07-10-2008, 10:43 AM
|
عضو متواصل
|
|
تاريخ التسجيل: Sep 2008
المشاركات: 80
معدل تقييم المستوى: 34
|
|
انا كملت 10 سنوات عاطل عن العمل شهادتي كفاءة مانجحت بالدراسة الثانوية اشتغلت اكثر من مرة بس كمان ماتوفقت اشتغلت اول مرة في شركة بالملز انا من سكان الرياض ماكان معي سيارة كنت اروح وارجع بلموزين بقيمة 30 ريال يوميا وفطور وغداء 20 ريال كنت اخذ من ابوي خمسين ريال يوميا راتبي كان 1500 قعدت شهر ونصف بدون راتب وفي الاخير عطوني راتبي مع الخصم يعني كانك يابو زيد ماغزيت قالي مدير الشركة اسمع لاتقعد كل يوم والثاني تقول عطوني راتبي ترى احنا نتاخر بالدفع يعني بلا ازعاج تركت الشغل جلست فترة طويلة يمكن سنتين بعدها عاطل اشتغلت مرة ثانية بفندق قصر الرياض بحي الوزارت وضيفتي كانت خدمة عملاء بالفندق خلوني انظف دورات مياة الله يعزكم شوفو وين وصلت المواصيل فيهم كان راتبي 2000 انظف الغرفة حقت العملاء ( ارفع راسك انت سعودي ) ماقدرت اتحمل الوضع لاني ولد قبيلة والوضع هذا مايساعد بعدها تركت الشغل ضليت فترة طويلة عاطل رجعت مرة ثانية اشتغلت في العثيم خدمة عملاء ( مكيس ) كان في واحد يدرسنا في العثيم دروة خدمة عملاء كان يقول لنا اذا واحد منكم ترك الوظيفة عادي بدل ***** مائة كلب تخيلو شبهنا بالكلاب الله المستعان بس بعدها تركت لان ماكان معي سيارة وكان بعيد عن البيت ستمريت فترة طويلة بعدين رحت لشركة بشارع الضباب دفعت مبلغ عشان يدورو لي وظيفة صارو كل فترة يقول لي تعال في مقابلة شخصية قدمت على وظيفة بائع لشركة الشايع للملابس 3 مقابلات يرفضو اخر شي رجعو لي المبلغ ومن هالقبيل كل شغلة فيها مشاكل والحين صار لي 10 سنوات بلا عمل بلا امل مستمر في رحلة الضياع نفسيتي من سئ لاسوا لكن املي بالله كبير
التعديل الأخير تم بواسطة الكروان الجريح ; 07-10-2008 الساعة 11:03 AM
|
العرض العادي
