بسم الله الرحمن الرحيم
السلام عليكم ورحمة الله وبركاته

حياكم الله جميعًا ، وجعل ما تقومون به من تقديم العون والنصيحة في موازين حسناتكم ..


اخواني أنا ولله الحمد افتتحت محل عصاير، خذيته تقبيل والحمد لله مدخوله مقبول ولكن عندي كم استفسار الله يعافيكم

1/ الديكور جدًا بسيط وأرغب في تغييره للأفضل، وش ممكن من نصائح في هذا الجانب؟ خصوصًا أن البعض قالّي مادام سوقك ماشي خلّك مثل ما انت ولا تغيّر شي ؟! (علمًا أن المحل فتحة وحدة)

2/ وين أحصّل خلطات العصائر المميّزة؟ هل فيه جهات ممكن يفيدوني بهذا الخصوص؟ وهل أكثر الخلطات والا استمر على العصاير الطبيعية وأدخّل الخلطات على خفيف؟ (علمًا أن العامل في المحل يبتكر خلطات جميلة، ولكن ودّي أتوسّع)

3/بخصوص الخلّاطات والعصّارات والأجهزة، وش الأشياء الضرورية للمحل؟

4/ الشتاء وما أدراك مالشتاء! بلّغني العامل أن فترة الشتاء يقل سوق العصائر، كيف أتعامل مع هذي الفترة؟ وهل أقدر أسوّق لشي له علاقة بالعصاير يناسب الشتاء؟

5/اللوحة والاسم ما أعجبوني، وودي أغيرها فما اقتراحاتكم بهذا الخصوص الله يعطيكم العافية؟

6/ أخيرًا العامل يجيب الفواكه تقريبًا كل كم يوم وأحيانًا تخلص فيضطر يشتري من محلات الخضرة بسعر أغلى (لأن الأصل يجيبها من سوق الجملة والمستورد) فـ ما الفواكه المرغوبة والمطلوبة على الدوام عساس تكون متوفّرة بشكل دائم؟!







وأي نصائح خارج هذه الأسئلة أسعد بها، وشكرًا جزيلًا لكم ..

وعليكم السلام ورحمة الله وبركاته ..

للرفع رفع الله قدركم في الدارين ..

في الشتاء لما يقل الاقبال اعمل عروض
سعر الكوب مثلا بدل ماكان ب 5 يصير ب 4 ريال
اشتري جالون واحصل على كوب عصير
هذه امثلة للعروض عشان تزيد من المبيعات

هذا اللي لي علم فيه واقدر افيدك

أولاً نسأل الله لك الرزق والتوفيق في مشروعك ..
ثانياً يفترض أن تكون هذه الأسئلة قبل المغامرة في الخوض في مجال تجهله ليس لديك دراسة وافية عنه .
عموماً على قولهم وقع الفأس في الرأس هههههههه مزحة
ولا يمنع نعطيك ونقف معك وربي يرزقك ..
بالنسبة للوحة غير لألوان فيها نوع من الخصوصية لما يدل على كوكتيل العصائر مثلا اللون التفاحي وتزويده بالمنتجات التي تستطيع تأمينها .
بالنسبة لذهب العامل لشراء المواد يجب أن يكون لديك شخص متفرغ لهذا الشأن ويذهب للحلقة بشكل يومي وأوقات تنزيل البضائع للشراء بالجملة حتى توفر الكمية والمال ..
العصائر مكائنها ليست مكلفة إذا كنت في جدة بالإمكان الذهاب للبلد وأخذ ما يحتاجه العامل وخاصة أنها فالعصائر (فرش ) ويكون لديك ثلاجات تخزين وتكييف المحل بصفة مستمرة شغال حتى لا تتضرر الفواكه .
بلنسبة للديكور كلمة خليك ومشي ما تنفع وأنا أخوك الديكور له دو كبير والنظافة هي من تجلب الزبائن وعن فترة الصيف والشتاء وتقلبات الأحوال دعها للخالق فالمقسوم لك سيئتيك ولا تحاول تنزل فيالسعر وترفع ضع سعر محد على مدار العام ومكسبك في جلب المواد بأسعار متفاوتة قد تشتري الرمان اليوم ب 50 وبعد يومين ب 100 أحسب من هذا الجانب وضع السعر بالنسبة والتناسب ..

لك خالص التقدير وربي يوفقك والنصيحة الأهم متابعة عملك بنفسك وتكو متواجد بصفة مستمرة ولا يمنع في المساعدة والوقوف بجانب عملك فهذا يعطيك دافع قوي للمزيد من الجهد وكسب المال .. وتفق مع أخي المرادف في الكثير ما ذهب إليه .

آس على الإطاله وأحببت أن أفيدك بما يحويه فكري ولك المزيد من الأخوان والأخوات والنصح والتناصح بين الإخوة يفيد كثير وخذ ما ينفعك منها ..
لك التحية ..

ياخوان بخصوص حساب الموارد والبيع والتكاليف والخ .... كيف طريقتها؟!
كيف اضمن ان العامل يرصد لي كل المبيعات؟! هل ارصد الفواكه واعدها اخر اليوم؟! والا بالفواتير والا بكاميرا ..!؟ انا ممكن اكون متواجد في المحل لكن موب على مدار اليوم .. يعني فيه اوقات ما راح اقدر اجي للمحل؟!

ثانيًا مسألة الثقة بالعامل، العامل مبدأيا لا باس به، وانا صراحة ما ودي اراقبة في كل نقطة عشان يحس بالثقة والامان ويعمل بروح .. وفي نفس الوقت ابي اكون في مأمن وثقة من الحسابات ؟!

اخيرًا وين احصل مصممين ديكور بالرياض؟! ابغى ناس تكون فاهمة في ابعاد الديكور النفسية ويكون تصميمها بجودة عالية؟! يعني فيه مكاتب لهم او جهات معينة تقدم هذي الخدمة ؟! شامر للجميع والله لا يحرمكم الأجر والمثوبة ..

عن المشروبات الشتوية ابحث بموقع اجنبية تجد شي جديد ومذهل
عن كيف تتوسع اكثر ضع توصيل طلبات للبيوت
وبالتوفيق