السلام عليكم
لي سنة تقريبا متخرجة مليت وانا ابحث عن وظايف ماخليت شركة الا ارسلت السي في ولا بنك الا رحت له
طبعا الاماكن اللي اسلمها السي في تكون مو مختلطه يعني المكاتب مفصوله
كيثر قالوا بعد التخرج مطلوب قسمي حاسب الي " نظم معلومات" لكن للاسف اغلبهم يبون خبره
الحين وش تنصحوني اسوي ؟ اقدم بعثة ادرس ماستر ؟ او اكمل بحث عن وظيفة

عليكم سلام ورحمة الله وبركاته
ماعاد في شي اسمه اقدم بعثه قصدك تروحين على حسابك الخاص
ثاني شي خذيلك سنه خبره اقلها قبل ماستر
اوخذي لك ماستر بتخصص غير وسوق العمل يطلبه بس مدري اذا راح يضمونك اولا. بالعاده يبون ماستر نفس تخصص بكالوريوس
وفي بنات اعرفهم غيرو تخصص ماستر عن بكالوريوس بس اعتقد ينفعهم هشي بس بالقطاع خاص
او ادرسي امن معلومات او شبكات
وجربي قدمي على وظيفتك بعثتك
واذا انتي بالرياض روحي لمكتب عصر الاريبيه للتوظيف
او اقرب موارد بشريه لك
اومستشفيات مثل الحبيب ودله
وبنك الرياض والاهلي
يفيدونك ان شاءالله باقي الاعضاء اكثر لاني مومتاكده من بعض المعلومات اللي ذكرتها
الله يكتب لك فيه الخير

روحي قدمي بشركة ( تمر )) الخاصة بالأدوية


واذا تبي أي وظيفة تمشي الحال
روحي لصندوق تنمية الموارد البشرية (هدف)
وانشبيلهم من الساعه 8 الصبح لين 3 الظهر ولاتطلعي من عندهم لين يعطونك خطاب توجيه على أي شركة أو مؤسسة

بالتوفيق لك

نصيحة يا اختي .. لاتكملين ماستر بدون خبرة..
انا خريج الابتعاث درست البكالوريوس في كوريا وعلى طول كملت ماستر وتخرجت قبل 8 شهور .. ماجستير هندسة حاسب وللحين عاطل ولا جاني حتى عرض واحد.. قدمت في كل مكان .. واغلب الشركات يقولون لي لان ماعندك خبره بنوظفك بالبكالوريوس واقول لهم موافق لكن ماعاد يتصلون!!

مو تحطيم لك .. بس نصيحة لا تكملين الا اذا عندك اقل شيء 3 سنوات خبره

في الخاص لازم خبرة
روحي طاقات اعرف وحدة اعطوها تدريب في جامعة لمدة 6 اشهر
بس ممكن يعطونك وظائف مالها علاقة بتخصصك يعني انتي حظك
او ممكن مدخلة بيانات وهذة اصلا ماتحتاج بكالوريوس
شوفي حظوظك في الحكومي في امل تتوظفين في 5 سنوات القادمة
وفي الخاص كل مازادت سنين العطالة كل ماقل توظفيك هذا اذا بتتوظفين في مجال تخصصك

او اذا لك حيل بالدراسة كملي ماستر او معيدة في الجامعة

لاتيأس .. ان شاء الله القادم اجمل ..

وبالتوفيق يارب