طريقه التقديم تعرفع سعر الفلافل من 3 دراهم الى عشردراهم او ريال سعودي وتكون شبيهه بالراب والزنجر و معها صحن بطاط وثوم اعتقد
هالمشاريع بدت تنتشر بالامارات اما الطريقه التقليديه ماعتقد توصل 50 الف كمربح صافي والله واعلم

الله يوفقك ويزرقك

مع احترامي مازال مسلسل اقناع العامل الأجنبي للسعودي بالعمل في مجال كذا وكذا مستمر قبل فترة احد الاخوان اقنعه عامل مصري بفتح حلاق ويجيب اخوانه وانت الآن يقنعك سوري بمحل فلافل ،، انا مو معترضه على هذه الأعمال لكن ليش يستطيع العمال اقناعكم بسرعة وسهولة ،، بغض النظر عن كلامهم ولا نقصد دائماً التشكيك بكلامهم لكن انت معك مبلغ 60 الف ممكن تعطي نفسك خيارات ثم تبحث انت بنفسك سواء بالنت او خلال جولات ميدانية تقصلها الى ان تصل للمشروع اللي تقنع نفسك فيه ،،
عذراً اخوي دائماً انصدم من اللي يعرضون مواضيع ان معهم فلوس وبكل سهولة يقنعهم أي احد بكل شيء ،،
اما بالنسبة لكلام السوري انه خلال شهرين تطلع 50 الف هل انت اخذت جولة ميدانية في مطاعم بيع الفلافل وهل انت تشوف كل الناس تحب هذه الوجبة فيه ناس من سنوات ما ذاقوها مع انهم كانوا يحبونها كثير قبل بس دخلت وجبات كثيرة في السوق خفت من طلب الناس على الفلافل
رجاءً رجاءً للسعوديين الأجانب عندهم خلفية عن السوق اكثر منا ما قلنا شيء لكن ليس كل شيء يكون لهم
الأفكار صارت منهم والعمل منهم والإدارة هم ووكل شيء وش بقى للسعودي ،، حتى فكرة مشروع خاص فيك(اقصد السعودي) لعمرك كله مو قادر تفكر ؟؟

فيه مشكلة بس مين القادر يشخصها ويعطي حلول ،،،

اعتذر ان كان في كلامي شيء غلط بس متفاجأه وزعلانه انا مو قادرين حتى نتعلم من أخطاء بعضنا

الوضع فيه شكه وانتبه الرجل لايستضعف بهالامر ويقول فشهرين عشان تبدا بسرعه باجراءات الفلوس وغيرها وبعدين ماندري على ايش ناوي لكن موضوعه مو طيب


ومعه تاشيره زياره باي لحظة يمشي ومعه راس مال جاهز يحوله وانتهينا



قبل فتره نسيب لي سرقه عامل سوري من سوريا يشتغل في السودان في مجال المواشي وسرق مايقارب 100 الف ريال والى الان يطارد وراه النسيب والسوري اختفى في تركيا


فانتبه من جميع الجنسيات ولاتقول هذا مسكين ومحتاج اهو فالنهايه يبي فلوس والدنيا ماتنضمن لو ابوك

50 ألف في شهر او شهرين ....!!!!!!!!!!!!!!!!!!!!!

هذا حشيش مو فلافل

أشكر جميع الاخوة والأخوات الي تجاوبوا وردوا ..

كذلك أقدر حماسكم وغيرتكم على الشاب السعودي وحرصكم عليه ..

وأود أن أنوه هنا بأني لست مغفلاً حتى يظن البعض بأني (الأجنبي) سيلهف فلوسي بمجرد أن قال لي (50 ألف خلال شهر أو شهرين)

أهدى من كذا يا شباب تراني جاي أسأل وأستفسر وأتساءل .. ليه أنا جاي أسأل وأستفسر وأتساءل ؟! لأن كلام (الأجنبي) ما خش مخي .. بمعنى أني واعي وعارف .. ولكن حبيت أزداد معرفة وأشوف الآراء وهذا من طبيعة الاستكشاف ورصد ردود الأفعال.

أعجبني رد الأخ بقوله 50 ألف خلال شهرين (حشيش) .. فعلاً المبلغ كبير جداً.

وللمعلومية حواري مع (الأجنبي) كان عن طريق الواتسب وآخر كلمات في الحوار كانت: (50 ألف خلال شهر أو شهرين) .. وانتهى الحوار على هذا .. وفهمكم كافٍ.

الأخت تقول أن الاعتماد كله على الأجنبي وتستنكر ذلك ! وهذا من تكذيب الواقع يا أختي .. هاتي لي محل يقف فيه سعودي ويديره بنفسه .. ستجدي أنها تعد على الأصابع .. فلا تكذبي ما تراه عينيك لمجرد أنك لا تقرينه.

ليست لدي أدنى خبرة في التجارة ولكني لست متهوراً أيضاً ولله الحمد

أشكركم أحبتي على المشاركة الفعالة وتقبلوا اعتذاري لو أخطأت بحق أحد منكم.

بيض الله وجهك ونعتذر عن ردود بعض الاعضاء لكن تاكد انها ناتجه عن الخوف عليهم عليك

ووفقك الله ويسر امرك

وجهك أبيض اخوي (مطور مواقع)

ما عندي شك في حرص الإخوة وخوفهم على بعض وهي ظاهرة إيجابية تدل على ترابط مجتمعنا، لذلك تجد الواحد منا يهرع إلى هذا المنتدى ليستشير ويستفيد من نصائح إخوته وأخواته ويأخذها بعين الاعتبار في مستقبله التجاري .

ولا داعي للاعتذار اخوي فكلام الأخوة نابع من حرص وخوف كما اتفقنا

تعقيباً على كلام الأخت (الحياة نور)

ربما أني فهمته خطأ .. فهي تقصد أنه لماذا السعودي لا يقف مكان الأجنبي ويدير مشروعه بنفسه.

السبب يا أختي أن السعودي لا يملك في يده صنعة كما هو الأجنبي ..

فالأجنبي تعلم منذ صغره على صنعة يتكسب من ورائها عيشاً ، فتجدين منهم الكهربائي والبناء والطباخ ...إلخ

أما السعودي فنشأ على أن يدرس ليحصل على راتب يتكسب منه ويكون هو وسيلته للعيش بخلاف الأجنبي الذي يرى أن وسيلته للعيش هي التجارة من خلال الصنعة التي يجيدها.

لذلك كان اعتماد السعودي على الأجنبي

فالسعودي بماله والأجنبي بصنعته.

السموحه اخوي ان كان فهمت في بعض كلامي اساءه لك

فعلاً انت جبت مربط الفرس ((( الصنعة ))) وهذه هي السر ،، جاء الوقت للشباب انهم يتعلمون الصنعة لان الوقت تغير واللي يتقن صنعة ممكن يصير مليونير ويتطور اقتصاد البلد وتخف البطالة اما الاعتماد الراتب فقط فالغالبية لا يكفيهم وقد يلجأون الى أمور محضورة كسباً للمال،،حتى احنا يالبنات صرنا نبحث عن حرف ومهن حتى وان كان معانا شهادات عليا ليش لأ؟؟

المهم نصيحة فيه مشاريع رائعة جداً فقط حدد خيارات كثيرة لنفسك ، وحتى ان فتحت فعلاً مطعم فلافل اجعل بصمتك الخاصة فيه ومميزة ،،،

والله يوفقنا وإياك لما يحب ويرضى