سلام عليكم ورحمة الله وبركاته

فالبداية انا دخلت دورة ريادة 3 اسابيع كانت حلوة وجميلة وكنت اتمنا تستمر اكثر من هالمدة

المفترض من ريادة الاعمال وبنك التسليف ايجاد حلول وتسهيلات للعاطل

المفترض من بنك التسليف عدم معاقبة نسبة كبيرة من العطالة بالمملكة والي تعتبر كارثة كبيرة لا حل لها باشخاص اخلو

بنظام الاقتراض ولم يسددوا (بكسل وتهاون) من المفترض ان يتعقبوهم بحرص وانتظام بعد اول دفعة

هذا يعني السبب ليس من صاحب القرض ؟؟ السبب من المسؤول عن تعقبة بعد الدفعة الاولى

المفترض لايطلب من العاطل مبلغ 1000 الف بحجة قياس جديته العاطل لو قادر يدبر الف ماجاكم ويعلم الله ان اغلب

الشباب بالدورة متسلفينها

عزيزي قارئ الموضوع :

ريادة الاعمال تعمل 4 دورات في السنه تستقبل فيها من 15 طالب الى 25 واكثر حسب كل فررع

كل من هؤلاء الطلاب يطلب منهم 1000 ريال

15 الف ريال كل دورة + 4 دورات بالسنه اتوقع المدرب مو محتاج راتبه بوظيفته الاساساية

تبي تفكر وتقول هذا مخرج للفساد بحجة حل البطالة لا لا اعوذ بالله المسؤولين في البلد عندهم امانة واخلاص وضمير يارجل


وفقكم الله

الحين انت بدال ما تركز على مشروعك جالس تحسب كم ياخذون ريادة من الناس
بالعكس المفروض ما تتكلم كذا عنهم لان اغلب موظفين ريادة محترمين واخلاقهم جدا عالية وبالاصل هم يقولوا احنا في خدمتكم يعلم الله اني ما شفت منهم شي يزعل

واذا زعلان على الالف ريال هم حطوها رسوم لان اغلب الناس ياخذ الدورة وبعدين يسحبوا ومو جاديين وترى الالف تعتبر مبلغ بسيط جدا لدورة دراسة الجدوى مقارنة بالدورات اللي بالمراكز الاهلية اللي توصل الى ٣٠٠٠ الاف او ٤٠٠٠ الاف

كلام سليم يازهرة ,, بارك الله فيك

شكرا لك على الموضوع هذه ..

بالنسبة لصندوق رياده ياليت تعطيني تفاصيل اكثر عنهم .. بما انك شاركت فيه ..

وش سويت بالبداية ووش قالو لك ووش الاوراق المطلوبة ووش راح تستفيد منهم ووش هي الخطوات اللي راح تقوم فيها والاجراءات الين تفتح مشروعك ومبلغ الدعم .. يعني ابي معلومات كافية بخصوص هالموضوع .. وجزاك الله خير

اهلا اخوي ماجد

معهد ريادة الاعمال يعطي مشاريع للعاطلين ويدعمهم بدراسة جدوى مدتها ثلاث اسابيع

الدورة فيها دروس شفهيه واحيانا عملية عن التسويق وعن اسباب نجاح مشروعك وفشله لا قدر الله

ومعهد ريادة ماقصروا مع الشباب عملوا لهم دراسة جدوى واهلوهم لسوق العمل (لما شافوا الوضع برا كله واسطة بواسطة )

لكن بنك التسليف مادخلت براسه فلسفة حل البطالة هذه وان العاطل ياخذ منهم قرض ويفتح مشروعه ولا يصير عالة على الدولة ولا على اهله


وسلامتك

بالنسبة لطريقة التسجيل

اكتب بقوقل معهد ريادة الاعمال واكتب المشروع الي تبيه بشرط لايزيد طلبك عن 300 الف ريال

ولازم يكون عندك مؤهل فوق الثانوي يعني دبلوم تقني او اداري ولازم تكون عندك خبرة اقل شئ سنة

وخلاص

ايوة مدرب مختص يعملك دراسة جدوى بمساعدة منك هي سهله مو محتاجة شئ

التعقيد الوحيد بالدراسة هي انك بتنزل السوق وتجيب تسعيرة البضاعة الي بتحطها بمشروعك فقط

ويرسلون دراسة الجدوى لبنك التسليف وخلاص

الضمانات ضرورية من وجهة نظري ،
بنك التسليف صحيح أنه جهة حكومية ولكنه محاسب على ما بين يديه ،
وهذا شيء يطمن الشخص ،

وقضية صندوق المئوية لا تخفى على المهتمين .