20-12-2015, 09:56 PM
|
عضو متواصل
|
|
تاريخ التسجيل: Nov 2015
المشاركات: 102
معدل تقييم المستوى: 35
|
|
اقتباس:
المشاركة الأصلية كتبت بواسطة جنتي أومي
ماشاء الله فكره موضوعك روعه
اقرا ردودك علي اصحاب الحسابات ردوك عقلانيه وواقعيه
الله يسعدك ويجزاك عنا كل خير
حابه تعاوني بعد اذنك
انا عندي حساب مشروع طبخ ورق عنب ومحشي كرنب
والحمدلله هو مميز وجربوه ناس منهم اقارب منهم جيران منهم زميلات الكل اثنى عليه وانبهرو فيه
فتحت حساب بالانستقرام يجوني زباين صح بس تعبت معهم بطريقة التسليم اغلبهم مايبي يدفع حساب المندوب
لدرجه وحده الله يسامحها بهذلتنا كم يوم اخرتها تقول كلمي المندوب يوصله وماستلمته بحجه زوجها
صح نالها مني الدعاء والتحسب لانها ضيعت وقتي غير السواق ماعاد يثق فيني
بس ابي منك تساعدني كيف ابدا صح مشروعي كيف اخلي الزباين يحترمون الموعد للتسليم كيف الزمهم بالمندوب بعضهم يقول بجي بيتكم استلمه!!!
لاني للحين ماااعلنت عند مشاهير الاستقرام
فقط اتبع طريقه ارد ع مواضيع كثير في حسابات كثير بطريقه عاديه مثلا يعجبني موضوع وارد عليه واشكر ومره امدحهم يعني باسلوب كانه رد تعليق وانا قصدي انبه الاخرين لحسابي .
وكيف اكسب زباين !!!!!!!!!!!!
هل تنصحني افتح محل حلويات ويشاركون معي فيه الاسر المنتجه يعني نسوي عقد حصرم مدري وش يسمونه يعني اتفق مع التاجرات الطباخات يوفرون للمحل فطاير وحلى وتشيز وكل شي لهم نسبه ولي نسبه او اتفق معهم يستاجرون ارفف بالشهر بالف ويبيعون طبخاتهم يعني بالمحل احط ارفف كثير يصير انا ألمأجره وهم مستاجرين ارفف شرايك ؟؟
|
اهلا اختي جنتي
اميين يارب ويسعدك ان شاء الله
موضوع الشحن اختي هذي المشكلة الكثير يعاني منها ...دام ان الدفع بعد الاستلام فلايوجد شي يضمنلك او يجبر الشخص الاخر انه يدفع هنا هو وأمانته ..
كل الي اقدر اقولك هو بعض الاقتراحات وكلها طبعا راح تؤثر في خط سير عملك
- تخلي الدفع مسبق
- او دفع جزء من المبلغ قبل البدء بالطبخ
- اذا كان لديكي رقم حساب مؤسسة فهذا راح يعطي ثقة اكثر للعميل انه يدفع المبلغ قبل الاستلام
الدفع المسبق ممكن يقلل من الطلب بحكم ان البعض ممكن يخاف ويشك
دفع جزء من المبلغ ايضا لكن بنسبة اقل
وقبل كل شيء شوفي كم مجموع الطلبات الي سويتيها وكم مجموع الطلبات الي لم يتم دفع الشحن الخاص بها ..
في اغلب المشاريع يتم وضع نسبة لان اكيد مو الكل راح يقوم بالدفع لكن يحطوا نسبة صغيرة يسمونها خسائر عمل
لو كانت النسبة الي عندك صغيرة مقارنة بالطلب الي تم دفعه فاستمري بطريقتك والله يعينك تتحملين تكلفة الشحن الي ماتم دفعه واعتبريه تكلفة تسويق مايضرك ان شاء الله لكن اذا كانت النسبة كبيرة فيجب انك تغيري سياسة الدفع او انك تخفضين من سعر الشحن
موضوع المحل صراحة ياريت اقدر افيدك في هالموضوع لكن هالموضوع مو من اختصاصي في المنتدى الكثير من الاشخاص المختصين بهالمجال وراح يفيدونك اكثر مني في هالنقطة ..اكتبي موضوع خاص في هالاستفسار وراح تجدي الي يفيدك ان شاء الله اختي
شاكرلك مرورك والله يسهلها عليكي ويوفقك ان شاء الله
|
العرض العادي
