السلام عليكم ورحمة الله وبركاته

تحية طيبة و أسعد الله أوقاتكم بكل خير و محبة


نعم أحبائي مابين حلم الطفولة و أرض الواقع

أنا ان شاء الله خريج هذا الفصل الأول تخصص نظم معلومات ادارية تقدير جيد

وكنت حاط في بالي أقدم لكلية الملك فهد الأمنية بس صار اللي ما كنت أتوقعه

عرض علي ابن العم الله يعافيه و هو مهندس في أنظمة المعلومات الحاسوبية اني اشتغل معاه في شركة بريطانية مختصة في صيانة الطائرات الحربية و أنظمة الدفاع ولها مقرات في المدن العسكرية عندنا من تبوك و الرياض و الطائق و غيرها

وقال لي أن المميزات و الحوافز المادية جدا ممتازة و الشركة بها أمان وظيفي و تقدر الطلبة الجامعيين



طبعا بعد بحث عن الحوافز المادية اتضح أن الراتب أقل شيء كبداية للجامعي يبدأ من 13000 ريال مع البدلات الى 17000 ريال حسب المنصب و الموقع الوظيفي بحكم أن الشركة سلمها هو السلم البريطاني في الرواتب

هذا غير الدورات التطويرية و الابتعاث الى أمريكا و بريطانية

الشركة هي BAE SYSTEMS


نجي للأمنية اللي تعبت تفكيري و سنين و أنا أتابع التجمعات اللي في هذا المنتدى و قلت في نفسي ان شاء الله أكون معاكم

الأغلب يعرف راتب الضابط كبداية حول 10000 ريال حسب القطاع و لكن التعيين وهو أكبر مشكلة بحيث محد يقدر يتعين في مدينته الا اذا معاه واسطة


أتحفونا بأراءكم الله يعافيكم لأني فعلا في حيرة


شكرا لكم

شوف ياخوي دام انها شركة وفيها كل هالمميزات روح لها واذا جا وقت التقديم بالكلية الامنية قدم فا إذا انقبلت فيها يكون اخذت وقت بالشركة وعرفتها ويكون عندك خيار واذا مانقبلت على الاقل تكون ضمنت شي ..

وعليكم السلام والرحمه والإكرام

خذ نصيحتي والله إني أقولها لك من كل قلبي

الأمان الوظيفي قبل كل شئ لو يعطونك 100 ألف

لكن مو معناته ماتتوظف بالشركه لا توظف فيها إلين يجي تقديم الكليات العسكريه

انا كنت موظف بشركة يعطوني 12 الف طبعا أنا مهندس وفصلت بعد ماقبلوني الدفاع وجلست بالإستجداد 31 يوم لأن جاني عرض قوي من أحد الثلاث الشركات الحكوميه بالمملكه واستخرت وطلعت وخوياي بيتخرجون من ال45 الثلاثاء الجاي ان شاء الله

لذالك هذي نصيحتي لك الأمنيه ممتازه جدا وبعددين من يقولك الراتب 10 الآف مو صحيح أقل راتب بتاخذه 13 ألف هذا أقل راتب وقليل من ياخذ هالرقم أغلبهم يتعدون ال14 وفوق



باالتوفيق لك

ادخل الشركه الان
واذا جا وقت الامنيه قدم وماتدرين يقبلونك ولالا
اذا قبلوك ذاك الوقت استخر
والله يوفق الجميييع

الله يعطيكم العافية

والله يكتبلنا ولكم الخير

خلص هالترم وأدخل هالشركة والأمنية وغيرها غير مضمون القبول فيها كله بإراده الله عسى الله يوفقك .

الشركه :
راتب + سفريات + ترقيات + دورات + تطوير + مكان التعيين واضح لك

العسكريه :
الراتب اقل + مافيه سفريات + الاجازات حصولها بصعوبها + الدورات عسكريه + التطوير والابتعاث موقف + مكان التعيين غير واضح والاكيد راح يكون بمنطقة نائية + القطاع مجهول !

ا

أنحش من العسكرية وفر منها فرارك من الأسد صدقني حتى الضابط ماتغري في العسكرية تبقى مكروف حتى إجازاتك بالقطارة وعلى كيفهم حتى لو كنت ضابط وسنتين الكلية الأمنية وكنت ساكن عندهم أشوفهم طالعين من الدورة كانهم بدورة صاعقه من الكرف والتعب روح الشركة افضلك اقلها دعم وحوافز وانتدابات وشغل شبه مدني ومن غير الحوافز الثانية المكأفأة السنوية والبدلات والسيارات والخ !!
وأولا وأخيرا استخير الله عز وجل

الله يعطيكم ألف عافية

فعلا ما خاب من استشار و أحتاج أكثر من وجهة نظر من الضباط و من موظفين الشركة عشان أطلع بقرار يفيدني


ألف شكر لكم

خلاصه

تبي راحه بحياتك الشركه

تبي تفلسع بحياتك العسكريه


سلام + موفق