18-04-2016, 05:00 PM
|
عضو نشيط
|
|
تاريخ التسجيل: Oct 2015
المشاركات: 159
معدل تقييم المستوى: 19
|
|
اقتباس:
المشاركة الأصلية كتبت بواسطة الحصيف0
للي يسأل عن التقديم وإجراءات القبول هذا ماحصل خلال تقديم دورة 45 العام الماضي
طريقة التقديم وإجراءات القبول :
الخطوة الأولى : التسجيل عبر الموقع الإلكتروني لوزارة الداخلية /
بعد حفل التخرج للدفعة الحالية في الكلية ، يتم فتح التسجيل عبر موقع وزارة الداخلية عن طريق الموقع الإلكتروني بعد ذلك تصلك رسالة عبر الجوال باكتمال طلب التقديم مع رقم الطب ( وسيكون رقم الطلب مرافق لك طوال فترة التقديم والفحوصات ...)
يستمر التسجيل قرابة الأسبوع ، وبعد الانتهاء من التسجيل بخمسة أيام تقريباً تعلن نتائج المقبولين مبدئياً للمرحلة الأولى عبر موقع الكلية .
لما تدخل الموقع وتدخل رقم بطاقتك تجيك وحده من رسالتين :
الرسالة الأولى : نبارك لك قبولك مبدئيا في كلية الملك فهد الأمنية ونرجو الحضور للكلية في الموعد المحدد لقياس الوزن والطول . ( راح يحددون لك موعد بالساعة واليوم والتاريخ ) ويطلبون منك إحضار بعض الوثائق
الرسالة الثانية : نعتذر لقبولك هذا العام متمنين لك دوام التوفيق والنجاح .. ( والخيرة فيما اختاره الله )
الخطوة الثانية : الحضور للكية في الموعد المحدد بعد ذلك يجمعون الطلاب في قاعة كبيرة والباصات تحمل الطلاب وتنقلهم إلى المدرجات .
طبعا تدخل المدرجات وينظمونكم على شكل مجموعات للبدء بخطوات اليوم الأول :
الخطوة الأولى : تجي عند عسكري وتبصم ويطبعلك نموذج فيه جميع بياناتك وآخر النموذج خانة للطول والوزن .
الخطوة الثانية : تروح للطول والوزن وتقابل لجنتين :
اللجنة الأولى : قياس الطول والوزن ويكتبلك طولك وزنك بالنموذج ويختم ويوقع وتعطى الورقة لرئيس اللجنة برتبة عقيد ، بعد ذلك يقولك أمورك تمام أو ناقص طول أو وزن أو زايد طول أو وزن ( طبعاً متشددين جداً خلال تقديم دورة 45)
إذا أنت ناقص أو زايد طول أو وزن تمسك الخط الأحمر وتتوكل على الله لسيارتك ..
إذا أمورك تمام يقولك تروح للجنة الثانية ومسؤولها نقيب ويتأكدون من الطول والوزن هل هي تمام أو لا إذا تمام تمسك الخط الأخضر وتروح للخطوة الثالثة .
طبعا إذا أحد رسب في الطول والوزن وطلب إعادة الطول والوزن يعيدونه له يتأكدون .
الخطوة الثالثة : لما تمسك الخط الأخضر تنتقل إلى الخطوة النهائية وهي مطابقة الأوراق وتسليمها واستلام الدفتر الخاص بك .( واستلامك للدفتر لايعني قبولك القبول المبدئي الثاني )
الدفتر بتتعب وأنت تعبيه وبيانات طويلة عريضة أهم شي بعد ماتاخذ الدفتر مباشرة تعبي النموذج الخاص بالأحوال المدينة وتراجع فرع الأحوال اللي طلعت من بطاقتك أول مرة ( اللي هو جهة الحفظ أسفل البطاقة )
مثال / اصدرت بطاقتك من أحوال الوشم في الرياض ، وجددتها في أحوال بريدة فالمطلوب أنك تراجع أحوال الوشم في الرياض وليس أحوال بريدة .
القبول المبدئي الثاني
بعد ماينتهون من الوزن والطول لجميع المتقدمين بأربع أيام تقريبا تطلع قائمة القبول المبدئي الثاني في الموقع.
تدخل وتلاقي إحدى رسالتين :
1/ قبول
2/ اعتذار والخيرة فيما يختاره الله
في حال القبول :
يعطيك جدول مقسم على يومين :
اليوم الأول مقسم على فترتين :
الصباح / كشف طبي 1 + مقابلة شخصية 1
ويتضمن الفحص الطبي 1 /
فحص العيون والنظر
فحص الأذن والسمع والنطق
فحص الأسنان
مقابلة شخصية 1 /
بسيطة جدا يشوف الاتزان في جسمك وهل تمشي كويس أو لا و هل عندك مشكلة في الفهم ......
طبعا طريقته في أوراق كثير على الطاولة تختار ورقة ويقولك أمسكها وارجع ورا وأقرأ السؤال :
أذكر سؤالي كان حديث نبوي بسيط ويقولك وش معناه .
ممكن يقولك أقرأ سورة الناس أو التكاثر أو قصار السور في جزء عم .
الليل /
أشعة الصدر
قياس الضغط
تحاليل دم وبول
اليوم الثاني /
الصباح / فحص طبي 2+ مقابل شخصية 2
الفحص الطبي 2:
فحص النفسية يسألك هل أنت مدمن أهلك فيه أحد مدمن تتعاطى حشيش وأسئلة غبية الصراحة
ثم يعطونك كيس ويقولك نزل الفانيلة وارفع سروالك إلى الركبة وتجلس في مكان مع مجموعتك بدون فنايل ورافعين السروايل إلى الركبة ..
في هاللحظة حقين كشف طبي 1 يدخلون ويشوفون المنظر ويضحكون ( والدور جايهم )
بعد ذلك تدخل على دكتور :
يقولك ضم رجليك عشان يشوف الرجل مبسوطة أو لا ..
ثم تأتي اللحظة الصعبة : يقولك أخلع السروال
فتخلع السروال ويشيك ثواني إذ فيه دوالي في الخصية أو خصية مهاجرة أو أي مشاكل في الخصية .
بعد ذلك تلبس ملابسك وتطلع لكشف الصدرية يشيك على صدرك والتنفس ... الخ
ثم تنتقل إلى مقابلة شخصية 2 /
هذي الخطوة هي أهم خطوة في القبول وهي اللي تحدد قبولك أهم شي الثقة الثقة الثقة والجرأه أثناء الحديث وتكون إيجابي /
طبعا راح يعطونك نموذج قبل المقابلة تعبيه بعد ذلك تدخل على شخص ويسألك أسئلة بناء على اجاباتك في النموذج ..
من ضمن الأسئلة :
هل سافرت خارج المملكة ؟
وش قنواتك المفضلة ؟
وش فريقك المفضل ؟
وش القنوات اللي ما تحبها ؟
تدخل على اللي يقابلك ومعك النموذج ويبدأ يسألك .. بناء على إجاباتك ..
وحاول أنك تكون ذكي في الإجابة وواثق من نفسك .
بعد ذلك تتوكل على الله وتجي بالليل لاختبار اللياقة .
باختصار لفتين على الملعب كل لفة 400 متر ولا فيه وقت محدد الأسرع يأخذ درجة كاملة تقدر تجيبها في 3 دقايق إذا لياقتك وسط .
ثم استطالة ولازم تجيب فوق 30 سم ..
بعد ذلك يبقى لك تسليم الدفتر .
وبالنسبة للتخصصات العلمية لهم مقابلة تخصصية يحددون لك موعد ويرسلون لك رسالة بالجوال .
وتنتهي الإجراءات كلها في 18 رمضان تقريبا .
وموفقيييين ياشباب
|
بيض الله وجهكك وكفي ووفيت
لكن عندي استفسار بخصوص اختبار القدرات الخاص بالكليه
متى تطلع نتايجها ؟
قبل فتح التسجيل ولا بعده
|
مدري وش يحس فيه
العرض العادي
