12-10-2008, 08:43 PM
|
 |
عضو جديد
|
|
تاريخ التسجيل: Aug 2008
المشاركات: 17
معدل تقييم المستوى: 34
|
|
|
الذاهبه
الله اللي راد والعقده قضاها اللي عقدها
لا على الدنيا سلام ولالباقي العمر زينه
الفضا ما كنه الا خيمة طاحت عمدها
والفرح ماكنه الا شيخ انقصت يدينه
والعمر قطعت زجاج انكسرت ولاطال امدها
والعرب في العيد بدموع اليتامى مستهينه
والشوارع لفها ثوب الظلام اللي هجدها
والبيوت اطلال من عقب المحبه والسكينه
والشتا والليل والبرد وسما يصرخ رعدها
والعيون اللي ورا الشباك مذعوره حزينه
طولو في الكهف الاصحاب وبقت روحي وحدها
كنها في كوكب ثاني خلا من ساكنينه
والوداع اللي بعلم العين يعبر من رمدها
والوداع اللي بلا علم لقفص صدري غبينه
والوداع اللي بلا رجعه علي يا امر وادهى
والله انه غرغرة سم وسكاكين سنينه
والعنود اللي جفبت الناس والدنيا بعدها
مدة الفرقا لغاليها وهي تعطي الثمينه
وينها كيف اتركتني ليه ماجت في وعدها
والقمر لاطل خابرها تجي بيني وبينه
رحت انادي واتلمس في مهب الريح يدها
كني حصان بلاصاحب طوى البيدا حنينه
رحت اصيح الصبح وينه والعرب مارد احدها
ماسمعت الا صدى صوتي يقول الصبح وينه
كلهم من يوم ذيك الشمس غابت عن بلدها
طلعوني في النفوذ وصكو ابواب المدينه
كلهم من يوم ذيك الذاهبه محد(ن) وجدها
كل رجال من الشرهه قلع الدرب عينه
اثرها ماتت وماتت كل فرحه في مهدها
والربيع اقفت به اللي كانت التاج لجبينه
جاورت عقب الحدايق حفرة مقسى لحدها
حفرة ماني مصدق كيف ضمت ياسمينه
للحزن فيني نثل ما للطهاره في جسدها
ويش اسوي لافتشت اللي لها وسط الخزينه
زخرفت حلم وبنت له مسكن وسمت ولدها
آآه لو غرد ولدها في خميلة والدينه
عاهدتني واقفرت بيمين اقوى من عهدها
والصبي لاخير فيه ان كان مانفذ يمينه
ما تثقى عن رثاها عرق اقتض بشهدها
ولاتبقى خلف قضبان الجفن عذرا سجينه
كيف عند العالم ايام العزا ماحصى عددها
والا انا طالت شهوره والله اعلم كم سنينه
لا الثرى فيها نبات ولا المشيخ خفف نكدها
لا السما فيها طيور ولا البحر يمه سفينه
لاالقمر هذا مساه ولا العصي هذا رغدها
لاالزهر هذا شذا ولا الذهب هذا رنينه
قالوا الشيخ الفلاني مرجع القوم وسندها
قال يبشر بالعوض والعلم جينا ناقلينه
ساق لك بدر البدور اللي نشدها من نشدها
جادر هزت عروش وخيبت روس ذهيله
قسمها في رسمها في جسمها الا في رشدها
واسمها ان جاء للغضب قومه على الالسن رطينه
اترك الناي وعطية شيخنا غنى لسعدها
وانبسط ياعم وانسى اللي ورا التربه دفينه
قلت ولصدري تناهيد تروع من شهدها
آآه وا ويلاه من يجلب علىقلبي ظنينه
خلوا أغلى ذاهبه ترعى ربيع اللي فقدها
والعطا راعيه محد(ن) صوبه الله لايهينه
لو ضمنت الجنة تفاحة القلب وشهدها
قلت من بكره عسىمجنونها تاقف سنينه
الشاعر(ناصر القحطاني)
مع تحيات الناقل(بحني البيشي)
ملاحظه- اهداء الى (alrahaal)
|
العرض العادي
