السلام عليكم انا جديده بالمنتدى وما اعرف فيه شي
المتخرجات من قسم اداره اعمال بسألكم كيف القسم من ناحيه الدراسه ومن ناحيه التوظيف الله يسعدكم والله اني مهمومه هم مايعلم به الا الله انا اداراه ومستوى ثالث الكل محطمني قسمك مو حلو حتى قلت بحول قبل لا لا اخلص مستوى رابع تعرفون شعور احد يحطمكم وتكرهون الدراسه وتكرهين قسمك مع انو معدل حلو
انا شفت انو خريجات الاداراه يقدمون ع جداره كيق طيب وش بيصيرون مدرسات ايش يعني الله يسعد كل من تجاوب علي ويفتحها بوجهها ويرزقها من حيث لا تحتسب

انا تخصصي ادارة اعمال نفسك بالعكس التخصص مره حلو وله مستقبل في القطاع الخاص مفتوح لك كل مكان من بنوك وشركات وماتقدرين تصيرين مدرسه ممكن تصيرين اداريه

1-ادارة اعمال حليوه و الفرص حقته تعتمد على تلمدينة اللي انتي فيها
يعني لو انتي بمدينة كبيرة زي الرياض او جدة او الشرقية عموماً راح تلاقين وظائف في القطاع الخاص ، أما لو انتي بمدينة صغيرة زي الطائف الخ يعني مدينة مافيها شركات و لا فروع بنوك كثيرة فأنصحك تحولين ، يعني مثلاً أنا و بنت تخرجنا سوى تقريبا هي نقلت الرياض و توظفت وظيفتين مرة بنك و مرة ادارية في جامعة الملك سعود و انا جلست بالطائف وللحين عاطلة لأنه مافيه وظائف مدينة متواضعة لا شركات و لا غيره و فرعين بنك بس و جامعة وحدة .

2-بشكل عام ادارة اعمال فرصه مختلط فلو اهلك متشددين و مايسمحون حولي احسن لك

3- ممكن تصيرين معلمة اذا اخذتي دبلوم تربوي بعد البكالريوس و اجتزتي اختبار كفايات المعلمات ، يعينونك في المدارس الثانوية المطورة تدرسين مواد ادارية

وبس زي ما قلت لك هو قسم يعتمد على العوامل اللي فوق المدينة و العائلة ، بالتوفيق

انا خريج بكالوريس ادارة اعمال المشكلة انة تخصص غير تربوي يعني مافي امل يكون في التعليم لكن ممكن يكون عمل اداري
هو مثل ما اقالو ينفع يكون بنوك مؤسسة مالية في القطاع الخاص

كنت بكتب كلام طويل واضيف ملف مهم امس لكن علق جهازي ومالقيت الملف بعد !
زبدة الكلام اليوم اقولك ان افضل تخصص في الوظائف النسائية التعليمية هو قسم إدارة اعمااااااااااااال وهذا الكلام ماهو من عندي
اطلعي على نتائج المعلمات المرشحات ونقاطهم راح تجدين اقل نقاط هي ادارة اعمال وهذا يعني ان اي خريجة بأي معدل تقدر تتوظف معلمه مجرد ما تاخذ الدبلوم التربوي مباشره واقوووووووووووووول يابختكم ياتخصص ادارة اعمال ماشاء الله اسرع وظائف معلمات على الاطلاق
ورغبتك في التحويل عن التخصص تدل على الجهل المستفحل في اجيالنا للاسف الشديد حتى مستقبل تخصصهم يجهلونه حابه اقولك لا تدخلين منتديات ادخلي المواقع الرسمية فقط ولاتصدقين كلام زميلاتك كله هراء باختصار وزارة الخدمة المدنية +موقع قياس فيه معلومات تغنيك عن اي احد ،،،،،،،،،،،،،تحتاجين الان ملفين
الاول: دليل التخصصات في الوظائف التعلمية .
الثاني: نقاط المعلمات المرشحات عام 1436هـ
وانا اجبتك فوق واختصرت عليك الطريق انتي الان في افضل تخصص على الاطلاق والمطلوب منك بعد التخرج تدرسين دبلوم تربوي وبالتوفيق يارب

اختك

انا خريجة ادارة اعمال التخصص كادراسة جدا رائع وممتع
من ناحية الوظيفة الارزاق بيد الله
رضوانك يالله
كلامك صحيح لكن للاسف الدبلوم التربوي صار صعب الحصول عليه واحس شروطه تعجيزية
يعني انا خريجة ادارة اعمال من جامعة الملك فيصل وساكنة المدينة لما قدمت علي دبلوم جامعة طيبة
كان احد الشروط ان يكون المتقدمه خريجة جامعة طيبة <<<< ليه هذا التعجيز