الابداع في افكار المشاريع بعض الاحيان يتم عن طريق مشاهدة بعض الافكار الي نفذت والقيام بتنفيذها بطريقة مناسبة ومختلفة ..وراح اذكرلكم في هالموضوع البسيط بعض المشاريع الي شاهدتها وممكن تستفيد منها انت كقارئ للموضوع ويمكنك تنفيذها في ارض الواقع ..

محل عصيرات :
شاهدت محل عصيرات في احدى الدول المجاورة وصراحة ماشاء الله عليه المكان طول اليوم يتواجد فيه الزبائن ماشاء الله ...اولا مايميز المشروع انه يقدم تقريبا اكثر من 50 نوع عصير انواع كثيييرة وجميلة ومكسات رهييبة وبسيييطة جدا كل مكس تتوقعه تلاقيه موجود شغل جبار وسريع ..وثاني شي والخدمة الجميلة الي يقدمها وهي انك ماتضطر تنزل من السيارة علشان تطلب في موظفين تبع المحل يكونوا متواجدين في الشارع ياخدوا طلبات العملاء ويوصلولهم الطلب لحد عندهم , اصلا قبل لاتفكر تنادي او تدق البوري علشان احد يجيك راح تلاقي واحد واقف عند سيارتك ...ودي تعتبر ميزة جميلة جدا طبعا عدد العمال الي في الشارع الي شفتهم تقريبا من 6-8 طبعا المكان زحمة والطلب كثير ماشاء الله لكن المحل صغير بس مو صغير مرة.. واجهة وحدة طبعا في عمال داخل المحل برضو ...

كشك صغير حلى لقمة القاضي :
تخيل لقمة القاضي كشك لشركة صار لها اسم وفتحت فروع في مناطق كبيرة ...الي يميزها اولا الكشك طبعا كشك كبير اهتموا بالتصميم تبعه تصميم جذاااب جدا وفي كراسي وجلسات في بعض الاكشاك مو كلها ...
طبعا بتقولي لقمة القاضي وش الي يخليهم متميزين كذا ؟؟
الي ميزهم انواع الصوص الي يقدمونه مع لقمة القاضي صوص وايت شوكلت وصوص دارك شوكلت وصوص عسل وكثير من الانواع هذول الي جربتهم ...جمييييلة جمييلة وفكرتها بسيطة وطبعا حلى ماحد راح يرفض يحلي حتى لو انه كان طافح ودايس في النعمة مضبوط بس ماشاء الله زباينه معروفين والي يشتري منه مرة يدمنه ..


اما الفكرة الاخيرة اعتقد موجودة لكن مو بكثرة هذي الفكرة صدفة من متابعتي لاحد الحسابات في الانستقرام وجدت اعلان لهم وهذي الفكرة للبنات طبعا :
وهي صيانة جوالات وكمبيوترات للبنات :
بتقولين كيف كذا ؟ في كثير محلات صيانة انا بعد قلت كذا لكن لما شفت اعلانهم صراحة صفقتلهم على طريقة استهدافهم للشريحة ...في الاعلان وضحوا المشكلة الي يعانون فيها اغلب البنات وهي كيف تضمن خصوصية الاشياء الموجودة في الجهاز اذا كان في يد رجل لاتعرفه ولا شي وطبعا الهاجس هذا بيكون عند اخواتنا البنات كثير ..فلما تكون الي بتسوي الصيانة بنت اتوقع بتقل نسبة القلق والخوف طبعا ماراح تنعدم لكن راح تكون اقل بكثير
فانصح البنات يتعلمو صيانة الجوالات وصيانة الكمبيوترات واتوقع راح تفتحلهم باب رزق ممتاز بإذن الله


هذي هي الثلاث مشاريع الي حبيت اشاركها معاكم وان شاء الله تستفيدوا منها اخواني واخواتي