اخي الكريم حفظك الله ورزقك من واسع رزقه


موقف حصل لأحد الزملاء قبل 7سنوات تقريباً
كان عنده قلاب عايدي ينقل بطحا وخلافه السواق صدم راعي سيارة مرسيدس اخر موديل وهرررب لانه مو على كفالته وتحمل زميلنا تصليح السياره ب 60000 الف تقريبا والله العظيم

السوداني امين ما نختلف على هذا الشي لكن اكفله وسلمه بعقد مشروط

نصيحه لله

تقدر تعطيه السيارة بتفويض قيادة ويخليك من المسؤلية


انت جاي في منتدى تطلب مشورة لكن فكر مرارا ولا تتاثر بكل رأي


لان بيجيك الموسوس وبيجيك العاطل وبيجيك الحاسد وبيجيك المريض
الي بيقول لك مخدرات والي بيقول لك السوداني حرامي والي بيقول لك وش تبي في الاجنبي
ولو تقول له تعال اشتغل قال لك ماابي

ذبح العالم الحسد

وانا اخوك اذا واثق من السوداني انه كويس
توكل على الله وجرب شهر معه
يمكن الله يفتح له ولك باب رزق

اول شيء الله يرزقك
اهم شيء تتأكد هل يحق لسائق الخاص وهو بسيارتك ان يشتغل نقل او فيها مخالفات
يعني بصراحه اهم شيء خليك نظامي لان ممكن تسلم مية مره وفي النهاية لابد ان تقع بمخالفه اعتقد ان ممنوع ان يشتغل السائق الأجنبي بنقل الركاب والمخالفة اعتقد 300 ريال استفسر من قطاعين المرور والجوزات
وطبعا بالجوزات المسئول عن العامل هو كفيله بإحضاره بس مدري هل يكون كفيل غارم ام فقط احضار اما الاحضار متأكد منه يعني لو يسوي شيء ويشرد المطالب بإحضاره انت اما الجوزات فلا تبحث عنه ابد لأنه انت الكفيل
وترى علي فكره نقل الطالبات والمعلمات ممنوع حتي علي السعودي الا اذا كان عنده تصريح مستخرج من وزارة النقل
ومثل ما قلتلك تأكد من المرور والجوزات وريح نفسك

نصحوك الاخوان بما فيه الكفايه لكن انا بعرض عليك حل من الحلول دام ان نقل الكفاله مستحيل
تقدم على مكتب العمل فيزة سائق خاص وبالعاده تطلع من اسبوع لأسبوعين بالكثير وتخليه يطلع خروج نهائي وبعد شهر يرجع لك وبكذا يكون شغلك نظامي وانت مرتاح نفسيا وتأمن على المركبه وتسوي له تفويض وانتهينا

الله يرزقك من واسع فضله