السلام عليكم ورحمة الله

وبدون مقدمات حاب اعرف ن نفسي بشكل سريع لتوضح لكم الصورة في نهايه الموضوع

ياخوان انا طالب طب وجراحة في ترمي الاول في جامعه من جامعات جنوب مملكتنا الغالية
حلت مشكلة بيني وبين الجامعه في نفس اليوم الذي كتبت فيه الموضوع هذا
القصة هيه اني كا عندي بريك ساعتين ونص وقررت انا وكذا شخص من زملائي نلعب (ضمنة )في مكان هادئ في مبنى التحضيري على ما يحل موعد محضراتنا الي صار جاء واحد من الجامعه داهمنا كاننا مجهولين وكان مجرى الخديث كلأتي

المسؤول:مشاء الله ...!,فين احنا
انا:تفضل تبي تلعب
المسؤال:اقول يلا بطايقكم الجامعية وهات الضمنه وراجعو شؤون الطلاب
زميلي:ليه...؟,ليه ما سوينا شيء غلط
المسؤوال:اقول طلع بطاقتك الأن ولا ما راح يصير خير
انا:ما سوينا شيء غلط تبي البطايق خذها

انتها الحديث عند هاذي النقطة وراجعنا شؤون الطلاب وقالو حاولو تراجعونا بكرا على ما نجهز اوراقكم وكانت طريقة كلامهم ما تطمن وعلى حسب كلام شخص منهم انه الموضوع في فصل من الجامعه اذا غلطنا او اهنا او دخلنا في مشادة مع المسؤوال الي المشكلة مو هنا المشكلة انه اذا اخذ كلامنا الي قلناه كأهانه فهذا الي مخوفنا وحاب نصايحكم هل لهم حق يفصلونا ويدمرو مسقبلنا واذا فصلونا ايش نسوي انا فكرت اذا اخذت الأمور مسلك الفصل اني بأستعين بمحامي واخذ منه استشارة اذا لي حق وانا كمان صورت المرشد الااديمي وهوه يكلمنا احتياط عشان اذا خشينا في مرممطة ديوان المضالم والفصل وكذا يمكن يفيدني المقطع الي ما راح اطعه طبعااا

صراحة الموضوع بكبرة في نضري ما يستاهل من المشرف كل الي سواه لعبنا ضمنه بسسسسسس:angry2: ايش يعني

تمنا منكم نصايحكم وارائكم واذا اضطريت استعين بمحامي ....كم بتكون اتعابة تقريبا

اممممم

اولا واخرا ان شاء الله كل شي خير ..

وثانيا كل مشاكل الجامعات المفروض تبدا بانذار وانذارين وبعدين تعهد وبعدين فصل

هذا جابها من الاخر فصل !!!!!!! وعلى ايش ؟
على شي اساسا مو محتاج التعهد

اذكر بجامعتنا وحنا بنات نلعب باصرة ومونوبولي ولاه احد منعنا بس يقولون لنا بالعداه روحوا الاستراحه العبوا هناك لاتشغلو الطالبات لان احيانا نلعبها بالمحاضره نفسها اذا ماحضروا الاساتذه

عموما والللي اعرفه ان الفصل يجي في القضايا اللمنوعه المعروفه
اللي هي قضية سمعة
او سحر وشعوذه
او ارهاب
او تزوير
او او
او المشاكل الاكادمية اللي هي التغيب وعدم اجتياز المواد المقررة

لكن مشكلتك ابدا ماهي سبب للفصل نهائيااا

عموما فكرتك انك تستشير محامي تشوف اللي لك واللي عليك صحيحه .. اسال عن حقوقك ومن والى ..
عشان تعرف موقفك ..

والله يسهل لك امرررك

واذا مرا مانفع وفصلوك فلعلى في الامر خيررره ماتعلم بها

قول الحمد لله انها اول ترم وقلعتها جامعه ..

لكن الله ينصرك ظالما او مظلوما .

كلام اختي اريج صحيح

مايتجهون للفصل الا اذا كان الامر قوي
لكن ع لعبه ما اعتقد
ومثل ما قالت خيتي بداية الامر انذار وتعهدات لكن فصل ع طول لا
ولا في شي يستدعي الفصل من اساس

لكن فكرة التصوير حلوه
ولو حصل وصار الموضوع جد استعين بمحامي واعرف حقك

الله يوفقك
وان شاءالله مستقبلك بامان ومافي شي يأثر عليك
والله يكفيك شر المسؤول واتباعه

والله يا بعض حقون الامن يشكون ويسؤون الظن ولازم يطلعون على الواحد اي شيء
حسبي الله ونعم الوكيل في كل ظاااالم
بعدين لا تخاف ماتوقع تصل للفصل على حساب ضمنة
(وما تشاؤون إلا أن يشاء الله )
اللي ربي كاتبه بيصير

ما عمري شفت حقد مثل اللي موجود عندنا شكله ما عنده شهاده وحطكم براسه ..
عموما كلام الاخت أريج صح لا تخاف ان شا الله مايكون في شي ..اجل مستقبلك يضيع عشان شي تافه
انت استشير محامي .. وقوانين الجامعه مافيها نص على كذا ..

ماتوقع فصل !! ف جامعتنا فيها استراحة والناس تسوي اللي تبي فيه اللي يشوف يقول انه صادك في جريمة قتل ّ!!

حاول تعتذر منه حتى لو تشوف نفسك
موغلطان ومشي موضوع بهدوء
مهما قالو قولهم اسف والخ
شي ثاني نصيحه سالفه تصوير لحد يدري
عنها حتى اقرب زملاءك ولوكنت قايل لااحد قول
امزح ماصورت
ولااني راعي هسوالف واعتقد ممنوع اللي سويته
وممكن ينقلب ضدك
ب اي مشكله تواجهك بحياتك
وانااختك اطلع ب اقل الاضرار
خلي تركيزك الوحيد حاليا بدراستك
وسلك لهم وب اي موقف
يواجهك امسك نفسك وفكر بنفسك بعدها بساعه ويوم
بتقابل ناس متسلطين بحياتك كثير سواء بجامعه
او العمل وغريبين اطوار علاجهم انك تسلك لهم
وتتجنبهم قد ماتقدر

مثل ماتفضلوا اخواني الفصل مرة وحده مايجي منا والطريق لابد في انذار انذارين
وكل جامعة لها كتيب قوانين ومن ضمن القوانين يتعلق بالفصل اقراه وشوف الاشياء اللي تتعلق بالفصل و ورهم قولهم مافي شي سويناه من هالقوانين يستحق الفصل فما له داعي هالمرمطه
وهم ماراح يفصلون احد الا بتقرير ومستحيل بيكتبون بالتقرير سبب الفصل هو كانو يلعبون ضامنه مافي قانون يمنع اللعب في فترة الاستراحة

إن شاء الله ماراح يصير شي

واكيد جامعتكم فيها قسم قانون روح وادخل على اي دكتور سمعته كويسة وطيب من دكاترة القانون واشرح له قصتك اكيد هو عارف بالقوانين وراح يساعدك

بالتوفيق

اممما والله ماتستاهل كل هذا ...
روح قابله وتفاهم معه بكل هدوء وحل المشكلة بهداوه مايحتاج اصلا الموقف تعهد ولا شي ... ماعرف هل ها الموظف من جده يتكلم ! شكله عنده عقده نفسيه ...
ع العموم ان شاء الله تنحل باذن الله الموضوع بسيط ...