السلام عليكم
اخواني تكفون احد يساعدني احس نفسيتي تعبت والله بموت من الهم ذبحوني بكلمة انتي موظفة
انا معاقة معي شلل اطفال زوجي طردني انا وولدي من البيت اضطريت استاجر لي شقة هو يقول انه طلقني لكن لحد الحين مااستلمت ورقة الطلاق رحت للتاهيل الشامل قالوا الموظفة مالها شي رحت للضمان قالوا الموظفة مالها شي رحت لجمعية حركية خذوا اوراقي وقالوا بنتصل عليك ومحد كلمني اضطريت اخذ قرض من البنك عشان اسدد الايجار او صاحب البيت بيطردني الحين انا بهم مايعلمه الا الله
2000 راتب الشغالة لاني للاسف ماعندي فلوس استقدام وماقدر اخدم نفسي او اخدم ولدي ولدي رضيع عمره سنه ونصف
1500 راتب السواق
القرض من البنك 2200
وعلي دين لجهه عملي يخصمون 3000
مايبقى من الراتب شي الا مصاريف انا وولدي
المشكله باقي 3 شهور على الايجار الجديد ومامعي فلوس اسدد الايجار
حاولت اقدم على جمعية الوليد ماوصلني رساله التفعيل وين اروح انا ووليدي
محد رحم حالي وحيدة مريضة معاقة وطفلي الصغير وش اسوي فيه تكفون وين اروح احد يساعدني تعبت من التفكير وخايفة يجي موعد الايجار ومامعي اسدده

ماعندك الا تكلمين جميع الجمعيات الخيريه الموجوده بمنطقتك ويشوفون لك حل مع القروض
والله يكون بعونك ماتضيق الا تفرج ان شاء الله

لاحول ولا قوة الا بالله
الله يفرج همتس ي رب عليتس بالدعاء
ورددي دايم
لا اله الا انت سبحانك اني كنت من الظالمين
وان شاءالله رب العالمين بيفرجها عليتس ويسخر لتس اهل الخير ي رب

الله يعينك يارب ويوفقك ويفرج همك

بس روحي لجميعة البر ويسسددون الايجار عنك وع ماظن الكهرباء ، خذي معك عقد الايجار و فواتير للماء والكهرباء

الله يفرج همك ويوسع رزقك ياااارب

وعليكم السلام
حنا اللي عندنا اعاقه مفروض عندنا عزيمه واصرار اكثر من الاصحاء ولاتقولين بموت من الهم والمرض احمدي ربك ع كل نعمه

اول شي ارجعي اذا تقدرين بيت اهلك

ثاني شي ارفعي عليه قضيه من عند شرطه

وحقوق انسان عشان تاخذين ورقتك

والضمان فعلآ يفصلون اي وحده تتوظف بس تاهيل هشي مدري عنه

بس اسالي عن مساعده مقطوعه

وروحي جمعية الوفاء الخيريه يسكنون اللي ماعندها احد اعتقد مش متاكده او روحي دار الحمايه

اذا انتي بالرياض روحي لجمعية بنيان او النهضه النسائيه

واذا عندك تويتر ضيفي اماني الشعلان تساعد ناس كثير

واذا السواق والسياره لك خليه يوصل موظفات اوطالبات

تستفيدين منه كذا اواطلعي على احد هل برامج يمكن فاعل

يساعدك مثل الثامنه اوبدون شك مدري وش اقولك الله يكون في عونك ويسخرلك

اختي اذا انتي من سكان الرياض روحي جمعية بنيان مخرج 4 طريق ابو بكر الصديق يسددون ديون ووايجار ويعطون قروض ويعطون سكن ويسددون ايجاره وعندهم كثير خدمات والصباح ان شاء الله اجيب لك الرقم واتصلي واستفسري منهم واشرحي وضعك والله يفرج لك همك ويفرج لنا

لاحول ولاقوه الابالله
مرئياتي
ارى والرأي السديد لك وللمشاركين بأقلامهم
حاولي ان تحصلي على صك طلاقك وبسرعه وقدمي على الضمان لأبنك بعد ان تخرجي صك مفاده ان ابنك تخلى عنه والده ويكون الضمان بأسمه
التقديم للأماره وتحاولي ان تقابلي الامير وتوضحي بالاستدعاء كل شي ليتم تحويلك للجمعيه الخيريه او الاوقاف ليتم تسديد الاجار او اعطاءك شقه التابعه للأوقاف
قدمي على التأهيل اذا لديك شلل وبأذن الله تشملك 150000
حسبي الله ونعم الوكيل على كل من طغى

ربي يوفقك

لاحول ولا قوة الا بالله

عسى ربي يفرج همك يااختي