أنت ياللي من حكي الناس وش فيك امغبون
البشر لا ضقت منها تزيد طعونها

ولا تحاول ترضي الناس و تقول اش تبون ؟
غايةٍ لو تجهد النفس تقصر دونها

و إن جلست فمجلس الزور واللي يكذبون
لا يغرّك كثرة الزاد فوق اصحونها

إن جلست فمجلس الزور تقفاك الطعون
وإن حكيت بكلمة الحق ما يرضونها

و انتبه عثرة خويّك يليه الأقربون
انك تبيّن للأجناب وش مضمونها

صاحبك و عيال عمك و ربعك يكرمون
قدرهم لو بعت الأشناب لجل عيونها

لو جفاهم زادهم بعد في الفزعه يجون
وقفةٍ يبقى صداها و لا ينسونها

خذ كلامي يا محمد و هونها تهون
كم تجرعت المرارة و ذقت اغبونها

التجارب اشعرتني بما لا يشعرون
و المصايب درّستني و انا ممنونها

لين صرت اعلّم الناس كيف يرتّبون
الجروح و كيف الآلام ما يسلونها

عيش جرحك و أنت راضي تلذّذ بالشجون
النفوس احيان تحتاج عمق شجونها

الصباح يعلّم الناس كيف يقدّرون
ما فضح ستر الليالي و من يسرونها

و الليالي لو فضح سترها نور العيون
كان شفنا عاقل الناس من مجنونها

آه يا مقسى نجاحي على اللي يكرهون
و آه يا محلى بيوتي على مفتونها

اييه يا كثر المشاريه و اللي يشرهون
و ناس لا قلنا قصيده تقوم قرونها

ما علينا دام في الناس ناسٍ يعشقون
و القصيده قبل لا اقولها يقرونها

ما زعلنا و النهايات للي ياصلون
خل ناسٍ من ورانا تسنّ سنونها

إن حكيت اعلّم الناس ما لا يعلمون
و إن كتبت ألخص القول في مضمونها

و ان بغيت آنزّه النفس عمّا يآصفون
الثقة تطغى على شكلها و ظنونها

الشيوخ اليا تحاكوا بكلمة ينثنون ؟
كلمه و عجزوا ملايين ما يثنونها

و انا شيخٍ من شيوخ الشعر لا يجحدون
و الفعايل تبطي الناس ما يمحونها

كل ما عديت رجم المعالي يزعلون
الله يكفاني غثى الناس و شرّ عيونها

و لا تحاول ترضي الناس وتقول اش تبون ؟
غايةٍ لو تجهد النفس تقصر دونها ..

التجارب اشعرتني بما لا يشعرون
و المصايب درّستني و انا ممنونها

لين صرت اعلّم الناس كيف يرتّبون
الجروح و كيف الآلام ما يسلونها

عيش جرحك و أنت راضي تلذّذ بالشجون
النفوس احيان تحتاج عمق شجونها

الصباح يعلّم الناس كيف يقدّرون
ما فضح ستر الليالي و من يسرونها

و الليالي لو فضح سترها نور العيون
كان شفنا عاقل الناس من مجنونها

صح لسانك
من اجمل ما قرأت

احترامي

صح لسانك وعلا شانك

صح لسانك

صح لسانك

صح الله السانك 🌹🌹🌹