فعلا كلنا نعاني من هالمشكلة
الاخوان الي يقولون انها مشكلة مفتعله استحلفك بالله كيف تحس لما سيارتك تخرب وتحطها بالورشة كم يوم وما يكون عندك غيرة وتجي تتشكى تبهذلت لان سيارتي خرابنة ووقفت كل اموري
ايش رايك انا احنا الحريم نحس كذا طول الوقت امورنا واقفة بسبب هالمواصلات
اقل سايق شهري ياخذ 1600 غير المشاوير الي ماتقل عن 100
والي يقول المشكلة مفتعله والبلد مليان مؤسسات نقل اقوله اخوي اتقي الله في نفسك لا تجيك دعوة وحدة مقهورة وينخرب بيتك
خلاص منت حاس وتبي تتجاهل هالمشكلة لا تدخل في نوايا الناس وتقول هم يفتعلونها ولا كل الامور تمام
لا طال عمرك مو كل الامور تمام وهي مشكلة كبيرة ولا تقيس على الموظف العادي الي راتبة محترم قس على الموظفات البسيطات الاستقبال والبائعات الي رواتبهم ثلاث الالف بالله كم تدفع مواصلات
اختي صاحبة الموضوع انا اتفق معك في كل حرف كتبتيه و الي تقول خلي اخوك شريك عشان يتحمس تذكرني بالزوج الي ياخذ صرافت زوجته عشان يوديها الدوام ويصير الراتب من حقة
يعني ادخلك شريك بجهدي ومالي ومشروعي عشان بس توديني .... ياسلالالام هذا اكل حق بالباطل
مالنا الا نجيب هالسايق والشكوى لله يعني 2000 راتب سايق 1000 سكن له 1500 قسط سيارة طيب ليش على كذا المفروض يمشي لكل موظفة بدل النقل ضعفين