تنصحون بسبائك الذهب ..

جينيفر · #1 (**permalink**) 21-10-2015, 04:59 AM

السلام عليكم ورحمة الله
اخواني واخواتي بارك الله فيكم شرايكم
اختي عندها مبلغ محوشته لعيالها وكل شهرتحط مبلغ معين بسيط لكل واحد منهم تقول بكرة اذا كبرو ينفعهم في ظل عدم توفر الوظايف وغلا هالاسعار..
تقول ان الريال ما منه فايدة يظل مخزن بالبنك ويمكن يجي زمن وينزل الريال..تفكر انها تشتري سبايك ذهب وتخليهم لان تقول الذهب مستحيل بينزل اذا ماثبت مابينزل؟؟
شرايكم مشكورين؟

بوحسونه · #2 (**permalink**) 21-10-2015, 08:47 AM

قرار حكيم,
فعلا الذهب يرتفع ولو ماارتفع ماينزل سعره.
لكن وين ينحط؟ بالبنك أوكي, أما في مكان غير آمن حتى لو كان بصندوق تجوري في البيت فما أنصح.

شعلة نشاط · #3 (**permalink**) 21-10-2015, 09:41 AM

الحقيقة كلام سليم , الذهب هو الاساس والثروة الحقيقية سيأتي يوم وهذي حقيقه ستصبح الاوراق النقدية ورق حمام اعزكم الله
فلذالك نصيحه, الشخص الي يملك 100الف يحول 25% لذهب من قيمتها وهكذا .

تقبلو تحياتي

اب ت ث · #4 (**permalink**) 21-10-2015, 11:21 AM

وعليكم السلام ورحمة الله وبركاته
كلام اختك عن الفلوس سيلم فالقيمه النقديه للنقود تقل كل سنه ..
اما شراء الذهب وتركه على المستوى البعيد مثل الي تبي تسويه اختك فما اقدر افتيك ، ولكن على المستوى القصير يعني الي بيشتري سبائك للمتاجره الاسبوعيه مثلا فسعر الذهب متغير على سبيل المثال سعر جرام عيار 24 كان يوم الاربعاء الي راح 142.87 وامس 141.81 .. الذهب صحيح مو متذبذب في اسعاره مثل الاسهم لكن حتى هو يتغير سعره ممكن ينزل وممكن يطلع انا اشتريت سبائك قبل فترة الجرام ب 170 تقريبا وطبعا انخميت فيه لان السعر كان مرتفع ذيك الايام والان الجرام ب 141 ..
الله ييسر لكم امركم شوف المناسب لكم واستشيرو واستخيرو .
والصراحه انه ام مثاليه وام بمعنى الكلمه الي تفكر في عياله وشايله همهم من الحين
تحياتي

شاهي حبق · #5 (**permalink**) 22-10-2015, 12:04 AM

من وين اشتري ذهب واتاجر فيه ووين ابيعه
ووين القا زبونه

الأمارات · #6 (**permalink**) 22-10-2015, 06:05 AM

الذهب من المحلات المشهوره مثل رميزان وشرط أن يكون مختوم عليه سويسري بالانجليزي لأنه بعض السبائك تكون صناعات من بعض الدول مثل مصر وأفريقيا والأفضل السويسري اللي يكون مختوم علي السبيكه سويسري والاخوان هنا أن شاء الله بيفيدونك با أفضل الأماكن لشراء

فهيد بشير · #7 (**permalink**) 22-10-2015, 03:52 PM

سبائك الذهب تحصلها في البنك العربي ع حد علمي وأهم شي ختم البنك عليها
والسعر في قطر أقل من السعوديه والجمرك 1% وقريت خبر أن السعوديه أعفت من جمرك الذهب وإن شاء الله يكون صحيح

في السعوديه
عيار 24 بـ 140.7 ريال
عيار 22 بـ 128.97 ريال
عيار 21 بـ 123.11 ريال
عيار 18 بـ 105.52 ريال
عيار 14 بـ 82.07 ريال
عيار 10 بـ 58.62 ريال
و الأوقية بـ 4376.1 ريال

في قطر
عيار 24 بـ 136.56 ريال
عيار 22 بـ 125.18 ريال
عيار 21 بـ 119.49 ريال
عيار 18 بـ 102.42 ريال
عيار 14 بـ 79.66 ريال
عيار 10 بـ 56.9 ريال
الأوقية بـ 4247.39 ريال

هذي أسعار الجرام الصافي في البورصه
أما سعر المحلات فياخذوا عليك سعر الجرام الصافي في البورصه وسعر المصنعية و سعر مكسب المحل

أما أنت تاخذه بسعر البورصه في البنك وتبيعه ع المحلات خام أو تحتفظ فيه لليوم الأسود وإذا أرتفع تبيعه ع البنك

وفي حال رغبتك في شرائه من محلات الذهب فـ أهم شي تاخذه بدون أحجار المضافه له والفصوص
لأنها راح تزيد من الجرام ويبيعها عليك أنها ذهب ولو بغيت تبيع صاحب المحل راح يحذف الفصوص ويشتري الذهب صافي
مثلا أشتريت عقد 140 جرام وفيه أحجار كبيره او فصوص ثقيله
فـ الوزن الصحيح للعقد بدون أحجار ممكن يكون 70 جرام ! و70 جرام وزن الأحجار
وهوا بـ يبيعها عليك جرام الأحجار بـ سعر جرام الذهب !
ولو أخذته مثلاً بـ 15.000ريال وبغيت تبيعه وفككو الفصوص راح يطلع سعر البيع
10.000 ريال وهذا مثال فقط

المهم أشتر ذهب خام من البنوك فقط تاخذه بسعر العالمي والسعر متذبذب ولحظي
يرتفع وينزل بـ الدقيقه والثانيه والله يزقك من واسع فضله

نصحيه للي يشترون من محلات الذهب سواً للتجاره أو للإستخدام الشخصي
أشتر الذهب بسعر الجرام اليوم وضيف عليه 30 ريال تكلفة المصنعية
طبعاً ماراح يوافق إذا كان المحل فيه ناس لكن لو لوحدك راح تقنعه
هذا من حقك كـ زبون ومستهلك

فاكتور · #8 (**permalink**) 22-10-2015, 04:46 PM

ماقصروا الاخوان كفو ووفو

بخصوص شراء السبايك
اولا متابعة البورصه و الاطلاع على
نتائج السنه الماضية لتحديد سعر الشراء
واذا مثل مايقولون الاخوان انه بقطر اقل شي ثاني وفرق كبير
بالاضافة ان السبائك تقريبا سعرها سعر بورصة ولك الخيار في حفظها
لدى المكان المشترى منه واخذ مقابلة سند او استلامها وتفرق من مكان لمكان تقريبا
اضافة الى ذلك الذهب سيكون له زكاة وستضاف على السعر و المدة
اتمنى اني افدتكم بشي