السلام عليكم

سيكم بالخير جميعاً

يالربع وش رايكم في شراء الشواحن المتنقلة واكسسوارات الجوالات بالجملة وبيعها مفرد في مواقع التواصل الاجتماعي بكافة انواعها ؟

مثلاً لو بركز على الشواحن المتنقلة ANKER وشواحن سيارات الي تنباع في جرير وطقتها ب 60 70

كم يبيلها فلوس + وين احصلها جملة ؟؟ لو بشتري مثلاً 30 حبة كـبداية ؟؟

(( ووين احصلها جملة )) هل اشتريها من برى ارخص ؟؟ او من هنا ؟؟؟


وشكراً

نفس الفكرة تقدر تتواصل معي على الإيميل
لأن الخاص عندي مقفل ما أقدر أكلم أحد عشان المشاركات
amoni1432@gmail.com

راسلني بالخاص وان شاء الله بفيدك

مثل هذا العمل والتجارة ينفع للطلاب والبنات فقط

الا ان كانت عندك القدرة السفر للصين وتشتري وتبيع جملة انا مؤيد لك وبقوة

وان كنت معزم على هذه التجاره لا تشتري ابدا من السعودية لان راح تطلع عليك غاليه ولا راح يشتري منك احد

اشتري من موقع امازون بكميه طيبه حتى يطلع عليك تكلفة شحن السلع قليله وتقدر تستفيد

وفقك الله

شواحن انكر تشتريها من امازون الفرنسي ارخص بكثير من الامريكي

ركز عالي بقوله لك :

- اذا بتشتري انكر او اي شي مستورد من السوق هنا في السعوديه راح يكون غالي عليك .. لأن اغلب الي يجيبونه من برا يكلفهم كثير ويرفعون سعره عشان مكاسبهم تتحقق ..

- اذا اشتريته من برا تأكد ان السعر مناسب لانه يختلف من موقع لأخر .. واغلب شركات الشحن صاروا يرفضون يشحنووا الشواحن بسبب مخاطرها .

- انتبه من البضايع المقلده والرديئه لأن السوق غرقان منها ..

أنصحك بشواحن ANKER هي اللي مرغوبه بالسوق

وانصحك لا تقرب التجاري

راح يتعبك وممكن يسبب حرائق لا سمح الله لزباينك

بالأمس كان فيه عرض ممتاز في أمازون على بطارية ANKER حجم 20000 والتي تشحن الايفون من 6 - 7 مرات .. حيث تم تخفيضها باستخدام الكود إلى 29$ يعني 110 ريال

عندنا قيمتها مابين 250 - 300 ريال تقريبا

احرص على متابعة حسابات التسوق والتخفيضات بتويتر فهم يجيبون آخر أكواد التخفيضات على مختلف المنتجات .. وبتلاقي وراهم فرص رائعة لتحقيق الربح

قبل امس طلبت من امازون شاحن انكر 20000 امبير بيكلف علي مع شحنه
156 ريال
مع العلم اخوي قبل فترة شاري واحد من داخل المملكة 15000 امبير ب 180 ريال
ولك ان ترى الفرق واضح