نظريا مشروع رابح
تأجره بمبلغ 3000 شهريا بعقد مع شركة
عمليا
هل تضمن تأجيره بعد الشراء؟ (اهم نقطة)
ممكن يستمر واقف 6 شهور واكثر من غير عمل
في حال اخذ عقد مع شركة
ماذا ستفعل عند تأخرهم عن سدادك لمدة طويلة؟ (يحصل كثيرا مع المؤسسات والشركات الصغيرة)
اذا عندك خبرة وخلفية كاملة عن المشروع فأنت اصدق من ينصح نفسك غير هذا لا احد يستطيع يفيدك

يجوني بعض الاخوان يستشروني في مشروع معين
ودايم اسئلهم عن المبلغ الي عندهم هو من دين او قرض من البنك وهكذا
لان اذا صار المبلغ مدينه نادر ماينجح المشروع
شي ثاني المشروع لو كلف 10 الاف ريال بتوفيق من الله بينجح باذن الله ويوصله للملايين
مو شرط مئة الف او مليون لازم يبداء فيها الشخص
وبالتوفيق

وعليكم السلام ورحمة الله وبركاته..

حياك الله أخوي معماري..

أحدثك بعد خبرة مع المعدات حوالي ٣ سنين ونصف..

والله ثم والله مافيها غير التعب والقلق والأرق وعلى قلة فائدة..

سواء إذا بتشتري تيدر (مقطورة الشاحنة) أو بتشتري شاحنة كامله رأس + تيدر بأنواعه قلاب أو سطحه الخ..

نجي للأهم وهو موضوعك ((التيدر)) وإلي هو مقطورة الشاحنة سواء سطحة أو قلاب لأن النوعين هذه هي إلي دارجة في سوق التأجير..

للأسف التيدر أمره سهل ممكن تشتري لك تيدر سطحه مستعمل نظيف في حدود ٤٥ ألف ريال ومبلغ تأجيره الشهري (١٢٠٠) ريال..
وأيضاً تيدر قلاب مستعمل نظيف في حدود ٤٥ إلى ٥٠ ومبلغ تأجيره في حدود ٣٠٠٠ ريال شهرياً..

ولكن كيف تضمن إن التيدر ما ينسرق عليك..!؟
وكيف تضمن حقك من المستأجر..!؟

لأن التيدر أخوي سهل التعديل واللعب في مواصفاته وشكله, وممكن ببساطه يجحدك المستأجر ويقولك مالك شيء عندي وروح اشتكي واثبت..

وتدخل في دوامة الشكاوي والمطاردة, وإذا افترضنا على أقل تقدر إن التيدر رجع لك بيرجع متهالك, تحتاج في حدود ١٠ آلاف ريال
لترميمه من جديد باصلاح الأعطال والكفرات وتسليك الكهرباء والخ..

فلذلك للأسف الفكرة ممتازه والمشروع ممتاز ولكن ماهو عندنا في الخارج, لكن هنا صعب بالذات مع العمالة فهم مكتسحين سوق المعدات بشكل ما تتخيله..!

يا رجل يفوق الوصف..!

لأنه ٩٩٪ من أصحاب المعدات يأجر المعده بالكامل للعامل الأجنبي والذي بدوره يبدأ يكون هو التاجر الحقيقي والسعودي يستلم مبلغ رمزي شهرياً فقط..!

ويبدأ العامل بجلب أبناء جلدته وتوزيع الشاحنات عليهم وتعليمهم على كل شيء, وهلم جرا حتى تمت السيطره على السوق بالكامل..

سواء في مجال التأجير أو مجال عمل المعدات الثقيله بجميع أنواعها بلا استثناء..!

وكلامي لك يعلم الله من تجربة شخصية من الميدان بأم عيني, لم يخبرني به أحد..


فنصيحة لك شوف لك أي نشاط غير المعدات..
الحمد لله خرجت منها ولا أرغب العوده لها اطلاقاً..

بالتوفيق..

ماعندي خبرة كافية بهالمجال لكن انصح بالبداية تأمين عمل للمعدات ثم شرائها لأن جلوس المعدات بالشهر لو اسبوع بدون عمل يعتبر خسارة فادحة ولا تنسى ان اسعار المعدات تنقص مع الوقت

لا إله الا الله محمد رسول