السلام عليكم ورحمه الله وبركاته

كيف حالكم اخواني عساكم بخير حاب استفسر عن مشروع كشك كوفي مثل اللي بالمحطات وكذا

كم تكاليفه وايش يحتاج لاني افكر فيه لي فتره وماعرف وش شروط البلديه وكم يكلف وايش الاجهزه اللي احتاجها وغيره

والله ياخوك مثلك ، ناوي عليها بس يبيلها دراهم ولاهي سهلة

اسمع :

شف محطة توها تفتح وحتلاقي رقم راعيها
قله انك بتفتح كشك داخل المحطة ، حيعطيك سعر رمزي اكيد بس لابد تعرف اجرائات البلدية قبل ما تقدم على اي شيء وبعد كذا انت بنفسك تستقدم العمالة

بالتوفيق لك

مشروع مربح في حال جهزت الكشك بشكل مميز وعماله مدربه

توجد شركات كثيرة تجهز لك المحل منها

http://linguacoffee.com/692.html

وغيره الكثير وفقك الله

التجهيز كامل كم يكلف من الى تقريبا

الله يوفقك المشروع مربح بس اذا فيه منافسين راح يكون الدخل محدود
الا اذا تميزت بمنتج من ابتكارك ونفردت فيه
في الصيفية هذي رحنا للعمرة ومرينا على قرية والقرية هذي كبيرة ومتطورة
ويمرون منها الحجيج والمعتمرين الي يجون من شمال الجزيرة مكانها مهم بالحيل
دخلنا القرية حتى نمر المحطة يوم وصلنا المحطة تفاجئنا ان مافيه كشك للقهوة رحنا للمحطة الثانية والثالثة والرابعة نبي كشك مالقينا
مع انها مهي بعيده عن الرياض مستغربة وين التجار ماستثمروا فيها موقعها مميز ومتطوره بعد كانها محافظة وسمعت ان سكانها اكثرهم عزابية من الموضفين والمعلمين فرصة غير الي يمرونها من المعتمرين
تشجع الواحد يستثمر فيها لو كنت تاجرة لعملت اكثر من كشك وضفت فيها كم شاب وشاركتهم على كل كشك لي فيه النصف او اجرته عليهم
المشاريع اذا مالها منافس صار ربحها اضعاف والله ولي التوفيق

شي حلو والله الموقع اجل لاكن للاسف انا من جده

ياخوان ابي ارقام لاهنتم اذا احد يعرف او قد درس المشروع او شي

في شخص اعرفه كلفه مشروع الكشك مايقارب 70 الف لانه تكلف فيه خارجيا كلادينج وبلاط وغيرها

والنظام الجديد يكون شكله بالكلادنج فاكيد بيكلف واتوقع لو كان كلادينج بسيط بيكلفك تقريبا اجمالي 30 الف وحولها

الا اذا انت تبي شي فخم بيكلف اكيد

يعطيك العافيه ماقصرت يالذيب
هذا قيمه التجهيز كامل بدون الايجار صح؟