السلام عليكم ورحمة الله

اليوم حاب اطرح عليكم موضوع جدلي شوية لاني طرحتة في كذا منتدى من منتدياتي المفضلة الي غالبا تكون هادئة بعكس منتدانا الجميل الي كل شخص عندة دلو ليدلو به .... فما طاوعني قلبي ارمي الموضوع هاذا بدون ما اطرحة للنقاش واعرف ارائكم

ولان مافي ششيء يشرح موضوع افضل من القصة...وقصة الموضوع باختصار هيه تتمحور حول شخصيتين حقيقيتين الي هيه انا وصديقي محمد

طبعا محمد من اعز اصدقائي واعرفة من بداية الثانوي واحنا الحين تقريبا في ثاني سنة في الجامعة وتقدرو تقولو اني اعز صديق له وهوه اعز صديق لي وعندنا اشياء كثيرة مشتركة ومنها حبنا للعمل الحر وادارة الاعمال والبيزنيسس ...الخ , ودايم لم نتذمر بخصوص الجامعه نقول على سبيل الدعابة "ولله لو نغسل سيارات ابرك لنا
ودايم نتناقش عن الافكار الناجحة والمو ناجحة واللي يخلية صديق العمر بالنسبة لي هيه انه يستمتع بنفس الاشياء الي استمتع فيها وتعتبر للناس غريبة (نفسية:)
طبعا بحلول هاذا السطر بتقولو وين الموضوع من هاذي البربرة كلها
وبقولكم اصبرو بس ابي اوضح لكم الموضوع من جميع النواحي
المهم خلوني اكمل ......يوم الجمعة الي فاتت كلمتة من بدري ان اليوم انا عازمك يافلان عشاء وكان مبيت النية اني ابي اقلة بموضوع مشروع لي مدة ادوزنة في عقلي وجت فرصة ذهية من شخص عندة المال واحنا عندنا الفكرة وعرض علي عرض جدي فانا اتماتيكلي قلت بقول لحبيبي قلبي وصديقي بالموضوع بما اننا لنا نفس الاهتمامات فجهزت الاوراق والدراسة وموضوع الارقام كلها على اسا اني بطرحه له الفكرة على العشاء واعرض عليه الفكرة املا فانه ينضم للسفينة جاء وقت العشاء ورحنا المطعم الي اتفقنا علية وكانت في يدي الاوراق ولشيء وما باقي الا اقوله بالموضوع ......ولكن .....سألني ايش الاوراق هاذي فنطق لساني بـــ(ولاشيء اشياء للوالد) في ذيك اللحظة خفت وقلي شيء في قلبي انني اعرض صداقتنا للخطر ولاني قريت وقريت كير في مواضيع المال ولاعمال وكثير خشو هاذا العالم اصدقاء واخوان وخرجو اعداء ومدعي ومدعي علية .

اعتقد بعد هاذا الكلام وضح الموضوع وطبعا كثرت الكلام كعادتي فلما امسك الكيبورد ما اقدر اوقف وايضا حبيت اشرح بشكل دقيـــــــــــــق قد ايش يعنيلي صديقي

فاسؤوال هوا .

ما هي اجابتك اذا كنت في موقفي ماذا ستجيب صديقك...هل بتقول(ولا شيء مجرد اوراق للوالد).....او......بتسكر جوالك وبتبدي تشرح له الفكرة وتخاطر بصداقتكم وهل تعتقد اصلن ان صداقتكم معرضة للخطر بسبب موضوع الشراكة....اعطوني ارائكم واتحفوني بأجابتكم

واعتذر اذا استفضت في الشرح واطلت الموضوع محبكم دااااااااااااااااائما وابدا .

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " أَحْبِبْ حَبِيبَكَ هَوْنًا مَا عَسَى أَنْ يَكُونَ بَغِيضَكَ يَوْمًا مَا , وَأَبْغِضْ بَغِيضَكَ هَوْنًا مَا عَسَى أَنْ يَكُونَ حَبِيبَكَ يَوْمًا مَا " .
هذاا حديث عن الرسول الذي لاينطق عن الهوى
كيف تدوم صداقتكم او كيف تكونوا شركاء في تجارة لازم تكون غامض معه حتى مايعرف نقاط ضعفك
مثلاً اي مشكلة تتعرض لها تجي تناقشه فيها او تقوله اسرارك وهكذا بكذا راح يسيء لك لو ماصار بينكم شراكة
بعدين تعرف صديقك هل يذكرك في الله يذكرك بالآخرة انسان صالح مثلاً
ولا راعي دنيا واستهزاء بالناس وموسيقى وافلام وخرابيط وصاحب مصلحه
اذا كان ملتزم وصالح واهله سمعتهم طيبة اعرض عليه الشراكه بعد ماتشرف على كل شي بنفسك يعني لاتسلمه شي خل كل شي باسمك
وانا اقول بما ان لسانك نطق وماخبرته فانا من رايي ماتشاركه احس ان فيها خييرة لك خلك على صداقتك معه افضل
وعن الي يخونوا بعض في التجارة سمعت عن قصص كثيرة فيه منهم قتلوا شركائهم واقارب تقاطعوا

اخي كان لي صديق اعتبره ولازلت اعتبره الصديق الوحيد
فكرت في فتح فرع لمشروع قديم فلزم الا يشاركني وقبل ان نتفق فهمته ان التجارة ربح وخسارة
ووافق وكنت احذره خوفا على صداقتنا كنت مغامر ولا اهتم للخسارة عكسه لايحتمل ابدا الخسارة بدينا الشركة وانتهينا بخسارة بعد ستة اشهر
وحقيقة خسرته
وليتني لم اشاركه وتبقى صداقتنا
لازلت افكر فيه ولا زلت معزم على ارجاع كل ما خسره لكن بعد ان اقف على رجلي من جديد


وشاركت اخي الي يصغرني ولا زالات الشراكة لكن هناك خوف وشك
الناس ماعدات ثقة حتى اخوك ربما يفكر بطريقة تختلف عنك
انت تفكر في تنمية وتطوير المشروع ومشغل وقتك وفكرك وهو يفكر كيف يستولي على المشروع ويطلعك منه
انت تفكر في التوفير وهو يفكر في الصرف على نفسه والتبذير على حسابك
انت تخطط لسنوات بعيده وهو لا يتعدى تخطيطه يومه الي يعيشه
انت تفكر في اليوم الاسود
وهو اصرف ما في الجيب ياتيك ما في الغريب
انت تخسر علاقاتك من اجل المشروع وهو يبني علاقات على حساب المشروع

انت في وادي والشريك في وادي
انت تفكر بطريقتك وتقرر من نفسك بالاتفاق مع الشريك المزعوم
والشريك يشاور زوجته واخو زوجته وزميله في العمل

موضوع جدير بالقراءة والتفكير.
شكرا للكاتب وشكرا للمعلقين.

الناس ما تأمنهم

في ناس قلبو عليه من يوم مادخلت الفلوس بيننا

وناس أصدقاء اعرفهم اتشاركوا بمشروع ومع بعض في الربح والخساره


لكن خلك مع الغريب ولا تشارك الصديق


للأسف بذا الزمن ماعاد في اصدقاء أهم شي أمك وأبوك وأهلك وأولادك

أنا عن نفسي لما تدخل الفلوس بيني وبيت أي شخص آخر سواء قريب او بعيد

أحط قدام عيني انها ذي مسؤوليه وأمانه وحتنحاسب عليها أمام الله