السلام عليكم ، حيآكم الله
ويآ مرحبآ يآ مرحبآ فيكم

كثير مننا سمع بسوق الجملة بالرياض العزيزية وكم العدد الهائل من الدنات والشاحنات اللي توقف هناك محملة الكثير من الخضار واتية من المزارع

تعاال شيل بس وباسعار لاباس بها ، سمعت ان الخضار راح تعين خير
ياخوان والله البلد فيه خير بس وين الشباب ؟؟ وين اللي يشد حيله

السوق الله وكيلكم كله هنوود ويمن ، مالا انا السعودي بينهم ولا مبسوط مع خشتي
انا اهتمامي كله ب البصل الاحمر والبصل الابيض والبطاطس لانها تعيش معك ولا تعطب
حتى انهم حاطين قسم خااص بالبصل و البطاطس

اليوم يعتبر ثاني يوم صليت الفجر بالجامع وشديت على السوق ، توقعت حد يحرج هناك لكن ما حصلت احد كلن بدينته وخضاره وبيع عاادي

البطاطس من 3 ريال الى 4 ريال 5 ريال الا هندي وانا جايه قلت له كم قال 6 ريال

6 ريال ليييه فوضى

والبصل الاحمر من 3 ريال الى 3 ريال ونص هذا اقصى شيء

والبصل الابيض ما سعرته ، لكن يوم رحت الاسواق اللي عندنا بالحي من 10 ريال الى 20 ريال

وماشاء الله الاجانب كاسحين السوق وهذا يشيل ويمشي بدينته ودي مستودع جيب سيارة وشغالين الخلق
وانا جالس مطرف من بعيد

لا اله الا الله ، ارزاق يرزق من يشاء ، مانبي نحسدهم ولا الومهم لانهم كادين عكسنا قسم بالله شيء يقهر السوق سوقنا والمفروض حنا نمسكه عيال البلد
ماشاء الله عليهم وصلت السوق الساعة 2 الا توهم منزلين البضاعة والشاحنات توها توصل

طبعا انت سعودي انسى احد يتعامل معك ، الا من رحم ربي يعني يجيك ابن حلال او واحد يبي يصرف بضاعته

هذا اللي صار معي اليوم وان شاء الله بكرا قبل الفجر انا عندهم اصلي الفجر في الجامع واروح

وبس سلامتكم

عندي كذا سؤال من اصحاب الخبره بصفتي اني ابي اترزق ولا شغل ولاشيء

1- أصحاب الجملة وين احصلهم وكيف اقدر اتعامل معهم خصوصا انك سعودي ف صعب التعامل معهم والبيع عليهم
2- ااصحاب المزراع من خارج الرياض وين احصلهم وكيف اتعامل معهم
3- انا رجال اكد وقد اشتغلت بالقطاع الخاص 5 سنوات لكن لظروفي الخاصة ما كملت وطلعت وابي اتحرك
واللي يبي يطلع معي يقابلني هناك بعد صلاة الفجر نعرف مداخل السوق ومخارجه واذا عرفنا صاحب مزرعة صدقني والله بتعين خير


هذه ورده لانكم قريتم الموضوع شمها وردها

ياليت اقدر اساعدك بس ماعرف بالتوفيق اخوي💗

الله يوفقك ويسهل امرك
امين يارب

عليكم السلام ورحمه الله وبركاته

الحمد الله

كيفك انت

بالنسبه لـ سوق في خير والحمد الله

لو من المدينة كنت اقدر افيدك

بس ان شاء االله الاخوان مايقصرون معك ..

فمان الله

اخوي غرام شيتا

السلام عليكم ورحمة الله وبركاته

لااخفيك سرآ فأنا متحمس لهذه الشغله واحب الشغل
ارجو ان ترسل جوالك بالخاص لنتعاون وان شاء الله خير

تحياتي ،،،

ما شاء الله عليك برافووووو

ودي اروح معك بس ظروف العمل ما تسمح

بس ودي اعرف وين موقع السوق ..؟


اتمنى لك التوفيق والرزق الحلال

اليوم هو ثالث يوم ، كالعادة السوق طيب وبنفس الاسعار

بكرا ان شاء الله الصبح كان كتب ربي اكون هناك

فكرت وبعد دراسة عملتها طبعا
طلعت بنتيجة ايجابية اخذ بكمية بسيطة جدا وابسط براا
طبعا الموقع هو أهم شيء ، لو نجحت اطلع باليوم من 50 ريال الى 120 ريال اذا نجحت طبعا بعد صبر وعزيمة مالك الا تبسط وننتظر رزقك يجي

والله ييسر الامور