السلام عليكم ورحمة الله

يأاخوان من الان انا غلطت وانخدعت ب الشركة الي انا فيها وهي شركة كبيرة في مجال المقاولات ولها وزن
ومشاريع حكومية لاتعد على مستوى المنطقة الشرقية القصة بأختصار من اول وانتم والعون لي بعد الله

توظفت قبل سنة في شركة ووظيفتي فني سقالات لاكن على كلامهم بعد 3 شهور تصير مشرف البداية دورة في معهد وكملنا الدورة ووقت التوظيف على كلامهم لنا كل شخص بمنطقته انا من الاحساء وحطوني بالدمام ووعدوني بسكن + بدل السكن باشرت العمل طلبت منهم السكن قالو حننا بننقلكم بعد شهرين رتبو وضعكم إلى وقت النقل معا العلم هم خيروننا بين الموصلات او السكن واخترت السكن مرت 3 شهور وشغلتي عامل مو مشرف نفس ماقالو ولا سكن ولا شي وامسك الخط يوميا صد رد وانا ملتزم بالدوام وغيري يلعب ويغيب وينزل لهم رواتب لدرجة في واحد فصل وينزل له راتب وهو مفصول وبعد 5 شهور طلب مني المهندس اشتغل معا النجارين وانا رفضت لنها مو شغلتي وطردني من الموقع وحولني للشركة وقعدت معلق بدون موقع لمدة شهر والشركة مااحد فادني وبعدها قدمت اجازة 20 يوم وبعد الاجازة قعدت اسبوع اطارد في الشركة وصلت لمسؤل السعودة في الشركة وقلت اني بشتكي في مكتب العمل وفي نفس اليوم نقلوني لموقع وباشرت وطلبت رواتبي لشهرين الي راحت بحكم انهم اصرفو للي معي وانا ماصرفو لي راتب شهر معلق وراتب الاجازة وقالو معا الراتب الجاي نصرف لك 3 رواتب وفي شهر 10/2015 صرفو لي راتبين فقط ومخصوم منهم وبعدها رحت لهم وحاججتهم قالو معا راتب شهر 11 بننزل لك راتبين وفي موقعي الجديد مافي نظام ولا شي وكل يوم اداوم ابي ابصم يقلون لي الاميل حق النقل ماوصل لنا اذا وصل نحط بصمتك وبعد اسبوعين وصل الاميل ووقعت المباشرة بتاريخ 11/10 وحسبو الاسبوعين غياب وانا ادوام على كلامهم مافي شي يثبت اني اداوم وحاطيني في المستودع معا العمال واطريت اني اغيب بسبب عدم وجود سيارة ومعطي الشركة خبر ومعا الرواتب حق شهر 11 مانزل لي شي وكلمتهم قالو انت غياب وانا صحيح غياب بس مايمنعوني من راتبي راجعت الشركة وقالو عليك غياب بنعطيك انذار وننزل لك الراتب وعطوني انذار طبعا او انذار يجيني وبعد هذا الانذار دومت يومين صارت لي ضروف عائلية اضطريت اني اغيب وكلمت مدير السعودة قلت له اني مااقدر اداوم ولا اقدر اجي لدمام وقالي اخذ اجازة قال لي روح فرع الاحساء قدمها من عندهم ويرسلونها لي اعتمد اجازتك وسويت نفس ماقال لي وكلمته علشان اتاكد انها وصت قالي خلاص اجازتك عندي ومر اسبوع ولانزل لي شي من الرواتب وانتهت اجازتي 27/12 رحت الموقع علشان اباشر بعد الاجازة قالو لي انت ممنعود تدخل الموقع بأمر من المهندس وراجعت الشركة قالو انت غايب والاجازة الي خذتها ماتحتسب لك راجعت مديرة السعودة وقلت له انا كلمتك عن الاجازة ورسلوها لك قل ماوصلتني وهو قالي انه وقعها وخيروني بين امرين افصل او اداوم في النعيرية .

وطبعا ان داومت في النعيريه عارف الطبخة حقتهم لاسكن ولا موصلات وما أظن يصرفون لي رواتبي الي راحت
واذا قدمت الاستقالة على كلامهم بيطالبوني ب ايام الغياب الي غبتها اخر شهر كل يوم 200


هاذي القصة بأختصار الان ناوي استقيل وابي راتب شهرين وحقوقي واخلاء الطرف منهم

وهم يقلون حنا نطالبك مو انت تطالبنا بحجت اني غايب وما اسحتق راتب وتحسب ايام الغياب وكل يوم ادفع لهم 200
وناس تقول لي اشتك في مكتب العمل وبيسون لك الي تبي وناس تقول بيقلبون الطاولة عليك ويطالبون ب رد اعتبار منك
وانا ماشكيت لكم الا ابيكم تفيدوني من يشتغل في مكتب العمل او له الخبره في مكتب العمل وهالمشاكل
هل معي الحق ام هم بيغلبوني انا كنت بفصل وماابي منهم شي بس يوم قالو كل يوم غياب تدفع 200 قلت ابي اشكيهم

اترك لكم المجال واعتذر عن الاطالة بس والله من القهر والغنبة الي فيني ضاعت سنة على شي وهمي

الاستقاله بعد سنة مالك أي حقوق الا راتبك لحد اخر يوم تشتغل فيه
وبالنسبة ان حسبت لك غياب ليه ما فصلوك ؟ ولا لهم أي 200 ريال عن كل يوم
كذاب اللي اوهمك بالشئ هذا
لكن في حالة الاستقاله بدون انذار شهر لهم حق تعويض راتب شهر أساسي بس
وان قدمت استقالة وداومت لهم شهر انذار يحق لك غياب يوم بدون عذر كل أسبوع وتاخذ راتبك كامل الشهر هذا

3 أسابيع غياب
ما اقدر افيدك
بس اللي اشوفه ما قصروا معك
خليك بعملك والعن ابليس واترك الغياب

انت موضوعك تدريب منتهى بالتوظيف على ما فهمت :.
اولاً: انت في التدريب تابع للموارد البشرية – أو تابع للمؤسسة العامة للتدريب التقني والمهني .
ومبلغ التدريب مدفوع من الموارد البشرية على ما اعتقد والموضوع عند الشركة توظيف ونصب على الخلق ولكن لازم تعرف من دفع المبلغ لان صاحب العمل لو دفع يكون النظام .
المادة الثامنة والأربعون : ما تخصك
2 - لصاحب العمل -بعد إكمال مدة التدريب أو التأهيل- أن يلزم المتدرب أو الخاضع للتأهيل بأن يعمل لديه مدة مماثلة لمدة التدريب أو التأهيل، فإن رفض أو امتنع المتدرب أو الخاضع للتأهيل عن العمل المدة المماثلة أو بعضها؛ وجب عليه أن يدفع لصاحب العمل تكاليف التدريب أو التأهيل التي تحملها صاحب العمل أو بنسبة المدة الباقية منها.
في حالة أن الامر تابع للموارد وهي من دفعت تبلغ عن كل ما يحصل عند الموارد البشرية ولا تنتظر منهم حلول فعلية فقط ( العيار اللي ما يصيب يدوش )وممكن يتحركوا فعلاً واستفسر اكثر عبر مراسلتهم بالتويتر خدمة عملاء هدف بتويتر غير معروف للشركة ولا تذكر اسم الشركة فقط وضح المشكلة بالضبط وخذ الاجابة .
ثانياً: مسمى الوظيفة في عقد التدريب والتوظيف ما هو حتى تستند على امر واضح .
نظام العمل المادة الخامسة والأربعون:
عقد التأهيل والتدريب عقد يلتزم بمقتضاه صاحب العمل بتأهيل أو تدريب شخص لإعداده في مهنة معينة.
المادة السادسة والأربعون:
يجب أن يكون عقد التأهيل أو التدريب مكتوباً، وأن يحدد فيه نوع المهنة المتعاقد للتدريب عليها، ومدة التدريب ومراحله المتتابعة، ومقدار المكافأة التي تعطى للمتدرب في كل مرحلة، على ألا يكون تحديدها بحال من الأحوال على أساس القطعة أو الإنتاج.
ثالثا: انت عندك نسخة من العقد أو لا تقدر تحصل عليها إذا كانت غير متواجدة وانت لازم يكون عندك.
المادة الحادية والخمسون:
يجب أن يكتب عقد العمل من نسختين ،يحتفظ كل من طرفيه بنسخة. ويعد العقد قائماً ولو كان غير مكتوب،
وفي هذه الحالة يجوز للعامل وحده إثبات العقد وحقوقه التي نشأت عنه بجميع طرق الإثبات. ويكون لكل من
الطرفين أن يطلب كتابة العقد في أي وقت.
رابعاً: على أي اساس ينقلونك من مكان لآخر بلا موافقة خطية منك ولضرورة شهر واحد فقط ويتحملوا كل شيء حسب نظام العمل :
المادة الثامنة والخمسون :
1 - لا يجوز لصاحب العمل أن ينقل العامل بغير موافقته -كتابةً- من مكان عمله الأصلي إلى مكان آخر يقتضي
تغيير محل إقامته.
2 - لصاحب العمل -في حالات الضرورة التي قد تقتضيها ظروف عارضة ولمدة لا تتجاوز ثلاثين يوماً في
السنة- تكليف العامل بعمل في مكان يختلف عن المكان المتفق عليه دون اشتراط موافقته، على أن يتحمل
صاحب العمل تكاليف انتقال العامل وإقامته خلال تلك المدة.
الان قبل أن تفكر في الاستقالة حاول تحضر وثائق لإثبات مستحقاتك ممكن تطالب الشركة بأرسال ايميل أو فاكس بتاريخ للمركز الرئيسي تطلب به رواتبك عن الفترات وتوضح أنك داومت في فترة من تاريخ كذا لكذا ولم تحضر وحاولت الحصول على تحضير وتريد الراتب لتلك الفترة واطلب بطريقة توصلك لراتبك وحاول ان تطبق الحاجة إم الاختراع انتبه من التهور وممكن تشتكي عليهم عن طريق التبليغ عن طريق أي احد لوزارة العمل ويدكر امور لك ولغيرك حتى لا يعرفوا من المبلغ عن تلاعبهم ويكون غير معروف اسمه وليس قريب من اسمك وانت على راس العمل وحاول تراسلهم أن تنقلك من الاحساء إلى الدمام إلى النعيرية ارهق ميزانيتك وترغب في بدل سكن أو توفير سكن وبدل مواصلات لان التكلفة عليك ثقيلة وخلى عندك شعار لا تقول سرك لأي احد في العمل أو أي احد يربطه علاقة بمن في العمل وانتبه من التذمر حتى تكسب ولا تغيب حاول تكون مثال للموظف المثالي لا تأزم امورك وحاول تبحث عن مصلحتك قبل ما يدفعوك .
اقر نظام العمل وحفظوا عن ظهر قلب .
لا تستقيل موقفك ضعيف بسبب الغياب وعدم وجود اثباتات اجمع اثباتات وانت حبيب معاهم إلى ان تحتاجها ورزقك لا تقطعوا وحاول انك ما تاخذ رد منهم إلا مكتوب لان الثقة بينكم مهزوزة حتى لو اجازة خطية ويكون الامر بالحسنا واستخير .
الموارد البشرية راتبك لو نصف من الموارد ينزل على حسابك الخاص تاكد من الامر حتى لا تسرق عن طريق الاستعلام في موقع الموارد البشرية ووزارة العمل والتأمينات ماهو اسم وظيفتك الاساسي وكم راتبك في التأمينات وعلى اي مؤهل علشان تعرف وضعك وتقدر الحلول الصحيحة .

http://www.gosi.gov.sa/portal/web/guest/245 التأمينات
الموارد البشرية :
http://oldportal.hrdf.org.sa/index.p...per&Itemid=113
وزارة العمل اعتقد هذا الموقع :
https://mol.gov.sa/Services/Inquiry/...mpInquiry.aspx

للاستفسار عن المسمى الوظيفي - والاشتراك - والمبلغ للراتب - وهل مدعوم من الموارد او لا

روح اشتكي وإذا في احد معاك يشتكي تقوى موقفك وانت تأكد من الامور السابقة الموارد وغيروا علشان تعرف من دفع مبلغ التدريب علشان ما تدفع ولا ريال لهم لو المبلغ من الموارد اسال الموظف اللي تقول عنه وخذ الاثباتات منهم حتى لو بكره حتى لا يقولوا سكت عن حقك في مكتب العمل وبعد مااستقلت تطالب واستخير في الوظيفة الجديدة وكل امورك لا تاخذ قرار قبل الاستخارة وحاول تعرف عن الشركة الجديدة من النت والمعارف الثقة لان التجار صاروا مصائب حسبي الله عليهم .
تفاصيل الحقوق بعد الاستقالة ان شاء الله اكتبها اليوم لك .