السلام عليكم
انا طالب جامعي مقبل على تخرج وتخصصي انقليزي
وفعلا فعلا فعلا ناوي على مشروع ضخم
مشروعي هو بناء مجمع تجاري او مول وتاجيره بالكامل
وابي الخطوات من البداية حبه حبه
تكفون الي يعرف وش اللازم لايبخل علي ❤️

وعليكم السلام ورحمة الله وبركاته !

كم راس مالك ؟

مشروع مثل ذا أول شي راس المال

طيب هل تملك الماده
يعني مثل هذي المشاريع تبي ملايين لانشائها

الراس مال مو عندي عند واحد ثاني
ويقول انه مو مشكله راس المال
اهم شي نعرف وش المطلوب لانشائه

والله انت رررهيب .. توك ما تخرجت وحماسك في العالي .. هدي شوي يا اخوي في بادياتك بتشوف امور غريبة وعجيبة

اولها : الشخص اللي يملك المال هل اعطاك تفويض او توكيل او اي شئ يحق لك إدارة المشروع وتنفيذه من ... الى ...

الكلام ما ينفع بهذي المواضيع .. ياما سمعنا كلام وراح مع الهوى .. ما ودي اكسر جناحك واحبطك انا هدفي اوعيك .. عموما اول خطوة هي تثبت جديتك للمالك .. بتكون أول خطوة هي البحث عن ارض في موقع ممتاز واستراتيجي ولا يشترط الشراء يحق لك الاستيجار وبعدها تبحث عن مكتب هندسي استشاري يقدم لك مخططات مناسبة لهذا المشروع وتعرضها على صاحبك .. وبعدها ما تقرر المخطط المناسب تبدأ في الاجراءات القانوينة مثل اذن من البلدية بالبناء واستخراج تأشيرات عمالة .. وتكون قبلها عندك سجل تجاري وملحقاته

وبعد ما تنتهي من هذه الاجراءات تبدا في اختيار مقاول المشروع ... اعتقد الخطوات اللي بعدها واضحة وسهلة وهي تسويق المجمع للشركات التجزئة بس اهم شئ برايي تعمل دراسة لسكان الاحياء المجاورة مثلا هل دخلهم اجمالا متوسط او اعلى او اقل بناء على هذه الدراسة تختار تصنيف المجمع بمعنى هل خاص للطبقة الهاي كلاس بذلك تؤجر لماركات كبيرة ومعروفة وحتى الماركات فيه بين الغالي والمتوسط سعر مثلا مجمع النخيل مول يختلف عن مجمع السلام مول في الرياض كل واحد يستهدف طبقة معينة من المجتمع .. غير معقول مثلا تسوق لمجمع تجاري فيه ماركات معروفة وسعرها متوسط في حي فقير مثلا والعكس صحيح .. مهم جداا تراعي هذه النقطة في حال تيسر لك هذا المشروع الكبير ..

.
.
.

حط في بالك راس المال بالملايين ..

ي شباب انا واعي تماما براس المال
وانا بس ببني المجمع واعرضه للايجار بالكامل
يعني المجمع بكبره مثل يوم تبي شقه وتخليها فاضيه وتعرضها للايجار
اتمنى وصلت المعلومه

ي شباب انا والله تعبت وانا ابحث واحد نصحني بالموقع ذا
والى الان محد عطاني الخطوات اول باول


واشكرك ي سيدة مبدعه والله افدتيني

سيده مبدعه ماقصرت
في حال كانت الأرض موجوده الخطوات كالتالي , أستخراج رخصة بناء من البلدية ومعك جميع الاوراق من صك ملكيه أو عقد أجار للأرض

بعد ذلك تبحث عن مكتب هندسي في مدينتك ويخلصون إجرائاتها من إلى .

وبعدين تاخذ المخطط الهندسي وتعطيه مقاول يبنيه ويشطبه .

بعد البناء تعرض المجمع للأيجار في مكاتب العقار .

أهم خطوه هي إستخراج الرخصه .

والله يرزقنا وإياكم من واسع فضله