السلام عليكم ورحمة الله وبركاته

اتمنى احد يفيدني في المغثة اللي وقعت فيها
أنا الله يسلمكم قدمت على مدرسة أهلية عالمية وتم قبولي الحمدلله وقالت المديرة راح اوقع معك عقد المدرسة بعد اسبوعين من التجربة والملاحظة وتم توقيعه بعد ثلاث اسابيع لمماطلة المديرة كل يوم بكرة وباكر
بعد كذا وقعت عقد الموارد بعد شهر وقالت لازم تفتحين حساب ببنك ساب بس لاتقولين انه انتي موظفة من المدرسة الفلانية
طلبتها خطاب عمل قالت ما نعطي خطاب عمل قلت لها طيب بستأذن اثناء الدوام او الحصة الاخيرة عشان افتح حساب قالت ممنوع مع العلم ان الدوام ينتهي 2:30 الظهر......المهم رحت للبنك وقلت انه انا بفتح حساب خاص وماجبت سيرة انه انا موظفة ابد وقالت موظفة البنك انه لو فتحت حساب جاري وتم اكتشاف ان في جهة تودع لي بيتعلق المبلغ المهم
هذا غير ان البنك كل مرة اروح سستمهم عطلان ومرة رحت من 10 الصباح الى 4 العصر وفي النهاية قالت لازم خطاب من ولي الأمر انك منتي موظفة وطبعايومها رحت مع السواق
والله وكيلكم سته مرات رايحه جايه على هالبنك في النهاية موظفة الموارد اللي بالمدرسة قالت مبلغ الموارد عادي ينزل لك على اي بنك مو لازم ساب وخطاب ما يحتاج اتفاقية بين البنك والمال وراحت للمديرة وقالت لها تكتب خطاب رحت يومها للمديرة اطلب الخطاب قالت تعالي الحصة الاخيرة رحت الحصة الاخيرة قالت كمبيوتري عطلان تعالي بكرا رحت لموظفة الموارد طبعت لي خطاب رحت بعدها للمديرة عشان تختمه وتوقعه رفضت وقالت البنك ما يقبل خطاب بالاسود والأبيض وليش اصلاً تاخذين الخطاب من فلانة ..............احس طولت وانغثيتو

وانا انغثيت وافكر اسحب على المدرسة من غير استقالة او خبر و اورطها مع الطلاب والمنهج وش شوركم يا جماعه كيف اتعامل مع هاذي النوعية من البشر؟؟؟؟؟؟؟؟؟؟؟؟؟؟؟؟؟؟؟؟؟؟؟