سلام عليكم
ياخوان انا مقدم على قوات البرية الملكية
قدمت عليها وقبلوني وجتني رسالة راجع اقرب مركز تجنيد لك طقيت مشاور للطائف
راجعتهم وقالو عند القبول التعينن بد التخرج يكون بجازان ! وانا طالب بتبوك او الطائف التعيين قالو كل الي مقدمين راح يتم تعيينهم بجازان
ويمكن يتم ارسالكم بمهم داخل اليمن عاد قمطت ام العافية قلت ولو مابي اروح لا جازان ولا اليمن قال مو على كيفك هاذي امر من القيادة قلت ياخوي انا طالب تبوك والطائف التعيين كان قلتو من اول بدال نطق المشوار على الفاضي قال مارجعت يوم التقديم ؟ قلت مراجع وكاتبين اختار منطقة بتبوك او الطائف طالب والمركز التجنيد فاضي ماحد فية ابد الى 5 اشخاص فقط
وخلال هاذا الشهر فتحو التسجيل بقوات البرية 4 مرات واكثر للان ماحد جاهم ابداُ
سحبت عليهم رفعو ضغطي والان راسلين لي اكثر من 5 رسايل نرجو اكمال متطلبات للقبول النهائي

اخوي اول م سجل بالخرج سلاح النقل قالو تعيينكم بالخرج يوم تخرجو قبل اسبوع الا كلهم بالجنوب الي بالخميس والي بجازان

الله يوفقك لاترد مكان ونا اخوكك

انا عاطل لي ثلاث سنوات و مقدم على البرية بالقيادة والسيطرة وكيل رقيب ، لكن والله لو حطوني بالجنوب او حتى باليمن اقسم بالله اني راح أفرح واعرف انها فيها تعب وفيها مخاطرة عالية لكن هذا الوطن ومن يحمي الوطن بعد الله الا نحن اهل البلد.

طيب وش فيها لو رحت الجنوب ؟

بالعكس الوضع عادي ونعمه انك حصلت وظيفه

غيرك معه انيما او امراض يتمنى لو يرموه باليمن ويتوظف ما عنده مشكله

ي شباب المشكله عند اغلب الشباب والله ماهي خوف بس بعض الشباب يكون مسول عن البيت ولا امه لحالها ولا هو يصرف عليهم تجي تحطه بالجنوب وتجيب الي بالجنوب تحطهم بالرياض ليه حط كل واحد ع رغبته

دائماً ي شباب الواحد يقول الحمدلله على كل حال
وهذا رزق من الله لا قوات تحدده ولا قيادات ولا اشخاص
كل واحد فينا الله كاتبه له وين رزقه سواء باليمن ولا المريخ
كل اللي نقوله اللهم اكتب لنا اللي فيه الخير ووفقنا في عملنا لوجهك الكريم
لاحد يندم ولاحد يتحسر
والله اعرف شخص ماهو مسؤل عن بيت ولا اي شي
وتجيه وضائف كثيره حكومية وخاصه وراتب حلو
بس يقول مابي اطلع من المدينة
والى يومك هذا م توضف وجالس عاطل وابوه يصرف عليه له 4 سنوات
الله يكتب له الوضيف
بس نقطتي ان الله كاتب لكل شخص مصيره ورزقه و ..الخ
فقط نقول الحمدلله والله يكتب لي ولكم الخير والتوفيق والرزق في كل مكان
والخيره فيما اختاره الله

وسامحوني ع الاطاله

انا أشكل من ثلاث مرات اقدم على العسكرية ويتم قبولي واسحب عليهم والسبب التعيين يا حفر الباطن يا جيزان يا عرعر وانا مسؤول على البيت الوالد متوفي وانا إلى اصرف على البيت آخر تقديم طلبت منهم التعيين بنفس المنطقة إلى انا فيها قالت مو على كيفك والله لو عندي واسطه اجي غصبنا عنهم بس مابيدي شيء الله يرزقني بأحسن من العسكرية

الله يكتب إلا فيه الخير

اهم شيء ياشباب الصلاة محدن ميت جوع