السلام عليكم
اخواتي واخواني الاعزاء
اليوم كلموني شركة لوظيفة وبكرة المقابلة
وهم طالبين موظفة عندها صعوبة حركة يعني من ذوي الاحتياجات الخاصة،

الاستفسار هو
انو لما اتصلوا سالتهم عن الراتب قالت الموظفة ماتعرف
طيب لو رحت عندهم وقالوا لي الراتب 3 او بحدودها
هل ارضى؟! 😕 ولا حرام وانا جامعية وعندي شهادات وخصوصًا انهم قاصدين يبون وحدة من ذوي الاحتياجات الخاصة يعني اكيد بيستفيدون من وراي اربع موظفين يعتبر

وش ارد عليهم لو قالوا لي الراتب بحدود 3!!
والوظيفة جدا مناسبة لي مبدئياً وانا ابي اتوظف واطلع من جلست البيت

محتاجه رايكم لابتخلون علي

وصحيح استفسار ثاني مهم
لو اتصلوا علي شركات اخرى بخصوص وظيفة
هل اعطيهم خبر اني امشي بالعكازة قبل ماروح ولا اسكت واروح لهم؟ 😓 لانه بصراحه كذا مرا اروح وماعطيهم خبر اني بالعكازة احسهم ينفجعون ويحرجوني وهم ينحرجون ويتللككون ويقولون بنرد عليك ولا يردون

ف اعلمهم من اول افضل بدال البهذله ف روحه والجيه ولا اسكت،

شكراً لكم

وعليكم السلام

راتب 3 الاف من ذوي الاحتياجات الخاصة ياخذونه وهم يعملون عن بعد
قولي لهم ان كان دوام كامل 5 الاف وان كان عن بعد من المنزل 3500 بحكم انك جامعية

وبالتوفيق

وعليكم السلام

الله يوفقك يااارب ويرزقك من واسع فضله

أنا رأيي في موضوع الراتب إذا تم تحديد راتب قليل فاوضي وحاولي تتكلمي عن مؤهلاتك وانك تستحقي أعلى لكن بالاخير اذا الوظيفة مناسبة لك لا ترفضيها على طول بسبب الراتب

بإذن الله يكون أعلى من الخمسة

---

الاستفسار الثاني ما أعرف ايش اقولك بصراحة بس انتي شوفي الأفضل والأنسب لك

بالتوفيق أختي

الله يوفقك يارب ويشفيك ويشفي الجميع

3000 آلاف راتب منزلي عن بعد دوام لا تقبلي اقل من 5500 مع تأمين صحي وبدل مواصلات وبدل سكن شهادك تتوظفين بدون التاهيل الشامل براتب اكثر من 7000 آلاف لا تستعجلي

روحي شوفي وتفاوضي معاهم اذا الراتب معجبة لا تستعجلون والله يرزقك

انا من راي لاتروح لانه كم بيزيد عن 3000 كم 500 ولا4000 فلذلك حرام وانتي كجامعيه ...

بالأضافه لرأي باقي الاعضاء و أضيف كل ذا يعتمد على حسب هدفك الأساسي من العمل ( تركز على راتب أم منصب معين لأكتساب خبره و الشعور بالأمان و العطاء و مستقبل مميز بهذا المنصب أم لأهداف أخرى ) أيضا ً أحد أهم العوامل حسب المدينه التي تسكني بها فـ إن كان بـ الرياض أو جده فـ حاولي 6000 أو حولها على أقل تقدير و إن كان لديك خبره فـ لابد يكون أعلى خصوصا ً جامعيه و مستفيدين عن 4

الله يرزقك ويسر امرك

أستغفر الله الذي لا إله الا هو وأتوب إليه
عدد خلقه، ورضاء نفسه، وزنة عرشه، ومداد كلماته.

حافظ عليها ورددها يومياً، فهي تجلب الرزق بإذن الله