السلام عليكم ورحمة الله وبركاته ..
يا اخوان قبل تقريبا سنه خرب قير سيارة واحد من الشباب وحاس الدنيا هنا ولقى قيمته قريب 20 الف ريال في الوكيل ولقاه في التشليح باللعنه بـ 10 الاف وضمان 3 ايام فقط المهم طلعت انا والرجال للامارات منها تمشيه ومنها ندور القطعه عندهم وفعلا آخر يوم قبل نسافر للسعوديه فرينا في صناعية الشارقه وحصلنا القير عند اكثر من محل بأسعار متفاوته عند ابو بكس ولقينا شي نظيف بـ 5000 ريال خذيناه ومشينا وقفونا الجمارك وممنوع ومن هالكلام المهم قلنا للموظف ما ندري عن هالنظام الزبده مشانا الموظف ودخلنا بالقير وركبه الرجال بسيارته له حول السنه معه زي الحلاوه ما شاء الله <<
من هالسالفه انا جاتني فكرة استيراد قطع غيار السيارات المستعمله واترزق بها هنا ومكسبها حلو وبداية ما تحتاج راس مال كبير وانا رجل ابي اطقطق بها وبحثت عن هالموضوع وطلعت بأشياء معينه عنه ..
اول شيء فيه مشكله حاليا عند الجمارك مشددين على استيراد القطع ولقيت شروطها في موقعهم :
((يمنع استيراد قطع غيار السيارات المستعملة ما عدا قطع الغيار الرئيسية مثل "ناقل الحركة، الأبدان الخارجية للسيارة، الدفرنس، الماكينة" بحيث تكون مصندقة ونظيفة وخالية من الشحوم والزيوت ويرفق معها شهادة مطابقة تثبت أنها مجددة ويكتب عليها عبارة "مجددة" بطريقة غير قابلة للإزالة.))
<< الأسئله بتكون في آخر الموضوع نكمل ..
والشي الثاني عشان تستورد اتوقع انك لازم يكون عندك سجل تجاري وطبعا هذا موضوعه سهل بالانترنت مافيه مشكله
اتوقع هذا اهم شيئين في البدايه يركز عليها الواحد طبعا انا ما ذكرت مستودع او حوش لان في البدايه الكميات قليله

الآن عندي اسئله اتمنى القى لها جواب عندكم

بالنسبه للجمارك وشروطهم كيف طباعة كلمة مجدد على القطع وماهي الطلبات بالضبط لادخال القطع بدون تعقيد ؟

ماهو افضل مكان في الامارات لشراء هذي القطع ؟

بالنسبه للسجل التجاري غير مكتوب فيه كلمة استيراد هل ممكن تسبب هذي مشكله لاني لم اجد كلمة استيراد في القوائم لما جيت ابغى افتح سجل ؟