السلام عليكم ورحمة الله وبركاتة

انا بجيب ماركة مكياج من برا وعندي استفسارات.
ماركة المكياج معروفه بس مو موجوده بالسعودية حابه اجيب بالجمله من برا وابيعها هنا. بالبداية ما ابي افتح محل لان التكاليف غاليه جدا ومامعي مبلغ حابه ابدا بشي بسيط. جا في بالي اني اوزعها على محلات مكياج صغيره اللي بالمولات او بكشكات اللي بالمولات بس ماعندي اي خلفيه عن هالموضوع واللي يعرف ياليت يجاوبني على اسالتي
1-اذا بجيب كميات كبيره من برا عن طريق شركات شحن مثل ارامكس هل يدخلونها ولا يسوون مشاكل؟ انا قريت ممنوع اجيب بالجمله من برا. انا بالبدايه رح اجيب كميات بسيطه تقريبا 20 او 30 شغله( ارواج, مسكرا, كريم اساس, وكذا شغلات)
2- كيف اوزع بضاعتي على صاحبين المحلات؟ اروح للمحل واكلم اللي يبيع واعرض عليه منتجاتي ولا شلون؟
3- اذا ببيع بالجمله ابيعه لصاحب المحل كله بالجمله واخذ الفلوس وخلاص ولا مثلا هو يعرضها لي بمحله بدون ما ادفع شي اعطيه نسبه على المبيعات او على كل 20 قطعه مثلا يبيعها اعطيه مبلغ معين؟ وكيف بضمن حقي انا بهالحاله؟
4- هل لازم يكون عندي ترخيص او سجل تجاري عشان اقدر استورد بضاعه واوزعها على محلات عشان يبيعونها؟
هذي الاساله اللي ببالي اللي عنده معلومات اكثر لايبخل علي الله يوفقكم ويسعدكم

وعليكم السلام ورحمة الله وبركاته
قبل ماتجيبين كميه سويلك حساب بالانستغرام
شوفي فيه اقبال
وروحي للمحلات واساليهم وافهمي
سوق زين بعدها جيبي
في بعضهم يسلكون يقولون اي جيبي
واخر شي مايشترون الاجانب يحبون يفيدون بعض وهم اكثر شي ماسكين هشغله من زمان
ادرسي موضوع جيدآ قبل ماتبدين وطبعا
اذا كميات كبيره ماعتقد يدخلونها جمارك مش متاكده
وحطي لك طاوله بالاسواق شعبيه
من الان وبيعي اي شي
عشان تتعرفين
ع سوق
والاشياء مطلوبه زبدة الشياء الخام وبودرة بنانا
ومكياج انستازيا وماك
وشنط تقليد درجه اولى وشوزات ديور بس
لازم تجيبي تطبق الاصل وتكونين فاهمه بشغله زين وتقليد اكسسوارت بعد
شي اخير انك تصرفين بضاعه مو سهل فكري
ويمكن اصبت ويمكن اخطاءت فقط وجهة نظري شخصيه 😇
الله يرزقك

تسوين لك حساب بالانستقرام وكروت موضح فيها وسائل التواصل معك وتروحين لمدارس البنات وتعرضين بضاعتك او نماذح منها
الاسواق ما اعتقد بتفيدك

المحلات ما راح ياخذو منك ابدا .............

المحلات يااختي لما تتعاملين معها من اول مرة راح تعرف بلد المنشاء والشركة ويتواصلون معهم ويسحبون عليك
للاسف ماراح يفكرون فيك ولايدعمونك
انا عندي لك اقتراح ودعواتك لي بالتوفيق وتسهيل الامور
روحي لقروبات المعلمات اجمعيها من النت ضعي موضوع في احد المنتديات النسائيه وطلبي منهم ارقام المعلمات الموجوده بالقروبات
المهم وضبطي لك كم صورة من البضاعه الفريدة من نوعها وكل منتج ايش وضيفته وسعره مدون على العلبه وارسليها على ارقام المعلمات
وعسى الله يرزقك
اما تاجرات النت الي يطلبون من برا صاحبات الاستقرام ابعدي عنهم لاتتعاملين معهم لانهم يقدرون يطلبون البضاعه من المواقع التجارية (هذا اذا بتنفردين بالبضاعه لنفسك فترة من الزمن ) لانها بعدين راح يعرفونها الناس وتشتهر
وهذي بضاعتك وتستحقين انك تنفردين فيها لان من سبق لبق
ملاحظه : اذا كنتي برا السعوديه اشوف ان فيه صعوبه تحويل الاموال لبرا
لو لك حساب باحد البنوك هنا افضل اذا كنتي سعوديه طبعاً

انا رأيي مثل "زرقا اليمامة" لما تعرضين على احد شغلك على طول بتعطينه فكرتك.
أشوف أنك تجمعين البضاعه قبل وتبدأين بحساب في انستجرام ،تبيعين أول ما تبدأين، بيصير الحساب نشط ويجذب المتابعين وكذا.
حاولي تسوين لنفسك خطة تسويقية قبل تبدأين، ممكن تشوفين لك مسوق/ه، أنا شفت وحده في القسم هذا شوفي اذا تتعاملين معاها وتسوين خطة تسويقيه تناسب نوع بضاعتك.
في حركة كمان أنك تسوي Giveaway الي هي تختارين كم شغلة وتقولين سووا فولو ومنشن لمثلًا ٣ أشخاص وكذا وبعد كم يوم بسوي زي السحب وتختارين "على كيفك إذا شخص واحد او ٣ او كذا" وتتواصلين معاهم وترسلين لهم هذي الشغلات من غير فلوس.
لو بتتابعين حسابات التاجرات الناجحه تقدرين تطلعين بأفكار كيف تسوقين لنفسك.
والله يوفقك يارب

اراء الاخوان والاخوات جيده ولاكن قبل كل شي
حاولي تتوصلين للموزعين اللي يبيعون للمحلات
حتى لو عرضتي عليهم نسبه معينة (مبدئياً)
عشان يمشون بضاعتك وافهمي اسرار التوزيع منهم وطريقة جلب البضاعة
بعدها استقلي لحالك وتصيرين انتي توزعين بضاعتك
انا افضلك البيع للمحلات بربح جيد بدلاً من العرض بنسبه (من اجل الاستفاده السريعة بالربح وجلب بضاعة ثانية)

الله يرزقك من واسع ابوابه