصار تغيير في الشروط بدال اجتياز البرنامج تجيب درجة مطلوبة في التوفل او الايلس

الحل ياطويل العمر والي انا ماشي عليه حاليا هو تدرس في جامعة الملك فيصل انتساب تعليم عن بعد وانت في بيتكم تحضر المحاضرات والاختبارات تحدد وين تختبر باي مدينة تبيها , واذا حصلت لك وظيفة ادخلها يصير تشتغل و تدرس واذا تخرجت ان شاء الله يرقونك في وظيفتك

وبالتوفيق

وفية حل هو اذا كنت موظف وعندك طموح تكمل دراستك الاول

انك تدرس من جديد انتساب في جامعة الملك فيصل او الملك عبدالعزيز او الامام مع تغيير التخصص

او تدرس مسائي في الجامعات الخاصة مثل الجامعة العربية المفتوحة تعادل شهادة الدبلوم من 15 الى 20 ساعة والدراسة كل اسبوعين تداوم من يومين الى 3 ايام والشهادة قوية جداً واللي يخوف الناس من الجامعة ان كل الدراسة باللغة الانجليزية بس الصراحة شهادة الجامعة العربية تستاهل والرسوم من 4 الاف الى 6 الاف في الترم وفية ميزة عن الانتساب ان الجامعة العربية فية ترم صيفي وشهادة الجامعة انتظام ومطلوبة في سوق العمل نظراً للمناهج بريطانية وقوية