السلام عليكم ورحمة الله وبركاته .

اتمنى تفيدوني بخصوص شركات الشحن , حبيت ابداء مشروع صغير وهو استكرات الايفون , والتجاليد الخاصه بالايفون , بس بالنسبه لشركات الشحن , معقول فيدكيس سعر الشحن 65 يعني اشحن استيكر لأي مدينه ب 65 , اشوف هالشي جدا مبالغ فيه , اتمنى احصل افاده , بافضل شركة شحن وسعرها مقبول , وكيف طرق الشحن والاستلام بحيث اني ابغى معلومات كافيه . اسال الله لي ولكم التوفيق .

زاجل وارامكس اعتقد من 20 ريال وحولها

او البريد السعودي

البريد السعودي
الشحن السريع بـ 30 ريال والعايدي بـ 15 ريال
والسريع خلال يومين من تجربه وبأكثر من 21 إرسالية

وخل عنك فدكس وسمسا وارامكس أسعار مبالغ فيها

سمسا فيدكس وارامكس ابتعد عنها
لأن السعر الشحن احتمال اكثر من الربع 😑
البريد السعودي "عادي" رخيص 15 ريال
لكن ياخذ ايام اكثر

زاجل سريع و رخيص انصحك فيه 👍🏻

الله يوفقكم , ويفتحها بوجيهكممم ماقصرتو جعلكمم للجنه

إلشحن دائم على المشتري .

...........

إنت بتشتري بضاعه ولآ إنت تملك البضاعه وبترسلها للزبائن ؟

بالتوفيق ....

اولاً اسأل الله ان يفتح عليك ابواب رزقه .

ثانياً " من واقع تجربه " ابتعد عن زاجل + البريد السعودي
لي تقريباً سنه ابيع في الاكسسوارات اشتريت 50 بوليصة " تخفيض للشحن " للبريد الممتاز
بدل ماتكون ب 50 ريال اصبحت 30 ريال

وماخفيك تجربة جداً سيئة من ناحيتي ومن ناحية زبايني ..
اما بخصوص زاجل فمن تجربتي بعض الاحيان اروح لهم وابغى اشحن " ع اساس اني مواعد الزبون اني اشحن له في الوقت الفلاني " فجأه يقولي الموظف مافيه ارسال

بعدها اتجهت لشركة سمسا " الوكيل السابق لشركة فيدكس " وتعاملت معهم بشراء 150 بوليصة ب6000 ريال
المفروض تكون الواحده ب 120 .. اصبحت ب 40 ريال
وايضاً اعطاني مع ال 150 بوليصة . 200 كيس

يصير في البيت تجهز كل شيء وتروح للفرع تعطيه الكيس ويسلم لك الايصال

اتعب وانا اقول هالشركة جداً جداً ممتازة من ناحية سرعة الشحن ومن ناحية خدمة العملاء ومن ناحية تعامل الموظفين

ولا تنسى ان شركة سمسا لديها فروع كثير بجميع مدن وقرى المملكة
خلاف زاجل .

هذي تجربتي واسأل الله ان يوفقك

نسيت اذكر لك انه لازم يكون عندك سجل تجاري عشان تتعامل مع سمسا ..

من ناحيتي اخذت سجل الوالد للمحل تبعه .
والتعامل كله تم عن طريق البريد الالكتروني ..

نقطة مهمة
زاجل غير متوفرة في كثير من المناطق