السلام عليكم

انا بصراحه ضليت فتره ادور عن مكان يكون مناسب لموضوعي الي بطرحه
و بنفس الوقت قسم يكون فيه تواجد من الاعضاء عشان تساعدوني وان شاءالله ما يكون القسم خطأ

بطرح مشكلتي مع جهه عملي السابقه و الرساله الى وصلتني منهم قبل يومين

انا اشتغلت في احدى الشركات لفتره تقريبا شهرين و اقل من 90 يوم
والى اعرفه ان خلال الفتره هذي يحق لهم الاستغناء عني من غير ما اطالبهم باي تعويض و العكس
يعني هم مالهم اي حق يطلبونه مني طالما اني ما ارتحت معاهم
بعد استقالتي خمس شهور تقريبا توظفت الحمدالله و استغربت ان من يومين
وصلني منهم مسج ( لاخلاء طرفك عليك سداد مبلغ مالي للتواصل ) و حطوا لي رقم
اتصلت عليهم بس ما لقيت رد و طنشت الموضوع لما قريت عن القوانين
و عرفت ان اساسا ان مالهم حق بأي مبلغ مالي مثل ما انا ما طلبت منهم شي
هم كمان مالهم حق انهم يطلبون مني شي

المهم وش يعني اخلاء طرف ؟
و كيف اتصرف الان هل اتصل مره ثانيه او اطنش الموضوع
بالاضافه ليش الحين يرسلون لي مسج بعد استقالتي بخمس شهور يمكن عشان نهايه السنه الماليه
بالنسبه لهم او نهايه السنه الميلاديه ؟؟

و لو وصل الموضوع للمحكمه كيف اتصرف بشكل سليم

احد يفيدني ؟؟

اخلاء الطرف هو اخلاء المسؤولية اللي عليك مع جهة وظيفتك السابقة و تسليم اي عهدة اخذتيها منهم

ولا يحق لهم مطالبتك بأي مبلغ الا اذا كنتي اتلفتي شي او سلموك حاجة ولا رجعتيها و تكون بسند طبعا

و يختلف اخلاء الطرف من جهة الى اخرى مثلا جهة تعليمية او حكومية او عسكرية الخ..