16-12-2015, 05:29 PM
|
عضو جديد
|
|
تاريخ التسجيل: Oct 2015
المشاركات: 9
معدل تقييم المستوى: 0
|
|
مساعدتكم ورأيكم يا أهل الخبرة في مشروعي !!
السلام عليكم ورحمة الله وبركاته
أتنمى ان تساعدروني في ايجاد الحل لكيفية التمويل لمشروعي
أولا بكلمكم عن طرق التمويل المتاحة لي وبعدين بقولكم عن المشروع .
انا موظفة جديدة لي 4 شهور راتبي الحمدلله كويس لكن لست مرتاحة نوعا ما في وظيفتي لانها لا تناسب تخصصي ولا علمي ولا فني .
(بعد شوي بتعرفون ليش قلت هالمعلومة )
*اقدر اقدم على قرض من بنوك ويكون القسط مريح لكن المشكلة ان القرض مايتعدا 155000 والربح تقريبا 20000
والتكلفة التقديرية للمحل 200000 ولا يوجد لدي مصدر اخر غير القرض .
*اما الطريقة الثانية فهي برنامج ريادة قدمت عليهم ووافقوا مبدئيا وعندي مقابلة بعد شهر , الحلو انهم يساعدوني فكل شي مو بس تمويل وانهم يعطوني على قد ما ابي للمشروع , لكنهم لا يدعمون الموظفين
___  اذاً يا اهل الخبرة هل تنصحوني بعد ما توصلني الموافقه اللي بعد المقابله اطلع من وظيفتي بما اني اصلا مو مرتاحه ؟ وابقا على ارباح المحل فقط ؟
وبعد ما افتح المحل واخلص احاول الاقيلي وظيفة تناسبني ولو براتب قليل.
ولا اجلس بوظيفتي واخذ قرض من بنك بفوائد , اسددله من راتبي ومن ارباح المحل ؟
___________________
طيب لحظة لا تقررون شوفوا المشروع أول
___________________
في حي قديم لكنه توه يبدا يصير حي نشط وبالتحديد شارع معين لانه فاتح فيه محل معروف والناس تجيه من كل مكان المحل هذا اغلب الناس تروحله تنقي علب واشياء هدايا واشوف الناس تنسق هدايا لنفسها من المحل , يعني المحل لا يغلف ولا شي فهتموا ,, جمبه الحين فتحت عمارة جديدة وفتحت فيها مطاعم مشهورة بالخبر .
اذاً انا فكرت اني افتح محل ورد  في نفس العمارة او مقابلها , بما انو مافي محل ورد بالحي كله الا واحد ومره فاشل 
والورد اصلا شغفي من الصغر , لكن ماعمري فكرت فيه كمشروع الا لما شفت حاجة الناس له بهالمنطقة وبنفس الوقت حاجتي وقدرتي على ادارة مشروع خاص فيني ,
اطلت عليكم لكن محتاجة مشورة ولازم تكون صادقه عشان كذا قلت كل المعلومات
شكرا لكم
|
العرض الشجري
