يوجد عندي بقالة لكن دخلها ضعيف ولا اعلم السبب هل هو من العامل؟ او من قلة الزبائن؟
افكر الان بتأجيرها بعد جردها هل تنصحوني بذلك؟؟

نصيحتي لك
داوم فيها شهر كامل عشان تعرف هل المشكلة من العامل او من الزباين
وحاول ان تكون البقالة فيها كل شي متوفر وفيها توصيل طلبات

انا مع الاخ فخر اشرف على المحل اذاوجدت الدخل فعلاً ضعيف مو من العامل راح
تجد ان نشاط المحل البضاعه الي فيه مو مستهلكه مثل ملابس وخلافه يشتري منها وخلاص يااخذ سنة مايشتري وهكذا
انت تقول بقالة وهالنوع من التجارة يبي له صبر فيه واحد من التجار يقول سنتين وانت تصرف على المحل وماراح تربح الا في
السنة الثالثة معناة كلامه ان الشغلة تبيلها صبرطويل
وبما انك تعبت وحصلت على عامل واسست كل شي لاتيئس وااصل المسير
افضل من انك تقبل المحل وتعمل على مشروع ثاني يمكن ينجح ولا ماينجح

لاتياس وبشكل اكيد ولاودي احط بالذمه شيء لكن العامل له نسبه كبيره فالافضل انك تركب جهاز باركود وتسجل كل مافي المحل عشان تضمن ان العامل مايبيع شي خارج الحسابات ويكون موثق كل شي



وتركب كاميرا لايف وتراقب من جوالك عشان تتاكد وباي مكان تراقب العامل


والحل الاخير والافضل انك تجلس بالبقاله لمده شهر واكثر وبتشوف الفرق الان الحي اللي جنبنا كانت فيه بقاله صغيره وفيها عامل وكانت اغراضها قليله قبل اربع شهور استاجرها سعودي ومعه واحد ثاني قبل رمضان وقام بتغير البقاله بشوي شوي والان ماشا الله تطورت بشكل كبير وصار يجيب اغراض من المحلات الكبيره شعبيات وغيرها وعليها اقبال لانه يجلس فيها مع صاحبه وعمر الشخص ماتعدى 23 سنه اهو وصاحبه


وحط ببالك البقاله سوبر ماركت صغير يطلع ذهب لكن لابد من الصبر بشكل كبير لانها تحتاج ثقه من الزباين اجلس انت وخل العامل يوصل للبيوت لان فيه بقاله في حيا عنده توصيل وماسك الحي كامل

وموفق


ملاحظه انا الان عندي مطعم وراح افتتحه وباذن الله اذا تيسرت اموري خلال سنتين او اقل بفتح سوبر ماركت صغير لانه يدخل ذهب لكن لابد من مراقبته

ما عندي شيء اضيفه غير انك لازم تسوي دراسة جدوى للعمل قبل البدء فيه ..
دراسة جدوى مالية وتشغيلية عشان تعرف تدير المشروع ..

يعني اذا راس مالك في البقالة 50 الف يعني يجب ان يكون صافي ربحك اليومي من 60 الى 100 ريال بعد خصم المصروفات وقيمة البضائع اليومية ..

والارباح لا تفكر فيها الا بعد سنتين اي بعد استرجاع راس المال اللي هو 50 الف
يعني لو قلنا ان البضاعة قيمتها الشهرية 3000 ريال ÷ 30 يوم = 100 ريال يومية البضاعة
الرواتب للعامل : 1000 ريال ÷ 30 = 33 ريال يومية الراتب للعامل .
الايجار مثلا ً : 20,000 بالسنة ÷ 12 شهر = 666 شهري ÷ 30 يوم = 22 ريال يومية الايجار .
يعني المجموع 160 ريال يومي اضربها بالشهر = 4800 ريال × 12 شهر = 57600 ريال قيمة التكلفة التشغيلية لمدة سنة .
وعشان تربح لازم تزود على الـ 160 ريال 50 الى 100 ريال صافي ربح = يعني لازم يكون دخلك اليومي من البقالة 210 الى 260 ريال عشان تربح 1500 الى 3000 شهري منها × 12 شهري = من 18000 الى 36000 ريال ربح سنوي ..
36000 × 2 سنتين = 72000 ريال يعني هنا نقطة استعادة راس المال اللي هو 50 الف افتراضا ً وتبدأ هنا مرحلة الربح من البقالة .

لا تعتمد على الارقام اللي حطيتها ولكن شف كم دخلك ومصروفاتك ورواتب العمال والايجار ويحطها بالقاعدة اللي فوق واحسب ..
وهذا المفترض انك تسويه قبل لا تبدأ بالمشروع .

والبقالة يبيلها :
1. الموقع يكون ممتاز وعلى شارع وكثافة .
2. يكون عندها مواقف للسيارات .
3. تكون اللوحة واضحة .
4. تكون مليئة بالبضاعة .
5. مراقبة مثل ما قالو الاخوان وتنزيل بالاجل من الشركات .

+ اسأل اهل الخبرة في التموينات الكبيرة لدراسة طرق تطوير مشروعك وتكبيره ..

وخذ هالكتاب يمكن يفيدك بتطوير عملك :

http://www.almsaodi.com/AnyoneCanDoIt-Arabic.pdf

البقالة بببلها صبر ووجد البضاعة المطلوبة
العامل له دوﻻ كبير لانه هو اللي يفتح البقاله ويواجه الزبائن
اذا كان يفتح متأخر وفي بفالة ثانية ولو بعبددة راح تسحب زباينك
اذا اخلاقه شينه يشرد الزباين
أذا ما عنده امانه وعينه على البقاله حتى لو في البضاهة يقول للزبون مافي

فالله يعينك ويوفقك

الله يجزاكم خير على ردودكم وتفاعلكم
بدأت افكر بجد ان العامل هو السبب
والبحث جاري عن عامل بديل