السلام عليكم ورحمه الله وبركاته

اخواني انا توني مستجد وصدر قراري العسكري بالتعيين
ورحت لموقعي الي عينوني فيه ورفعت مباشره .
وطبعا اعطوني اسبوع لجل اجهز امور البذله وانتم عارفين عاد . المهم في هالاسبوع جاني اتصال من الشؤون الصحيه
لان كنت مقدم فيها من قبل سنتين
الحين وش اسوي وبصراحه ابي الشؤون الصحيه
لو مارحت للعسكريه الحين هل هناك اجراءات

ولا اسحب عليهم بحكم اني للان ماسجلت عسكري في الاحوال المدنيه

اذا الشؤون الصحية قبلوك نهائي، تقدر تقدم استقالة من عملك العسكري وتباشر في الصحة بس تأكد كم الفترة اللي يمهلوك فيها الصحة حتى تباشر وتنهي خلالها إجراءات الاستقالة من العسكرية.
بخصوص إنك تسحب على العسكرية صراحة ماني عارف الإجراء اللي يترتب عليها، ولكن اذا اخترت إنك تسحب عليهم تأكد انو مايلحقك شي او مايصير تعارض في الخدمة.
احب أنبهك اذا قبولك نهائي في الصحة لاتجيب لهم طاري العسكرية اخاف يستدعون اللي بعدك في قوائم الاحتياط، الا اذا في حد قريب لك فيها يفيدك بالمضمون.
موفق إن شاء الله