صراحة ياحظهم الاجانب
اذا يبغون سيارة ولا محل ولا فلوس يروحون لاي سعودي يطلبون منه ويعطيهم ببلاش
ولا يعطونه وهم يضحكون ويطلبون رضاه بعد عشان يعطيهم كم هلله اخر الشهر

والسعودي هذا نفسه لو جاه ولد عمه ولا اخوه طلب منه سيارة يكد عليها مااعطاه

ليش كذا ؟

مادام العامل مو على كفالتك بتكون عليك غرامة وعقوبة التستر انت وهو
اذا ماتقدر تتابع شغله وتعرف يتفق مع كم ويوصلهم بكم وكم يدخل , لاتوافق تشغله عندك
لانه بيدخل ألوف ومابيعطيك الا مئات ماتعوضك حتى قيمة السيارة اللي يستهلكها
اشتغل انت عليها , بتدخل ذهب وربي بيبارك لك برزقك
تبدأ بسيارة واحدة وبعد كم سنة يصير عندك سيارات وشركة نقل وتوصيل
تعلم بنفسك وابدأ بنفسك حتى تقدر تفهم الشغله وتكبرها والاهم تحاااافظ على حلالك
وقتها الزبون يتعاقد مع محلك بشكل رسمي وتعطيه فاتورة رسمية والسواقين تعطيهم راتب شهري ثابت محد يقدر يلعب من وراك
كل شي مضمون ومحسوب

أخوي إسأل أحد بالمرور يمكن يفيدك
اعتقد في ورقة تعطيه تفويض بسواقة السيارة
مع الشروط اللي تحطها انه يتحمل الصيانة و كذا
بس طبعا لا تقولهم انه ببيشتغل عليها
و الله يوفقك ....

عزيزي من نظام ابشر ادخل على المركبات

اختار السيارة الي تبي تسلمها السوداني ثم اضافة مستخدم فعلي وحط رقم اقامته

لازم السوداني يكون عنده ابشر ويدخل ابشر ويوافق على انه يكون مستخدم فعلي

بعدها اطبع الاستمارة من المرور وتحصل اسم السوداني في خانة المستخدم الفعلي

المخالفات و اي مسؤولية على السوداني

والافضل تشرط على السوداني يسوي تامين شامل ع السيارة

سويتها من قبل

وشريت سيارة عائلية وسلمته المفتاح

وقبل ما يبدأ الشغل خرب الجربكس

واثناء فترة اصلاحه في الورشه

قال انا باروح الرياض حصلت لي شغل !

قلت الله يسهلك

لا هو على كفالتي ولا اقدر ألزمه بشيء

وكان سوداني وكان محترم وطيب و و و

وأخذ مني مبلغ سلفة ولا رجعه ولا اعتذر عنه

لكن مسامحه .

أنا الغلطان من البداية

لذلك انصحك تبدأ بشيء تكون ملم فيه وإذا فيه عماله تكون تحت كفالتك ( مهم جداً ) .

هذا اللي استفدته من تجربتي ولست ندمان الحمدلله .

والله يوفقك .

^

شكرا ولكن أشوف شركات ومؤسسات وحتى أفراد يسلمون الأجانب سيارات وتريلات .... فكيف هذا ؟؟؟
فحتى لو كان الأجنبي على الكفالة هل تتوقع يدفع تكاليف اصلاح السيارة ...؟؟؟ مستحيل طبعا ....

أنا قلت أجرب الوضع شهرين ثلاثة واحكم ..... لكن انتظر إفادة عن النقتطين بالموضوع ؟؟؟

أعلنت وزارة التجارة والصناعة اعتزامها تطبيق العقوبات الصادرة بحق المخالفين لأنظمة مكافحة التستر التي حدد فيها عدد من العقوبات الرادعة للمتورطين، وتأتي هذه الخطوة بعد قيام الوزارة بمباشرة الحالات المخالفة وتطبيق أنظمة مكافحة التستر والعقوبات بحقهم والتي تصل إلى السجن لمدة سنتين وغرامة مالية بقيمة مليون ريال للمخالف الواحد، والتشهير بأسماء المخالفين على نفقتهم،كذلك إغلاق النشاط وشطب السجل التجاري، وإبعاد غير السعوديين عن المملكة.

حتى وإن كان يعمل لديك وسمحت له بالعمل عند الغير يعتبر مخالف لنظام وعقوبته رادعه ومنها توقيف المعاملات لمدة تصل 5 سنوات
والسجن