دراسة مشروع مغسلة سيارات

هارب من البطالة · #11 (**permalink**) 03-11-2008, 01:06 AM

بالتوفيق للجميع

مشروع مربح ورائع
مشروع أفكر فية منذ فترة ولاكن لم أجد من يوضح لي بعض النقاط

-البستم للرفع السيارة من أين أحصل علية وكم تكلفته
- هل يمكني حفر بئر أرتواز داخل المشروع
-كم عدد العمالة المسموح بهم من مكتب العمل
-مضخة الهواء كم تكلفتها

كما أرجو من لدية الخبرة أن يضعها بالصفحة من دون الخاص كي يستفيد منها باقي الأعضاء

ودمتم بود,,,,,,,,,,,,,,,

كوكـ · #12 (**permalink**) 03-11-2008, 01:44 AM

الله يوفقك اخوي

حبيت اقول لك اعرف واحد صاحب مغسله ومهتم فيه مع انها بشارع كله مغاسل

وربحه الشهري حلو 4000 و 4500

وموفق ان شاء الله

خالد الشفاء · #13 (**permalink**) 03-11-2008, 02:07 AM

بالتووووووفيق لك أخي

النجم الذهبي · #14 (**permalink**) 03-11-2008, 02:09 PM

اقتباس:

المشاركة الأصلية كتبت بواسطة السكبة

اخووي النجم الذهبي كم كلفك مشروك للمغسلة

ايجار المغسله كان خمسه وخمسين الف كنت ادفعه على اربعه دفعات كل ثلاثه شهور كنت ادفع 13000الف ريال ومدة العقد كان سنه وبعد سنه اجدد لمن جاء وقت التجديد شافو مغسلتي شغاله ماشاء الله رفعو عليه الايجار الى 90000الف ريال 35000الف ريال زياده عشان كذه بعتها
الادوات الثانيه الي جبتها تعتبر كماليات مو ضروري تجيبها بس اذا كنت تبغى تكون مميز وتجذب الزبون لازم تجيبها وهي مكينة بخار بسبعه الاف ومكينة رغوه بالف وميتين ومكنسة تنضيف بالف وخمسميه ومضلات باربعه الاف وكشافات عشان تعطي منضر للسياره
واي خدمه بين يدك

النجم الذهبي · #15 (**permalink**) 03-11-2008, 02:16 PM

اقتباس:

المشاركة الأصلية كتبت بواسطة رحيــــــل

النجم الذهبي أبي ااعرف كم تكلفت الآلت لرفع السيارة

هذي ياطيب على حساب صاحب الموقع هوه يجيبها للموقعوتستاجره كامل قبل ما تستاجر الموقع تاكد من البساتم انها موجوده وماطور الهواء ودينمو المويه هذي الاشياء الاساسيه لازم تلقاها قدامك
وفقك الله

النجم الذهبي · #16 (**permalink**) 03-11-2008, 03:33 PM

اقتباس:

المشاركة الأصلية كتبت بواسطة هارب من البطالة

بالتوفيق للجميع

مشروع مربح ورائع
مشروع أفكر فية منذ فترة ولاكن لم أجد من يوضح لي بعض النقاط

-البستم للرفع السيارة من أين أحصل علية وكم تكلفته
هذا طول الله عمرك صاحب الموقع هوه يجيبه لانه شي اساسي وتقريبا قيمته من 14000 الى 18000
- هل يمكني حفر بئر أرتواز داخل المشروع
اذا مغسلتك حوش يمديك تجيب خزان علوي او تحفر وتجيب خزان والاولى ارخص لك اما اذا مغسلتك في محطه فصاحب الموقع ملزوم يجيب لك خزان مستقل عن خزان الموقع
-كم عدد العمالة المسموح بهم من مكتب العمل
مكتب العمل يعطيك عامل واحد ويقولك انقل كفاله لاكن روح عند اي واحد افريقي وقله ابغى عمال اذا عجبوك انقل كفالتهم
-مضخة الهواء كم تكلفتها
هذي صاحب الموقع يجيبها قيمتها 4500 او5000

كما أرجو من لدية الخبرة أن يضعها بالصفحة من دون الخاص كي يستفيد منها باقي الأعضاء

ودمتم بود,,,,,,,,,,,,,,,

الله يوفقك

رحيــــــل · #17 (**permalink**) 04-11-2008, 03:17 AM

أخوي النجم الذهبي
اهنا شباب متعاونين جمعنا مبلغ من المال وحابين نفتح مغسلة جديدة من بنيان وكل الادوات علينا

بس حاب اعرف كم سعر الباستم

النجم الذهبي · #18 (**permalink**) 04-11-2008, 10:35 AM

اقتباس:

المشاركة الأصلية كتبت بواسطة رحيــــــل

أخوي النجم الذهبي
اهنا شباب متعاونين جمعنا مبلغ من المال وحابين نفتح مغسلة جديدة من بنيان وكل الادوات علينا

بس حاب اعرف كم سعر الباستم

الله يوفقكم
تقريبا سعر البساتم من 14000الى 18000
بس فيه تنبيه يالحبيب فيه اخبار انه البلديه بتمنع المغاسل البساتم يعني تروح تبغى تصريح من البلديه مايعطونك لانه حصلت مشاكل كثيره من البساتم مثل ان العامل يجي يرفع السياره بالبستم وما تكون موزونه وتطيح من فوق البستم وتتكسر السياره فحاول قبل ماتشتري البستم تروح البلديه وتتاكد
الله يوفقك

محمد الطميحي · #19 (**permalink**) 04-11-2008, 07:28 PM

بالتوفيق

كوكـ · #20 (**permalink**) 05-11-2008, 04:12 AM

السلام عليكم
أخوي النجم الذهبي ممكن تفيدني بكم تكلفة المغسلة إجماليا
بصراحه حصلت مكان ممتاز للمغسله على شارع عام وكل شيء جاهز فيها بس يبغالها بويه ومجلس للزبائن وكراسي بالاضافه الى الكشافات
اخوي بالنسبه للخزان اسويه ولا على صاحب المحل
الشيء الثاني كم وايت تجيب يوميا يوم مغسلتك والوايت تقريبا كم يكفي سياره
الشيء الاخير اعذرني طولت عليكـ
صحيح ان المويه المالحه ما تنفع للغسيل,,؟
استشاره\ المغسله اللي بفكها قريب منها مغسله ثانيه

وش رايكـ وش تنصحني فيه وشاكر لك...