السلام عليكم ورحمة الله وبركاتة

اخواني اتمنى وضعت موضوعي في القسم المناسب


مشكلتي انا صاحب محل تجاري ( مغسلة سيارات ) وانا موظف في قطاع خاص

الحين مطلوب على المحل موظف سعودي

طيب وين السعودي الي يشتغل في مغسلة سيارات
طيب لو لقيت واحد وافق كم بكون راتبه؟
طيب هل بعد 3 سنوات من العمل اعطيه شهاده خبرة على العمل في مغسلة سيارات..؟؟؟

يعني لازم نسجل سعودة وهمية !!!

طيب دورت كثثثثثثثثثثثثثثثير الكل مسجل في شركات براتب 3000 الاف ريال !!!!!!!

طيب والمؤسسات الصغيرة مثلنا ( حلاق - مغسلة ملابس - مغسلة سيارات - بوفية )


ويش نسوي ؟ نقفل المحل؟

اتواصلت مع مكتب العمل قلت ليهم ماحد راضي يشتغل عندي ويش اسوي قالو لي تواصل مع نطاقات ( حافز) قلت ليهم طيب لو مالقوا لي موظف؟ ويش اسوي قالو لازم مطلوب على المنشاة نسبه للسعوده !!!!!!!!!!

شباب ادا في حيله خبروني عنها
ماقدر ادفع سعوده الى شخص نايم في بيتهم 1500+ تامينات اجتماعية

مالك الا تسجل واحد تعرفه
اخوك ولد عمك (ابوك اذا كان متقاعد ) دبر عمرك
او اطلب سعوده ب 500 ريال

سجل شخص معاق براتب 4000 الاف شامل تامينات
وبنظام السعوده عن 4 موظفين سعوديين يعتبرونه
يعني كنك موظف 4 اصحاء
اغلبية منشاة حاليا كذا مسويين
وفي هنا بالمنتدى قسم لتوظيف ذوي حتياجات خاصه
اكتب ابي موظف عن بعد وبراتب 4 الاف ع سبيل مثال وهذا اقل راتب للمعاقين وفي كثير شباب يدورون وظيفه
او خليه يتوظف ب 5 الاف اذا اعاقته بسيطه ويصير محاسب
واعتقد موارد يدفعون جزء من المرتب

موضوع انك ما لقيت سعودي :
- اتجهت لصندوق تنمية الموارد البشرية (هدف ) يدفعون نصف الراتب للسعودي ويعطوه مميزات كثيرة تخليهم يقبلون على الشغل وممكن يجيبون لك موظفين .
- اتجهت للكلية التقنية في المؤسسة العامة للتدريب التقني والمهني يعطوك موظفين وعندهم اتفاقيات تدريب منتهي بالتوظيف مع شباب مؤهل للوظيفة.
- اتجهت للإعلان في المواقع ( ابحث في النت مواقع توظيف وستجد )وابحث عند المعارف والصحف حتى لو في الشارع عند اشارة تضع اعلان تلاقي .
- ونطاقات يعلنون ويجيبوا موظفين صدق.
لا تقول سعودة وهمية لان الموضوع حرام واثم عليك لا تبدأ به .

انا اعرف ان الموارد تساعد حتى الصغيرة جداً كلامك مو صحيح حتى صاحب العمل في المحل تدعموا ب 3000 اذا يدير مشروعوا بنفسة كيف تقول كذا والله انك لو تحسبها صح انشاءالله يعطوك ولو سألت في الكلية التقنية ما يقصروا لانهم يخرجون شباب في مهن تغسيل سيارات وغيروا انا متاكد 100 % ويعطوك وانت محل لاتقفل الباب وتقول كلام من عندك.
والله انت لو تقسم الدوام شفتين كان لقيت الرجل المناسب مافي احد يريد الدوام الكامل والراتب قليل خليك واقعي وانت تتكلم وإذا على طريقة ما تريد تخسر انا اقولك احسبها صح بإذن الله ماتخسر .
وممكن تاخذ مشورة من الغرفة التجارية يفيدوك اكثر في تصريف امورك من حيث المبالغ .