السلام عليكم ورحمة الله وبركاته


الله لايجيب لنا الهموم او الفقر الحمدلله

عندي عدة مشاكل وابغي منكم لو انت بمكاني اش بتسوي

كان عندي اختبار بجامعه ..... واول مرا ادخل الجامعه طبعا كان التسجيل من الكمبيوتر في خيارات في نفس التسجيل
اخترت من ذوي الاحتياجات الخاصه قلت اكيد بيحطوني بمكان مهئي لي لما جاء ووقت الاختبار
دخلت الجامعه اقسم بالله انصدمت كبيره الجامعه وجلست ادور جوات الجامعه عشان احصل ممر لعربيتي

انصدمت م في لازم انقز الرصيف طبعا عربيتي كهربائيه وكل ماطلع وانزل المسامير بتنفك شوي خايف تتكسر
لئن سعرها 4500 والحكومه م تعطي الا كل 3 سنوات المهم دخلت الجامعه جوا وبروح لقاعة اختباري
قالو وقف قلت بختبر قال اختبارك فوق قلت فين المصعد قالو م فيه درج بس تعال ادخل مع العلمي واجلس انتظر
ورقتي لما اختبرت وطلعت وكالعاده واانا نازل عربيتي تخبط على الارض وخفت تطلع المسامير
لكن شسوي الشكوى لله


الشي الثاني
الشركات نصب اقسم بالله قالي في زيادات جلسة سنتين م شفت شي كلمتهم ليش م داوم بذمتكم
اداوم شسوي م في شغل يشغلني الشبكه عندهم مفصوله طبعا اعرف للكمبيوتر ولو علموني عالشغل
افهم حاطيني بالمكتب ديكوور والله انام بالبيت احسن لي ي شغلوني ي خلوني انام


الشي الثالث

تجاهل البعض لي قبل الاعاقه كان عندي اخويا كثير ذحين م عندي الا جماعتي واثنين من الكويت و1 امارتي
واللي درست معاهم يمرو من عندي يدقو بوري ويسحبو علي وقت مصلحتهم يقولو لي اخبارك
اسلوبي تجاهم م تغير بعرف ليش تغيرو علي فجاه الاعاقه مرض معدي فهموني؟!!


الشي الرابع

الزواج لافكرت بالزواج عارف مو ماخذ الا برا السعوديه م في سعوديات يقبلن ب معاق عزيزات نفس
والاجنبيه عارف جمال وكثر القتل والخيانه وتعرفو الاوضاع وانا خايف عاد بنت بلدي اثق فيها من برا م ثق بتربيتهم


وبس

اولا الله يشفيك ثانيا والله مدري ايش اقولك لكن توكل على الله وماخاب من توكل عليه ولاتفكر باي شي يوقف بطريقك اما بالنسبه للزواج مقدر اقولك فيه بنات يقبلون ومقدر اقولك مافيه بنات بس الدينا لساتها فيها خير ماتدري يمكن ربي يرزقك بانسانه تصونك وتسعدك اكبر دليل اللي تزوجت عبدالله بانعمه وانت شايف حالته كيف الله يشفيه ويشفيك ويشفي الجميع وانا ماعرف ايش اعاقتك لكن الله قادر على كل شي بس انت احسن بالظن بالله واطلبه

اسمع اخي هذا اختبار من الله انتبه تتيأس احمدلله اذا حسيت بحزن او اتضايقت من شي قول الحمدلله على كل حال ..
ربك قريب يجيب دعوه الداعي اءا دعاه ..
الشركات معروف مصابين حتى على السليمين عشان كذا خل همتك فوق وخلك مبتسم لان الله مخبي لكل انسان ماهو اجمل له اتاكد من كذا ..
الاقارب والمجتمع بصفه عامه اللي مصلحتهم معه بيبقون معه واللي يشوفون انه ماراح يفيدهم يفلون من عنده عذا شي وارد بجد عشان كذا لا تقلق كثير لانه طبيعه بشر ..
فلا تتوقع انها بسبب اعاقتك الدليل انه لوكنت مليونير بيكونو معك 24 ساعه وماراح يفكرون ب اعاقتك ..
الزواج لا تفكر انه مافي بنت بتقبل بواحد معاق لان هنا انت بتقلل من قيمه نفسك ..
انت كلم امك قلها بتزوج وهي بنروح تشوفلك البنت المناسبه ولو الاولى رفضت مو معناه العيب فيك لا والله العيب فيها وكمان ممكن الله مو كاتب انه تكون هي لك
ومتى ما بتاقى البنت اللي توافق لازم تعرف ان هذي اللي كتبها الله لك وهي اللي بتساعدك ..
لان الزواج كمال انت بتكملها وهي بتكملك ..
اللي فهمته انك كنت سليم قبل اذا عندك خبره في الحياه احمدلله وشد على نفسك شوي امل مع تفائل بتنجح ان شاءالله ..
واخر شي اقوله لك كن قوي الحياه يبغالها قلب قوي وصبر وايمان وامل ..
اكثر الاستغفار ..
تحياتي ^_^