اسمحوا لي بهالمشاركة المتواضعة
مانا شاعر بس من حرقة القلب كتبتها


سريت انا بين اصحاب العقول سنين
انشد علم ومعرفة فايدتها لي ولعيالي
"اطلبوا العلم" قالها علي امير المؤمنين
يمكن بعلم وعمل بعد الموت يبقالي

طالب علم لو تعديت عمري الثلاثين
المشكلة لاجا دكتور ينقهر من سؤالي
كلنا ابن ادم ما خلقنا ربنا معصومين
سؤالي ماهو صعب بس هو متعالي

المعلم نبراس، صح على راسي والعين
إذا عليت لا تفكر من هم دونك جُهّالي
لكن أقتدِ بمن فوقك من علماء ومفكرين
العاقل نوره مثل القمر في ساعة اكتمالي

بعد سهر الدراسة صرنا للوظايف باحثين
وتوفقت من الله عسى ربي يغير لي حالي
ومن وظيفة لين وظيفة كل الوظايف متعبين
حتى شَعري طاح من تحت طوق عقالي

طالبين سعودة؟ جيناكم لا تردونا خائبين
المعيشة والسلع تحدي منهو يكون غالي
ولو زادت الرواتب لا تظنوا انها تعين
فواتير وديون واقساط فاض بها غربالي

نشتغل وننتج ونتعب وتنكسر اصابع اليدين
مديرنا اجنبي رافع كل اهل ديرته عالي
واحنا ما يشوف مننا غير الغلط والشَّين
ولا ناقشته قال سبّيته وضربته بنعالي

لا غبنا يوم كتب في التقرير "مقصرين"
سعودة والغريب لابس علينا ثوب والي
نقول له شمال والا يمين يقول شمين
والله ما قمنا ندري منهو فينا البنغالي


وسلامتكم