السلام عليكم ورحمة الله وبركاته

انا رحت للضمان وقالت لي الموظفه ان تزكية ذوي العصبه ممنوعه اخين بالضمان..لان من قبل اروح مع اخواني ويشهدون بالضمان

احين نظامهم الجديد يبون صك هجران من المحكمه

والمحكمه ترفض

وبلغت الضمان انها ترفض تعطيني وردت علي الموظفه الضمان يبي يعطيكم هو مش مقصر بشي ولكن المحكمه ارفضت تعطي احد صك هجران ويرزقك ربي

ان شاءالله ربي بيرزقني بس ردها ماعجبني كنها طرده ..ادري انها موظفه ولكن لمن الضمان يدري ان المحكمه ترفض وكثير حريم غيري يبون صكوك ثانيه مثل اعاله والمحكمه ترفض

ليه مايسوون نظام جديد او الحكومه تجبر المحكمه حتى خطاب للمحكمه من الضمان تقولي الموظفه ان المحكمه اطلبت من الضمان انهم مايرسلون خطابات لهم

يعني المحكمه مش متعاونه وانا مش عارفه وش اسوي الي صار لها مثلي تقولي وش سوت الله يجزاها خير لان معاملتي متوقفه

الله يفرج همك حفيدة ويسرلك امرك يارب
بس المحكمة رافضه تعطي صك هجران بناء على طلب الضمان
بس الموظفة تقلك المحكمة رافضه وتخلي المحكمة هيا السبب. مافحالها تهرج. ومفحالها لوجع الراس فاختصرتها
والا ماشفتي قرار الضمان الي صدر بشأن المهجورات
حطيلهم خيارات
الله يعين ويغنينا من فضله

يا كثر قضايا الهجر , الحين وش السالفه ؟
يعني يهجر ولا يطلق , الطلاق ارحم
الله يفرج همك اختي الكريمه

انا شكلي بنجبر على الطلاق وجالسه افكر فيه..لي سنتين الضمان يصرف علينا بعد ماتركني زوجي وعفنا الضمان عن الناس كنت والله استحي اخذ من احد شي صرت مكسوره..والله يرحمه الملك عبدالله طلع القرار وعزنا واحين خايفه انذل ثانيه..المشكله بمجتمعي مايرضون اي وظيفه ولا كان من زمان اشتغلت..وعندي بنات اخاف ياثر عليهم..واحين خايفه اطلب الطلاق ويرجع زوجي ياخذ البنات هو من اهل الشر واحنا عشنا معاه عنف اسري..فاخايفه القاضي يعطيه بناتي..الله يجزاكم خير الي عندها بنات وتطلقت كيف وضع بناتها انا بنتي في سن البلوغ

ما ينفع هالنوع يكون ابو الله ينتقم لكم منه
والله شيء يفقع التسبد , اصلا المفروض الحكومه تقتص لكم حقكم منه , يعني تجبره يصرف عليكم نفقه
والله مدري وش اقول لكن لا حول ولا قوة الا بالله

الله يفرج همك وهموم المسلمين والله معناءة وخاصة مع قرارتهم هذه
أسأل الله أن يرزقك ويرزقنامن غير لانحتسب
ويارب تتغير القرارات وترجع مثل ماكانت من جميع النواحي

انا الحمدلله عندي بنت والشيخ كتبتها بحضانتي الله يوفقو
انا لما قدمت صك الحضانه كنت خايفه اكثر شي على بنتي وابوها كان فرحان انو بياخدها لانها عدت 7 سنين وسار يسألو اساله واكتشف انو ماهو كفو يربيها فااعطاني حضانتها ولله الحمد حضانه دائمه الله يحفظهم ليا ويهديهم ولايحرقلي قلب عليهم ويرزقني برزقهم انا وكل من قال امين

الحمدالله انه اعطاكي اياها الشيخ هذا يعرف الدين صح ولكن مدري عن حضي خايفه ..واحين ابي اطلع صك هجران لان الطلاق ماجلته شوي ليمن اجزم لاني خايفه واجد.. بس ابي اعرف الي طلع صك هجران كيف طلعتوه

طيب والحل يعني الضمان يقول روحوا المحكمه والمحكمه ترفض لعب بزران هو يلغون المهجورات اجل احسن من المرمطه هاذي حرام عليهم المواصلات اكلتنا ولااستفدنا اي شي

انا اختي مهجورة صارلها سنه ونص وتبي الطﻻق وخايفه ﻻن عندها بنت وزوجها حقود وخايفه يحرمها من بنتها بنتها عمرها 3 سنوات ابوية سال شيخ بالمحكمه قالو لمن تصير عمرها 7 سنوات ابوها ياخذها هيا ماتبي ابوها ياخذها ﻻ دحين وﻻ بعد مايكون عمرها 7 سنوات وابوها مايصرف على البنت ابوية هو الي يصرف عليها حتى مايسال عنها اختي من كثر ماتفكر بحالها بتجن ودها تطلق بس خوفها على بنتها الله يحفظها فحابة اسأل لو ابوها مايسال عنها وﻻ يصرف يقدر ياخذها وﻻ ﻻ ؟؟