السلام عليكم

ابي محل يسويلي لوحة للمحل بالرياض

بسعر معقول

لاحظت بالمحلات الي اشوفها اشكال حلوه عاجبتني
زي الشرايح مربعات او مستطيلات تغطي اللوحة وجدار المحل من برا ثم ينكتب فوقها اسم المحل
ايش اسمها ؟ وكم سعرها ؟ علما ان تصميم الشعار موجود عندي يعني بس ابي يطبقونها على لوحة فقط

الشي الثاني
انا اصدرت سجل تجاري وكتبت اسم المؤوسسة وضبطت كل شي
لكن اسم المحل اللي ابيه ما سويت له اي اجراء
هو بالانجليزي Mangel Store
ماله معنى مجرد اسم
هل فيه اجراء اسويه عند اي دائرة حكومية ؟
او بس اروح لمحل اللوح ويكتب اسم المحل وتحته اسم المؤوسسة ؟

ماعندي خبره بس اللي اعرفه ان اللوحه اللي تقول تغطي المحل وكذا هاذي الزاميه حاليا من البلديه روح اسال عنها قبل ماتخسر نفسك بلوحه

الشكل اللي تقصده مثل هذه الصورة
اسمها واجهات كلادينج سعرها بسيط مو غالي والشعار او اسم المحل يكون بارز



بخصوص اسم المحل , ضروري تكون بنفس الاسم اللي بالسجل التجاري
واستفسر من البلدية لان الرخصة ممكن تتوقف عشان اللوحة

بالتوفيق لك

اهلا اخي

هذ مكلفة جدا اسعارها تبدأ من 1000 الى 1500 ريال للمتر بدون كلادنيج يسمونها لوحات ليد وجه بلاستيك وفي استيل وزنكور وغيرها وسعر الكلادينج 240ريال للمتر

اتمنى لك التوفيق

الله يرزقك من واسع ابوابه

طيب احد يعرف محل سعره معقول ؟
عندي تصميم اللوحة جاهز

اذا في جدة روح كيلو 10 هناك ارخص لانهم معامل والمحلات يتفقون معاهم