اول شي الله لايوفق من جاب شهر الانذار ..
ي جماعة الخير مو معقولة ، هالوقت ان لقيت وظيفة براتب اعلى
ي تروح لها ولا خلاص طارت عليك كيف تبغون انتظر شهر !!
قدمت استقالتي في شركتي بحكم الراتب ضعيف جداً
ورحت لشركة اخرى راتبها ماشاء الله 5500 ريال فررق كبير
واليوم الشركة القديمة قالوا عليك 700 ريال اودعها ف حساب الشركة

السؤال : هل يقدرون يشتكون علي طبعاً بعد مافصلو اسمي من التامينات ؟
علماً ان لي سنة بالوظيفة وعندي 21 يوم رصيد اجازة
يعني لا اعطوني مستحقاتي والاكيد خصومها من شهر الانذار ( الراتب الاساسي ) + 700 ريال !!

ي جماعة الخير كلمت وزارة العمل قالو صحيح اجباري شهر الانذار من وزارة العمل !! طيب مدير الشركة والمدير المالي ونص الشركة اجانب ليه مايطبقون الكلام على انفسهم !!

الزبده اعطوني حل من اللي له خبره في هالامور

صحيح شهر انذار بس ليش 700 ريال ؟
عليك دين من الشركة ؟
الحل عموما
خذ اجازتك كامله بعد ما تقدم الاستقاله وباشر في عملك الجديد
وبعد ما تباشر بشهر جيب لعملك الجديد اخلاء الطرف بعد ما يخلص شهر الانذار

خلاص يا اخي ردها
مو قصة وصلتك بالغلط
القصه امانتك ان خير من استأجرت القوي الأمين
وصلك بالخطاء ردها
و طالما قبلوا استقالتك انت ارتحت

وبالنسبة للشكوى باقي اخلاء طرف ما تقدر تاخذه الا اذا رجعتها

وبالنسبة لاجازتك مالك فيها أي حق مالي سواء اخذتها او لم تأخذها لو كنت على راس العمل
تصرف لك وتستقطع من راتبك كل مافي الامر انها تعطى لك مقدم
أتمنى احد يفيدك بخصوص الاجازه

لو انك جيد استقلت وأخذت اجازتك بشهر الانذار

دام فصلوك من التأمينات الاجتماعيه ماعليك شيء و الشىء الثاني تاكد اسمك في مكتب العمل مسجل ع الشركه الاولي ولا الثانيه بس وانا خوك تلاقي المحاسب غلط ونزل لك حق 30 يوم والمبلغ 700 ريال ان اخذته ماحد يقدر يحصل عليك غلط بس والله ما تسوى المبلغ وربي يبلاك بمصيبه ولا مشكله تدفع دبل المبلغ لذلك حاول انك ترجعه و بالنسبه للشركه لو يقدروان كان قد اشتكوا لكن هم انهوا خدامتك ولا لهم طريق عليك ....

طالما نزلو اسمك من التأمينات فلا تشيل هم مراح يأثر على وضعك في الشركة الجديدة، ولكن ماتقدر تأخذ مشهد بالخبرة منهم طالما ماسويت تسويه معاهم.
أنا آري والرأي لك إنك تتوجه للشركة السابقة وتسوي تسويه معهم وتاخذ اخلاء طرف ومشهد بالخدمة، وطالماً خبرتك أقل من سنة مالك مخصص نهاية خدمة نظاماً في حال قدمت إستقالة، ولكن ممكن يتنازلون عن قيمة شهر الإنذار بما إنّو لك رصيد إجازة ما استخدمته او يكون فيه فرق مبلغ بسيط وتخلص موضوعك معهم.

المادة الحادية عشرة بعد المائة:
للعامل الحق في الحصول على أجرة عن أيام الإجازة المستحقة إذا ترك العمل قبل استعماله لها وذلك بالنسبة
إلى المدة التي لم يحصل على إجازته عنها كما يستحق أجرة الإجازة عن أجزاء السنة بنسبة ما قضاه منها في
العمل.