08-10-2008, 01:12 PM
|
 |
عضو متواصل
|
|
تاريخ التسجيل: Oct 2008
المشاركات: 59
معدل تقييم المستوى: 33
|
|
وعليكم السلام ورحمة الله وبركاته
احييك اخوي (صهيب) عالفكرة ... بصراحة ابدعت فكرة واقعية والحسابات منطقية
من جد ... يعجبني التفكير والتحليل ياللي مثل كذا
أنا عندي رأي ويمكن مختلف شوي بالنوعية بس اتفق معاك بالكمية انو بنهاية السنتين يكون باليد مليونين
طيـــــــــــــــب ...
نبغا نركز عالنقاط المهمة بالحسابات وهي كالتالي :
1- نفرض أن المشروع فيه 10 موظفين والموظف الواحد راتبه باليوم 61 <<< اعقب ماشاء الله ... وبكذا راتبه حيكون نهاية الشهر 1830 صح ؟
2- الموظف الواحد من العشرة لازم يطلع ارباح لا تقل عن 200 ريال يوميا ok
3- لا حظ أنك ضربت العدد بـــ 30 ياللي هي عدد ايام الشهر يعني هالموظف ينكرف حتى بالويكند ok
4- لا حظ بعد أنك ماذكرت رأس المال للمشروع ياللي (بنسويه) <<< قاطين معك (بنسويه) ... رأس المال
اللي بنشري فيه (البضاعة أيا كانت) ونتاجر بالمبلغ !!! يعني لوقلنا مثل كلام الاخت مشروع بيع مساويك أو ماء الشرب
أو غيره ونبيعه بريال ... وطبعا فيها وقفة عند الاشارة أو بسطة عند المساجد والاسواق لمدة 8 ساعات متواصلة وبكل ساعة
يطلع 8ريال طيب إذا الموظف الواحد اشتغل 8 ساعات وكل ساعة ربح 8 ريال أجل بيحصل 8*8=64 مضبوط ... وعندنا
9 موظفين غيره وكل واحد منهم بيحصل لازم اقل شي نفس المبلغ 64 اجل 64*10=640 ريال مجموع ربح العشرة موظفين صح؟ مادري كيف جات او كيف تبي الموظف الواحد يطلع 200 ريال باليوم ؟!
المهم بامشي معاك ع ان الموظف لازم يطلع 200 ريال باليوم
اهاااه هنا مربط الفرس ....
أنا راح ادلي بدلوي معاكم بس ع اساس أنو فيه رأس مال تشتري فيه 10 سيارات وتدخر منه للطوارئ (لو تعطلت احد السيارات يتم
التصليح منه)
طيب وش رأيك بمشروع سواقين ولكل سواق سيارته الخاصه فيه وبمشاويره 10 سيارت + 10 سائقين يشتغل السائق 8 ساعات العمل لك ولو فيه حيل يسوق اكثر ربحه له زيادة عالراتب من باب التحميس
ومانقول ليموزينات خلنا نسميها مؤسسة وتكون بسيطة تبدأ من 10 سيارات إذا تسمح انظمة وزارة العمل وقوانين الغرفة التجارية (ماعندي خلفية)
أو إذا مافي رأس مال فأنا اقول تشوف لك 10 رجال تعرفهم معرفة شخصية ومتعاطف معهم أما لانهم عاطلين عن العمل أو متقاعدين
أو هوايتهم المشورة وعندهم وقت فراغ ويبون يدخلون برغبة في هالمشروع وبعدها ينزلون ارقامهم بجريدة (الوسيلة مثلا) تحت
اعلان سائقين للمشاوير داخل المدينة بنظام الساعة بالساعة 50 ريال أو 4 ساعات مع الانتظار بــ200 و 8 ساعات 400 ريال أنا
اعرف حريم موظفات كثير يدورون سواقين بسيارة خاصة مو ليموزين وفي حريم غيرهم يدورون لمشاوير الاسواق حتى بعضهم
ماتشرط محرم مع السائق وهذي عاد جدارتك تدور السائقين الكفو
أو مشروع الشغالات تستقدم 10 بأسماء ناس تعرفهم يعني يكفلون وتشغلهم بالساعة في البيوت الساعة مو 8 ريال إلا 100 ريال
وعليك الحساب هذا بعد إذا في رأس مال طبعا
وعندك بعد مشروع الاكسسوارات مايحتاج رأس مال يبيلك فقط وحدة او اكثر ماهرات بحبك الكوروشيه (اساور وخواتم بحبكة
الخيوط) الموضة الآن وتنباع الوحدة منها بريال وعن خبرة البنات هاليومين طايحين فيها وياحظ من يصنعها ويكون توزيعها
عالكوشكات الموزعة بصالات الاسواق ويتم البيع من الصانعة لصاحب الكوشك كل اسبوع تبيع لكوشكات مختلفة 400 حبة واللي
معها بالتوزيع نفس الشي وكل اسبوع يغيرون مواقع الاسواق والكوشكات و ع فكرة هذا المشروع يبيله تجديد بالفكرة بمعنى انو كل
ماتنتهي صلاحية موضة معينه تغير للموضه الدارجة بالسوق والماشي بيعها عند البنات
جميع ماذكر يجيب لك 200 ريال من كل موظف باليوم الواحد بالراحة والزبائن في كل الحالات حريم انا اعرف من يزاولون هذي
المشاريع وربي يدخلون ذهب سواء السائقين الخصوصيين (اذكر مره سافر السائق وكلمت مؤسسة جابولي سائق بسيارته والساعة
بــ70 ريال مافي داعي اذكر اسم المؤسسة طبعا مو ليموزينات حتى أني اذكر كنت ادور بفترة اختباراتي عندهم والوقت مساء بالمعهد
ولا احصل بسهولة ماشي سوقهم)او الثانية وحدة عندهم 30 شغالة وطباخة ومربية يأجرونهم بالساعة
ومافي غيرها بالحي ماشي سوقها بقوة وبشهر رمضان بالذات ماتلحق الوحدة تحصل لها شغالة عندها والحين مليارديرة اللهم لاحسد أما مشروع الاكسسوارات اعرف أن الحضارمة بالاسواق شغالين فيه ومطلعين الالاف من هالتوافه البسيطة
واخيرا
روحوا اشربوا ماي يبل ريقكم بعد هالمشاركة الطويلة وعساك عالقوة اخوي (صهيب)
وشكرا
|
العرض العادي
