باركولي توظفت بس فيه مشكلة

حبيبة · #1 (**permalink**) 11-10-2008, 08:25 PM

السلام عليكم ورحمة الله وبركاته

امس العشاء اتصلوا علي الروضة وقاولي راجعينا بكرى ورحتلهم اليوم تعاملهم جدا رائع اهتمامهم بالطفل اهتمام كبير من ناحية تنمية شخصيته وابداعة قالولي الراتب 1500 بس ثلاث شهور تجريب عجبتينا قعدتي ماعجبتينا -------

عجبني الموضوع واتحمست كثير مع انه مو في مجال تخصصي يعني ابدرس عربي مو انجلش
اليوم المغرب اتصلوا مدرسة اهلية وقالولي اداوم بكرا وادرس لغة انجليزية للمرحلة الثانوية وتجربة شهر وانا قد المسؤولية انشاء الله لاني احب الابداع بالدرس والتغيير
ومحتاااااااااااااااااااارة ياجماعة ودي ادرس بتخصصي وخايفة من الأهلية والبنات والعنتزة لانهم جايين بفلوسهم يعني ماراح اقدر اظبطهم زي الحكومي بس ابغاها عشان الخبرة
وكيف اروح للروضة اقولهم هونت خلاص وانا لسى مداومة؟؟!!!!<<<<فشلة
ساعدوني بلييييييييييييييييييييييييييييييز

متحدي البطالة · #2 (**permalink**) 11-10-2008, 08:36 PM

اختي الفاضلة لابد في البداية تواجهين صعوبات لكن والله ان كنتي مستمره

تمشي الاموار طبيعي ونصيحة أخ لوجه الله لا تفوت الفرصة مررره واحده

بالنسبة لتدريس بالثانوية بخصوص نفس التخصص لديكم

والله يوفقكم ويحفظكم اخوكم: متحدي البطالة .

افتخر اني قصيميه · #3 (**permalink**) 11-10-2008, 08:47 PM

مبرووووووووووووووووووووووووووووووووووووووك والله يوفقك

صلي صلاة استخاره وشوفي وش ترتاحين له - مع الاطفال اكيد بتتعبين ومو تخصصك وتعبك اربع سنوات

ومع بنات الثانوي تخصصك وتعبك وبتبدعين فيه بس لازم تكوني قويه وتضغطين على نفسك في الاول بيتعبونك وبعدين راح ترتاحين

والقرار الاول والاخير لك وبيدك انت صاحبة القرار

قلب المملكة · #4 (**permalink**) 11-10-2008, 09:00 PM

وعليكم السلام ورحمة الله وبركاته

الف مبروك أختي

شوفي أختي أنت أدرسيها صــح

الثانوية راح تدرسين فيها نفس تخصصك وهذا راح يفيدك في الخبره أكثر

والروضة تخصص ثاني يعني ممكن بعد التجربه يلاقون وحــده تخصصها عربي ويمشونك

وهذا اللي حاصل أختي كل واحد يناظر للمصلحته

ومافيها شي إذا أعتذرتي لهم بس بالأول تتأكد من الثانوي

وفي الأخير القرار راجعلك

والله يوفقك ويسهل أمــرك

راعي الجوف · #5 (**permalink**) 11-10-2008, 09:02 PM

شوفي اختي العزيزه اولا الف مبروك والثانيه خلي وجهك صبه
يعني عادي والله لو هم ما يبونك كان قالوها بكل روح رياضيه يعيني لا تستحين
عادي انتي منتي مسيره عليهم والا من الجماعه يعني الوضع عادي
وقولي لهم والله جاني عرض ازين والله يوفقكم وخلاص

واستخيري واستشيري والله يوفقك

سيرياليه · #6 (**permalink**) 11-10-2008, 09:10 PM

اقتباس:

والبنات والعنتزة لانهم جايين بفلوسهم يعني ماراح اقدر اظبطهم زي الحكومي بس ابغاها عشان الخبرة

صح هذي يمكن شوي صعبة لكن أفضل لك إن شآء الله
من نآحية التخصص والخبرة حتى إن شااء الله إذا استمريتي أريح
من قلق الأطفآل

واستخيري قبل شيء وربي يكتب لك اللي فيه الخير

ومبآرك ياارب

سائرة في الطريق · #7 (**permalink**) 11-10-2008, 09:10 PM

حبيبة · #8 (**permalink**) 11-10-2008, 09:12 PM

الله يجزاكم خير على المرور والنصيحة
انا بصراحة ودي بالثانوي وانتم شجعتوني اكثر بس كنت خايفة من تعامل البنات خصوصا انهم جايين يدرسون على حسابهم
اهلي يقولون لي الروضة احسن عشان اريح بالنسبة لي ولكرامتي وانه مافيه ضغط زي الثانوي بس الثانوي على كلامكم اتعب فيه بس راح يريحني بعدين والشقاوة موجودة حتى بالحكومي وانا طلعوا عيوني بالتطبيق بس عدت وخلاص
للحين قلبي يضرب اخاف اختار وحده منهم واندم ليت فيه فرصة اجرب يوم فالاهلي واشوف نظامهم واذا ما أعجبني اروح للروضة بس كلهم مستعجلين عالرد والاهلي يبغوني ارد عالأقل بكرى الصبح عشان يدور بديل