بظاعه من اسواق دبي جمله ومفرق

تعامل1 · #1 (**permalink**) 20-10-2015, 02:39 AM

السلام عليكم ورحمه الله

اخواني في المنتدى اسعد الله ايامكم

بحكم تواجدي الدائم في دبي ومعرفتي باسواقها
لمن يريد بظاعه من دبي بالجمله او المفرق لتجار المبتدئين او نقل بضاعه فانا مستعد لخدمتكم وخصوصا في المجلات التاليه

* قطع السيارات والاكسسورات والزينه بعده درجات

* الملابس النسائيه والحقائب والاحذيه

* العطورات الفرنسيه و مستحضرات التجميل المرخصه فقط ((حفاظا على صحه البشر)) سواءا كانت ماركه او عاديه

* متابعه تغليف وتخزين ونقل البضائع حتى وصولها للعميل
* متابعه اعمال وصفقات سابقه في حال تعذر زيارتكم لدبي

في حال استدعت الحاجه سوف ارسل عينات قبل شراء الكميه ليعاينها المشتري

لا مشكله في الكميات القليله او راس المال الصغير

والله يوفق الجميع

فيصل العبدالرحمن · #2 (**permalink**) 20-10-2015, 09:31 AM

ارسلت لك رقمي على الخاص الله يوفقك

مفلح المطيري · #3 (**permalink**) 20-10-2015, 11:03 AM

السلام عليكم ..

انا ودي ابداء في مشروع وصراحه اشوف العطورات الفرنسيه ومستحضرات التجميل تمشي عندنا ..

انا ابي بالجمله كيف راح تخدمني انت وكيف الخطه بالضبط وكم راس المال ك بدايه لي ؟

انتظرك

مستشار البلوي · #4 (**permalink**) 20-10-2015, 02:06 PM

يالغالي ماعندي سجل تجاري
وابي ادخل بضاعة مدري اقولك عنها وانت تبحث عنها وتشوف الاسعار ولا كيف
وياليت ترسلي رقمك بالخاص على شان اقدر اتواصل معك

بوحسونه · #5 (**permalink**) 20-10-2015, 03:21 PM

(((لا مشكله في الكميات القليله او راس المال الصغير

والله يوفق الجميع )))
,,,

جزاك الله خير ورزقك من واسع فضله,
نعم, هذا اللي يبي يترزق من جد مو يجيك واحد ويقول لازم طلب كميةكبيرة ويتشرط.

تعامل1 · #6 (**permalink**) 20-10-2015, 07:41 PM

مرحبا فيكم الجميع

فيصل مرحبا فيك عالخاص ومن ثم على الوتساب

مفلح المطيري العطورات الفرنسيه موجوده
كيف راح تخدمني انت
راح ارسلك صور عينات واسعارها وانت تختار واذا عندك اسماء معينه ارسلها وانا بوفرها لك
وكيف الخطه بالضبط
بعد تحديد ميزانيتك على سبيل المثلا 2000 ريال راح اشتري لك فيها البضاعه ياللي تحددها ونظيف قيمه الشحن للسعوديه ونضيف اتعابي المتوقعه بحدود 500 ريال منها مواصلاتي ومتابعتي للموضوع واذا الله فتح عليك فالمستقبل وصرت تطلب بمبالغ اكثر ما راح نختلف المهم نصنع خط تجاري صغير ونكبر معه
وكم راس المال ك بدايه لي
هذا يرجع لك انت بس يكون مجدي يعني من 3000 وفوق

مستشار البلوي يالغالي ماعندي سجل تجاري وابي ادخل بضاعة مدري اقولك عنها وانت تبحث عنها وتشوف الاسعار ولا كيف
وياليت ترسلي رقمك بالخاص على شان اقدر اتواصل معك

حدد البضاعه نبحث عنها نشوف افضل سعر وتعطينا الاوكيه
اما السجل التجاري مش مهم كثيرسوف يتم شحن البضاعه باسم مكتب ( لاتركز على الاجراءات الرسميه كثير في اي تجاره ) المهم لو جاتك البضاعه تقدر تصرفها هنا التجاره

ابوحسونه (((لا مشكله في الكميات القليله او راس المال الصغير

والله يوفق الجميع )))

نعم نسال الله التوفيق والرزق الحلال

الأمارات · #7 (**permalink**) 21-10-2015, 02:55 AM

مرحبا لو سمحت ارسل رقمك علي الخاص .

جانيت · #8 (**permalink**) 21-10-2015, 08:36 AM

ايش الضمانات اللي تقدمها؟
التعامل راح يكون معك كشخص والا كمكتب؟
عفوا
بس المثل يقول(حرص ولا تخون )
واحد قبلك ضحك على الأعضاء بقصة الاستيراد من دبي وسحب عليهم
وانت دوبك عضو جديد وهذا أول موضوع لك..

تعامل1 · #9 (**permalink**) 21-10-2015, 01:11 PM

العضو الامارات مرحبا فيك بس حسابي مايسمح ادخل خاص

الاخت جانييت اشكرك على طرح موضوع الضمانات والثقه
ايش الضمانات اللي تقدمها؟
لو تجارتنا كبيره بالاف الريالات كان الامور سهله نتقابل وستلام وتسليم او عن طريق صفقات اللي اديرها البنوك
بس نتكلم عن مبالغ بحدود 3000 الى 10000 ريال يعني لو احضر البضاعه وبالسعر والمواصفات المطلوبه ويجي المشتري من السعوديه برحله ذهاب واياب بنفس اليوم هذه طريقه بس مادري اذا عاد فيها جدوى اقتصاديه خاصه اللي مشترياته ب3000 ريال

ولاني برضه انا عندي شغلي في قطاع الاعمال الفنيه
بعد زياره الموقع الصبح اكون فاضي فاجتني فكره استثمر وقتي في التجاره اللكترونيه

واللي عنده طريقه مجديه لموضوع الثقه يكتبها بيكون سهل على ناس كثير ودهم في التجاره اللكترونيه

التعامل راح يكون معك كشخص والا كمكتب؟
عفوا

كشخص وراح يكون دوري كالتالي
مثال شخص طلب اطارات سيارات عدد 30 تاير ؟
اخذ منه المواصفات واسم التاير وصوره التاير ابحث عن المورد لقيت التاير اخذ سعره بدون ما اشتريه وكمل بحث عن شركه شحن توصله للرياض
لقيت الشركه اخذ السعر منهم ومده التوصيل وموقع التنزيل والجمارك واساله كم تكلف الين توصل البضاعه يد المشتري ؟
عقب اتصل على الرجال واوقوله بضاعتك بتكلفك لين توصل ايدك السعر الفلاني ساعتها الشخص يشوف اذا معه فايده او يكنسل
اذا عزم نرجع مره اخرى لموضوع الثقه
اتركه لكم اذا جات الامور بسهلات الحمد لله واذا ماتيسرت ماخسرنا شي

قلبك قدك · #10 (**permalink**) 21-10-2015, 01:12 PM

^
حسبنا الله ونعم الوكيل
فعلا هذا اللي صار اتنصب علينا رغم وجود
اسم لمؤسسة واسم شخص ( بواسطة رقم الحساب )
ورقم جوال اماراتي وايميل
وتوفر صور للعينات
والمتابعة بالرسائل وتوفير التفاصيل
وذكر الله او الحلف اللي ممكن يكون سبب في وجود اريحية للتعامل مع الشخص

وفي النهاية للاسف طلع كله كلام فاضي

لا اقصد زرع الشك او التخريب على صاحب الموضوع لكن ااتمنى من الاعضاء اخذ الحيطة والحذر قبل التعامل