14-01-2016, 09:26 AM
|
عضو جديد
|
|
تاريخ التسجيل: Jan 2016
المشاركات: 15
معدل تقييم المستوى: 19
|
|
السلام عليكم
كيف حال الشباب
انا رحت 3/4
وكنت ابرسل لكم العلوم بدري
لاكن اعذروني عللى التاخير
تهجولت شوي وسفر وحاله
الاخوان ماقصرو في توفير المعلومات
استأذنكم
اريد ان اضيف معكم بعض النقاط والمعلومات البسيطه في الاختبار
يمكن يستفيدون البقيه
ندخل في صلب الموظوع
المشرف على اختبار اللياقه
رقيب اول سبيعي لابس نظرات
والله رجل كفو ونعم فيه
قالنا ان شاء الله
كلكم بتعدون في اختبار اللياقه ماراح اقصر معكم
واللي اقدر عليه ابسويه
وشال عنا بعض الاختبارات الصعبه
بس قال عاد اجتهدو معي وساعدوني عشان اعطيكم درجات زينه بقدر ماقدر
المهم الامور سهلات اختبار اللياقه
طريقة الاختبار كتالي:
١-بش ام او تمرين ضغط
لازم تشد بسرعه وتسوي فيها خفيف ورشيق عاشان يعطيك درجه طيبه
2-حديد ترفع نفسك
فانت هنا ترفع جسمك بس انتبه تحمس
(واحد قاعد يرفع نفسه وتحمس وزاد الجرعه ويضرب راسه في الحديد بس شكله شاف نجوم النهار
وشكله الحديد فيها عفته
وبعدين
3-تمارين البطن
يعني تنسدح على الارض وتحط يدك ورا قفاك وترفع نفسك وتنسدح تسويها عدت مرات
عشان شد البطن
بس ولا شي نبغا شد بطن سااااااااده بدون تنسيم هههه
4-تمارين المراوغه
او المحاوص او المخايط
عباره عن علامات يضعونها وتجري من بينها
وتحاول تكون اسرع
5-هروله ولفه كامله حول المضمار وتحاول تجيب الاول
6-سباق جري بدون توقف
بس انتبه واحذركم لازم تلبسون الله يكرمكم
جزم مجود وماسكه زين
لاتورطون مثلي
وانا اجري تقال احبي اخاف يطير الجزم
مالقاها غير برا الرياض
7-قفز مسافه بعيده
يختبر مدا قوة القفز يعني واقف ويحط علامه ممكن بعد متر
ويقولك اقفز وراه سهل
........... المقابله الشخصيه.....
9-يقيسون الطول والوزن للمره الثالثه
يقول وكيل الرقبه انهم متشددين وطردو ناس بسبب الطول بعد القياس الثالث
والله اعلم
10- المقابله الشخصيه ( هنا مربط الفرس )
شوف ياحبيبي المقابله الشخصيه مجرد يشوفون شخصيتك وثقافتك
طبعا اللي يسوي الاختبار برتب عقيد على ماعتقد
ان اول مادخلت عليهم سلمت بصوت عالي
يعني زي الاسد
وقفت وشاد جسمي وقفت استعداد
وبعدين اول سؤال
وش اسمك
ودقهم باسمي الرباعي كامل وبدون تردد
قالي في احد من جماعتك في الامن الدبلوماسي
قلت له ماسمعت ان احد من جماعتي فيها
يعني انا نفر مسكين بدون واسطات
قالي اقرا سورة الزلزله
واتعوذ من الشيطان
واسمي بالله
وابد ارتل بصوت عالي سبحان الله كاني شيخ
والحمد لله انه ماقالي اقرا سوره ثانيه
ولا يمديني اصيح
بعضهم لخبط
اذا لخبطت
قوله والله هذا النسيان مصيبه وضحكه بس لاتقعد تسوي فيها بهلول كلمه كلمتين
المهم تراها سهالات
يسألك عن منهو وزير الخارجيه تقوله عادل الجبير
ومن وزير الداخليه محمد بن نايف
من وزير الدفاع محمد بن سلمان
ويمكن يقولك من ملك السعوديه
من ولي عهده
ومن ولي ولي عهده
زي كذا
يسألك عن عواصم الدول
انا سألني
عن بريطانيا وش عاصمتها لندن
وفرنسا باريس
وروسيا موسكو
والصين بكين
وهولندا سته في سبعه ماجاوبت
قلت له مدري
واحيانا يسال عن عوصم دول الخليج
حاولو تحفظونها
ودول عربيه
سالني الرسول صلى الله عليه وسلم
من دفن معه وصط الروضه
قلت له أبو بكر وعمر رضي الله عنهما
وين دفنت عائشة زوجت النبي علي الصلاه والسلام
قلت له في البقيع
مادري يمكن سالني هذا الأساله عشاني من اهل المدينه
يمكن كل ناس علىى حسب مدينته
والحمد لله حمد كثيرا طيبا ان سهل علي ووفقني في تعدي الاختبار وعقبال البقيه يارب
بس باقي القبول النهائي
وعاد عليكم بدعاء والاسغفار
وان شاء الله توفقون بأذن الله
الله يسهل عليكم ويوفقكم ويرزقكم
وعقبالكم لنا ولكم القبول ان شاء الله تعالى
هذا والله اعلم
|
العرض العادي
